Tutu Xuva 7:27 - El Nuevo Testamento en Mixtec Santa María Zacatepeco

²⁷ Va maa yo cha chìto yo ndanu kīchi ra'ya. Va taku ma Cristu, ti nï'iin ñivi töve chìto na nda iti' ni kichi ra ma ora ni kichaa ra ―Takan nàtu'un ta'an na.

Tutu Xuva 7:27 Iomraidhean Croise

Tutu Marku 6:3

¿A yüvi rakan kùu ra se'e Ndiya, ra jàtiñu chi'in vitu, niku? Chìto yo ti yani ra kùu Jandiau, ta Kusé, ta Juda chi'in Simón. Ta juuni i'ya ìyo ma ñivi ta'an ra ndia. ―Takan kàti na ña nàtu'un ta'an na. Yakan va nī jachi'in na ña kà'an Jesuu.

Tutu Luka 4:22

Takan kūu ta ndisaa na ndava kuà'an anima na ora chīni na ña ya'aga vii ma tu'un kā'an Jesuu. Tajan te'en kīcha'a na chìkatu'un na chi'in juuni maa na: ―¿A yüvi ra'ya kùu ra se'e Kusé? ―kàti na.

Tutu Xuva 6:42

Ta ma ndian judíu te'en nāka'an na: ―¿A yöve Jesuu i'ya, kùu ra se'e Kusé? Ndicha ña juu ra kùu ra, ti nàkoto va'a yo ma tatá ra chi'in ma'á ra. ¿Ta chïto naja kà'an ra ña kīchi ra iti' andivi?

Tutu Xuva 7:15

Ta ma ndian judíu ndava kuà'an anima na ña kīndoo na nde'e na ra, ta te'en kīcha'a na chìkatu'un ta'an na: ―¿Naja ya'a ga chìto ra'ya, ta töve nī jakua'a ra? ―kàti na.

Tutu Xuva 9:29

Ta ndyu'u cha chìto ndi, ti Ndioo kā'an ra chi'in Moisés, va rakan, töve chìto ndi ndanu kīchi ra ―kàti ndra.

Tutu Hechos 8:33

Yakan va ora ndē'e ra tundo'o töve nī keta nï'iin yo kà'an cha'a' ra. Vati rakan chī'í ra, ta töve nī chiyo nï'iin se'e ra, ti ma ñivi kīndaa na ma kivi ña ni koo ra ma ñuñivi.