Tutu Xuva 7:18 - El Nuevo Testamento en Mixtec Santa María Zacatepeco

¹⁸ Vati ma ndian jàna'a nuu ma ñivi chi'in ma tu'un ña jàndakuu maani na, kùuni yi ka'an yi ña jàka'nu na juuni maa na. Va ma ndian jàna'a nuu ma ñivi, ta nànduku na naja kua jàka'nu na ma ndian tāchi na. Ndiakan kùu ma ndian kà'an ma ña ndaa, ta nï'iin ñivi küu ni'i na naja kua tisokuati na cha'a' ña jà'a na.

Tutu Xuva 7:18 Iomraidhean Croise

Tutu Mate 6:9

Yakan va te'en ìyo yi ña ka'an ndo chi'in Ndioo: Yo'o ra kùu Tatá ndi, ra ìyo andivi, na ya'aga ií kùu ma siviun.

Tutu Xuva 11:4

Tajan ora chīni Jesuu ma ña kā'an na, ta te'en nāka'an ra: ―Ma kue'e ña ndo'o ma Lázaru, na töve ni kuvi ra ja'a yi, vati yakan kùu yi kuenda ña chi'in ra kùu jana'a yi naja kua ya'a ka'nu kùu ma Racha'nu Ndioo, ta juuni kuenda ña na jana'a yi naja kua ka'nu kùu ma ra Se'e ra ndia.

Tutu Xuva 12:28

Takan kūu tajan ma Jesuu te'en nāka'an ra chi'in Ndioo: ―Yo'o Tatá, na tiñu'u̱n ta na jaka'nu̱n ma siviun ―kàti ra. Tajan te'en nāka'an ma tati yu'u Ndioo ma iti' andivi: ―Cha jāka'nui ma sivi̱, ta cha tīñu'i yi, va ni ja'a ndikoi yi ―kàti yi.

Tutu Xuva 12:43

Takan jā'a na vati chàta'ani ga na ña tiñu'u ñivi na chi'in tu'un kà'an na, takua ma ña kà'an Ndioo.

Tutu Xuva 5:41

’Taku yu'u na töve chìniñu'i ña na jàka'nu ma ñivi yu'u.

Tutu Xuva 8:54

Tajan Jesuu te'en nāka'an ra: ―Tu yu'u jàka'nui juuni mai, na töve nda kuenda yi. Ma ra kà'an ndo ña kùu Ndioo ndo, rakan kùu ma Tatái, ra jàka'nu yu'u.

Tutu Tesalónica Nunuu 2:6

Vati taku ndyu'u tüvi nànduku ndi ña na jaka'nu nï'iin ñivi ndyu'u, ni ndyo'o ta ni ñivi inga tuku ñuu ndia. Vaji kùu ndakan ndi nuu ndo ña na tindee ndo ndi chi'in ndisaa ma ña kùmani nuu ndi, cha'a' ña chā'a ma Racha'nu Cristu tiñu nuu ndi niku. Ta tüvi nī ja'a ndi yi takan,

Tutu Petuꞌ Nunuu 4:11

Tu ìyo ma nda ndian kà'an nuu ñivi, na ka'an na takua iin ndian kà'an ma tu'un yu'u Ndioo. Ta tu ìyo nda ndian chà'a iin tiñu, na ku'va na yi chi'in ndisaa kuii ma tundeeni ña chā'a ma Ndioo nuu na. Ta tandi'i ma tiñu jà'a ndo na ja'a va'a ndo yi, ta takan kuu jaka'nu ndo ma Ndioo cha'a' ma Jesuu. Ti rakan kùu ma ra ya'a ga ìyo ndatu ta ya'a ga ka'nu kùu ra. Ta takan na kuu yi endeeni. Amén.

Tutu Xuva Nunuu 2:29

Yakan va tava cha chìto ndo ti ma Racha'nu Cristu kùu ra iin ra ndaa, ta juuni kua ikan ìyo yi ña koto ndo vati ndisaa nda ndyo'o jà'a ma ña ndaa, kùuni yi ka'an yi ña juuni ndian se'e Ndioo kùu ndo ndia.