Tutu Xuva 6:35 - El Nuevo Testamento en Mixtec Santa María Zacatepeco

³⁵ Ta Jesuu te'en nāka'an ra chi'in na: ―Yu'u kùu ma paan ña chà'a ña koo ndito ndo endeeni. Ta ma ndian vàchi nui, na tüva ni kusoko na, ta ma ndian chìnuni ña kà'in, na tüva ni natii na takuii ndia.

Tutu Xuva 6:35 Iomraidhean Croise

Tutu Mate 11:28

Ta ndisaa ndyo'o ndian nduva'a chitatu, cha'a' ña ya'a jàtiñu ndo, ta cha'a' ña ya'a vee ndiso ndo, na kichi ndo nui, ta ku'vai nuu nindee ndo.

Tutu Luka 6:25

’¡Nda'vi ta'an ndyo'o ndian chànini ndo ña ìyo va'a ndo, ti tükuii nayi kumani nuu ndo vitin!, kùuni ndo. Vati ni chaa iin kivi ña ni ndo'o ndo tama'. ’¡Nda'vi ta'an ndyo'o ma vitin, ti ni chaa iin kivi ña ni kuaku ndo jà'a ña ya'a nda'vi ni kuuni ndo!

Tutu Xuva 4:15

Tajan ma ña'a ikan te'en nāka'an ña chi'in Jesuu: ―Yo'o racha'nu, na ku'vaun ma takuii ikan ko'i, ikan na tüva ni natii̱ ndikoi ma takuii, ta na kïchi gai tava gai ra' tichi ma soko i'ya ―kàti ña.

Tutu Xuva 5:40

Va ndyo'o na töve kùuni ndo chinuni ndo ma tu'in, ta tu chīnuni ndo yu'u niku, kùu ni'i ndo nuu koo ndito ndo endeeni chi'in Ndioo.

Tutu Xuva 6:37

Ta tandi'i ma ndian chā'a ma Tatái nui, ndiakan kùu ma ndian vàchi nui. Ta ma ndian vàchi nui ni ku'vai ña ki'vi na iti' kuà'in.

Tutu Xuva 6:41

Cha'a' ña'a kùu yi ña ma ndian judíu kīcha'a na chàtu'un na ra, cha'a' ña kā'an ra tu'un i'ya: “Yu'u kùu ma paan ña kīchi iti' andivi.”

Tutu Xuva 6:65

Tajan Jesuu te'en nāka'an ra: ―Cha'a' yakan kùu yi ña, cha kā'in chi'in ndo, ña nï'iin na, na küu kichi na nui, tuva yöve ma Tatái kùu ma ra ji'na ña chā'a ra yi nuu na.

Tutu Apocalipsis 22:17

Takan kūu tajan te'en nāka'an ndio ma ra kùu Tati Ií Ndioo, chi'in ma ndian kùu takua kùu ñasi'i ma ra kùu mvechala: ―Na'a ndo ―kàti na. Ta nda ndian ni kuuni ña taso'o na ora kà'an na takan, na ka'an na: ―Na'a ndo ―inga cha'a'. Tu ìyo nda ndian natii takuii, na kichi na i'ya. Na kichi na ta ku'va saani̱ ma takuii ko'o na ña chà'a kivi koo yo.

Tutu Apocalipsis 7:16

Ta ndiakan na tüva ni nde'e na tundo'o, ti na tüva ni kusoko na, ta tüva ni natii na takuii, ta tüva ni ka'mi ma nikandii ma ñii na ndia.