Tutu Xuva 5:6 - El Nuevo Testamento en Mixtec Santa María Zacatepeco

⁶ Ta ora ndē'e Jesuu ña kàndii ra ma ikan, tajan chā'a ndio ra kuenda ña cha ìyo kua'a' kuiya ña ku'vi ra, ta te'en chīkatu'un ra nuu ma ra kù'vi: ―¿A kùuniun nda'un? ―kàti ra.

Tutu Xuva 5:6 Iomraidhean Croise

Tutu Luka 18:41

―¿Nayi kùuniun ña ja'i chi'un? ―kàti Jesuu. Tajan te'en nāka'an ma ra kuaá chi'in ra: ―Yo'o Racha'nu, kùuni̱ ña na janda'un tinui ikan na kuu nde'i ―kàti ra.

Tutu Xuva 21:17

Takan kūu tajan cha'a' uni kùu yi ña, te'en kīcha'a ndiko Jesuu chìkatu'un ra nuu ra: ―Yo'o Simón, ra se'e Jonás, ¿a ndichaun ña kùuniun nde'un yu'u? ―kàti Jesuu. Tajan ma Petu' nda'vi kūuni ndio ra cha'a' ña, cha'a' uni chìkatu'un Jesuu nuu ra, ña tu kùuni ra nde'e ra ra, tajan te'en nāka'an ra chi'in ra: ―Yo'o Racha'nu, cha chìto va'un ndisaa ma kua chànini̱, ta juuni cha chìtoun ña kùuni̱ nde'i ñu̱n ndia ―kàti Simón. Tajan Jesuu te'en nāka'an ra chi'in ra: ―Na jakuendaun ndisaa ma ndian chìnuni ña kà'in takua jà'a iin pato chi'in mvechala kùmi ra.

Tutu Xuva 5:5

Ta tañu ma ndian kùkue'e kàndoyo ikan, ìyo iin ra ña ku'vi ra cha ìyo iin oko cha'un uni kuiya ña ku'vi ra.

Tutu Xuva 5:7

Ta ma raku'vi te'en nāka'an ra chi'in Jesuu: ―Yo'o racha'nu, na töve ìyo yo kuu tindee yu'u ña tì'i na yu'u tichi soko ikan ora jàkanda ma tati ra'. Ta nàni ora kùuni̱ ki'vi tichi ra' ora kandaa ra', ta java tuku na ji'na kì'vi kua mai ―kàti ra.

Tutu Hebreu 4:13

Tandi'i yo ña tùvio jā'a Ndioo, na küu kundii xe'o nuu ra, vati ndisaa yo kàvitio kuenda ra ti ndè'e kachin ra ndisaa ña chànini yo chi'in ma ña kùuni ma anima yo ja'a yi, ta nuu ra ìyo yi ña ku'va yo kuenda cha'a' ndisaa yi.

Tutu Hebreu 4:15

Vati uvanuu rakan kùu iin sutu va'a kuenda yo. Ta chìto va'a ra ña ndian kündeeni kùu yo cha'a' ña numini kì'vio ja'a yo kuati. Yakan va kūnda'vini ra yo. Vati juuni kī'in ma kui'na ku'va ra indukuni takua jà'a yi chi'in yo ña jā'a yo kuati, vati rakan nï'iin cha'a' töve nī chaa ra jà'a ra kuati.