Tutu Xuva 5:36 - El Nuevo Testamento en Mixtec Santa María Zacatepeco

³⁶ Va ka'nuga kùu ma tu'un ña kà'an yu'u kua ma tu'un ña kā'an Xuva. Vati ndisaa ma tiñu ka'nu chā'a ma Tatái ña jàchinui, yakan kùu ma ña jà'i. Ta cha'a' yakan kùu yi ña kùuni yi ka'an yi, ña ndicha kuii ña ma Tatái tāchi yu'u.

Tutu Xuva 5:36 Iomraidhean Croise

Tutu Mate 11:4

Tajan Jesuu te'en nāka'an ra chi'in ndra: ―Na ku'un ndo, ta katitu'un ndo nuu Xuva, ma ña ndè'e ndo, chi'in ma tu'un chìni ndo.

Tutu Luka 2:49

Tajan te'en nāka'an Jesuu chi'in vi: ―¿Ta naja nànduku ndo yu'u? ¿A tüvi chìto ndo ti ìyo yi ña koi ve'e Racha'nu Tatái? ―kàti ra.

Tutu Xuva 10:25

Tajan Jesuu te'en nāka'an ra: ―Cha kātitu'in yi nuu ndo, ta töve nī chinuni ndo yi. Vati ma tiñu tāchi ma Tatái yu'u ña ja'i, yakan jàna'a kachin yi nda ra kùi.

Tutu Xuva 11:37

Ta ìyo ma ndian judíu kà'an te'en: ―Ma ra jā'a ña ndā'a ma tinuu ma ra takani kuaá ora kāku, ¿naja na töve nī kuu ja'a ra nï'iin nakuyi, ikan na töve kuvi ma Lázaru niku? ―kàti na.

Tutu Xuva 15:24

Tu yu'u töve nī ja'i ma tiñu ka'nu tañu na, ña nï'iin ñivi na küu ja'a yi, nï'iin kuati na töve niku. Va cha ndē'e na ma ña va'a jā'i, ta juuni xàani na nde'e na yu'u, chi'in ma ra kùu Tatái ndia.

Tutu Xuva 17:4

’Endee jàka'nui ñu̱n nda ni kùuni chàkunui ma nuu ñu'u' ñuñivi i'ya, ti cha jāchinui tandi'i ma tiñu ña chā'un nui ña na ja'i.

Tutu Xuva 2:23

Ta ora ìyo Jesuu ma ñuu Jerusalén ma viko Pakua, kua'a' ñivi kīcha'a na chìnuni na tu'un ra, ora ndē'e na kua'a' ndatu ña jà'a ra.

Tutu Xuva 3:17

Vati Ndioo tāchi ra ma ra Se'e ra kuenda ña na jakakú ra ma ñivi ìyo ñuñivi, ta yöve kuenda ña na tiso ra kuati na ta kuvi na.

Tutu Xuva 3:2

Tajan chānde'e ra Jesuu, ma nuu ìyo ra iin chanikuaa. Ta ikan te'en kà'an ra chi'in ra: ―Matru, chìto ndi ña ma Racha'nu Ndioo tāchi ñu̱n kuenda ña jàna'un nuu ndi, ti nï'iin ñivi na küu jà'a na ma ndatu ña jà'un, tu töve kùta'an Ndioo chi'in na ―kati ra.

Tutu Xuva 4:34

Va ma Jesuu te'en nāka'an ra: ―Ma ña chàchi̱ kùu yi ña na ja'i ndisaa tiñu chà'a ra tāchi yu'u ta jàchinui yi takua kùuni ra.

Tutu Xuva 5:32

Va ìyo inga ra kàtitu'un nuu ma ñivi cha'i, ta chìtoi ti ña ndicha kùu ma tu'un kà'an ra.

Tutu Hechos 2:22

’¡Taso'o va'a ndo ndyo'o ñivi ñuu Israel ña ni ka'in chi'in ndo! Ti takua ndyo'o cha chìto va'a ndo, cha'a' ma tiñu jā'a Racha'nu Jesuu, ra kīchi ñuu Nazaret. Rakan kùu ra kāchin Ndioo ta jāna'a ra ra nuu ndisaa ndo. Ti Ndioo chā'a ra ña na ja'a Jesuu kua'a' ndatu ka'nu ra nuu ndo, ta juuni jā'a ra ña na jana'a ra kua'a' seña kuenda ma kuiya ni kichi. Ta juuni jāva'a ra kua'a' nakuyi chi'in ndatu ra ndia.

Tutu Xuva Nunuu 5:9

Ta tu chìnunio ma tu'un kà'an ñivi chi'in yo, ta ìyo yi ña chinuni ga yo kua kà'an Racha'nu Ndioo, vati kà'an ra cha'a' naja kua ìyo ma ra kùu Se'e ra chi'in yo.