Tutu Xuva 5:10 - El Nuevo Testamento en Mixtec Santa María Zacatepeco

¹⁰ yakan va ma ndian judíu, te'en nāka'an na chi'in ma ra ndā'a ikan: ―Yo'o xaa, kivi nindeo kùu yi, ta cha'a' yakan kùu yi ña na töve va'a jà'un ña ndisoun yuviun chàkunuu̱n ―kàti na chi'in ra.

Tutu Xuva 5:10 Iomraidhean Croise

Tutu Mate 12:10

Ta ndē'e ra ña ma tichi yi, nandi iin ra nda'a' ití. Va tava nànduku ndra naja kua jà'a ndra, ta kā'an Jesuu iin ña tüvi va'a, ta chi'in yakan kùu nani'i ndra naja kua tisokuati ndra ra. Tajan te'en chīkatu'un ndra nuu ra: ―¿A kùu janda'a yo iin ndian ku'vi ma kivi nindee yo? ―kàti ndra chi'in Jesuu.

Tutu Marku 2:24

Ta te'en kīcha'a chìkatu'un ma ndra fariseu nuu Jesuu, ti kùuni ndra tisokuati ndra Jesuu: ―¡Yo'o xaa! ¿Ta naja jà'a ma ndra jàkua'a chi'un iin ña tüvi ìyo yi ña jà'a yo ma kivi nindeo?

Tutu Marku 3:4

Tajan te'en chīkatu'un ndio ra nuu ma ndian ka'ìin ikan: ―¿Nayi kùu ja'a yo ma kivi nindeo, kùuni ndo? ¿A jà'a yo ña va'a, a ña vä'a'? ¿A tiá va'a ña jàkakú yo na, a nde'enio ña kuvi na? ―kàti Jesuu. Va ma ñivi ka'ìin tichi veñu'u ikan, tüvi nī ka'an na ña kā'an ra.

Tutu Luka 13:14

Va ma ra chà'nda tiñu ma veñu'u ikan, nduva'a kūxaan ra ña jānda'a ma Jesuu ña iin kivi nindeo. Tajan rakan te'en nāka'an ra chi'in ma ñivi ka'ìin ikan: ―Ìyo iñu kivi ña jàtiñu yo ta'ii'iin jamana, na kichi nda'a ndo ma kivi ikan, ta töve na ja'a ndo ña kichi ndo nduku ndo ña nda'a ndo ma kivi nindeo ―kàti ra chi'in na.

Tutu Luka 23:56

Ta ikan jan kēe ndio vi kuà'an vi ve'e vi. Ta ora chāa ndio vi tajan jāndova'a vi takuii xiko, vati ni ku'un vi kujakuti vi ñunda'yu Jesuu ti koto ku'ini yi. Takan kūu tajan ndisaa ma ñivi ña'a ikan nīndee vi ma kivi ikan takua kà'an ma tutu Ndioo.

Tutu Luka 6:2

Tajan te'en kīcha'a chìkatu'un ma ndra fariseu nuu ndra: ―¿Ta naja jà'a ndo iin ña tüvi ìyo yi ña ja'a ndo ma kivi nindeo? ―kàti ndra.

Tutu Xuva 1:19

Tajan tāchi ma ndra chà'nda tiñu nuu ndian judíu ña ìyo ñuu Jerusalén ma sutu chi'in ndra levita, ña na kundakatu'un ndra iin nakuyi nuu Xuva. Ta te'en chīkatu'un ndio ndra nuu ra, ora chāa ndra nuu ra: ―¿Ta yo'o nda ra kùu̱n, ta nda tiñu jà'un? ―kàti ndra.

Tutu Xuva 5:11

Tajan ma ra kùkue'e ikan, te'en nāka'an ra chi'in ma ndian judíu: ―Ma ra jānda'a yu'u te'en kā'an ra chi'i̱n: “Na kani'un ma yuvi kìxiun ta na ku'u̱n ve'un”, kāti ra chi'i̱n ―kàti ra.

Tutu Xuva 5:15

Ta ora chīnu kā'an ma Jesuu takan chi'in ma ra ndā'a, tajan kēe ndio ra kuà'an ra, ta kātitu'un ndio ra nuu ma ndian judíu ña Jesuu kùu ma ra jānda'a ra, kàti ra.

Tutu Xuva 5:16

Ta cha'a' ña jānda'a ma Jesuu ma ra ku'vi ikan, yakan va ndīkun ma ndian judíu ka'ni na ra, ti naja jā'a ra ma tiñu ikan ma kivi ña nindeo.

Tutu Xuva 7:23

Ta vitin tu cha'a' ña kùuni ndo jachi'in ndo ña kà'an ma ley Ndioo ña tāa ma Moisés kùu yi ña chà'nda ndo ñii nuu ika ma ndrakuati se'e ndo vaji kivi nindeo kùu yi, ¿ta naja kùxaan ndo yu'u cha'a' ña jānda'i ninii ma ra ku'vi ma kivi nindeo?

Tutu Xuva 9:16

Ta ìyo iin ma ndra fariseu ña kà'an te'en: ―Ma ra jà'a takan, na yöve ra tāchi Ndioo kùu ra, vati töve tìñu'u ra ma kivi nìndee yo ―kàti ndra. Ta ìyo inga na ña te'en kà'an: ―Ta tu ra jà'a kuatini kùu ra, ¿ta naja kùu jà'a ra ma ndatu ka'nu tuva takan? ―kàti na. Ta cha'a' yakan kùu yi ña kēsiin na ti, siin siin chànini na.