Tutu Xuva 4:9 - El Nuevo Testamento en Mixtec Santa María Zacatepeco

⁹ Tajan ma ña'a ñu'u' Samaria, te'en nāka'an ña chi'in Jesuu: ―¿Ta nava jà'a yo'o ra judíu ña chìkaun takuii ko'un nui, ta yu'u ña ñu'u' Samaria kùi? ―Takan kàti ma ña'a ikan chi'in Jesuu ti ma ndian judíu tüvi induku kùuni na chi'in ma ndian samaritanu.

Tutu Xuva 4:9 Iomraidhean Croise

Tutu Mate 10:5

Takan kūu tajan tāchi ndio Jesuu ma ndi uchi uvi ndra jàkua'a chi'in ra chi'in ma tu'un i'ya: ―Koto kü'un ndo ma ñu'u' nuu ìyo ma ndian töve chìnuni, ta koto kï'vi ndo ma ñu'u' Samaria ndia.

Tutu Luka 10:33

Ta juuni ma ora ikan yā'a iin ra ñu'u' Samaria nuu kàndii ra, ta rakan ora ndē'e ra ra, nduva'a kuii kūnda'vini ra ra.

Tutu Xuva 4:27

Ta juuni ma ora ikan chākoyo ma ndra jàkua'a chi'in Jesuu, ta ndava yū'vi ndra ña nàtu'un Jesuu chi'in ma ña'a ikan. Ta nï'iin ndra na töve nī chikatu'un ndra nuu ra, nayi chìkatu'un ra nuu ña, ta naja nàtu'un ra chi'an.

Tutu Xuva 8:48

Tajan ma ndian judíu te'en nāka'an na chi'in Jesuu: ―Ndicha ndi ña kà'an ndi, ña ra ñuu Samaria kùu̱n, ta ndisoun tati xaan ―kàti na.

Tutu Hechos 1:8

Ta ndyo'o ti ni ni'i ndo ndatu ma Tati Ií Ndioo ora ni kichi yi koo yi chi'in ndo. Ta ikan jan ku'un ndo kujana'a ndo tu'un cha'i ñuu Jerusalén, ta ninii ñu'u' Judea, ta ñu'u' Samaria chi'in ninii ka'nu ñu'u' ñuñivi, ikan na koto ndisaa ma ñivi ìyo ñuñivi yi ―kàti Jesuu.

Tutu Hechos 10:28

Tajan te'en nāka'an ma Petu' chi'in na: ―Cha chìto va'a ndo ti iin ra judíu na küu ku'un ra natu'un ra chi'in ñivi yüvi judíu. Ta na küu ki'vi ra ve'e na, ti töve chà'a ma Ley ñivi judíu ña jà'a ra yi. Va vitin Ndioo jàna'a nui ña na tüvi ìyo yi ña ka'in ña nï'iin ñivi kùu ndian tüvi nàndoo nuu ra a ndian töve va'a nuu ra.

Tutu Hechos 10:32

Na tachiun iin ndra ku'un ñuu Jope na kuki'in ndra ra Simón ña juuni nàni ra Petu'. Ta rakan ti ìyo ra ve'e ra jànatii ñii. Ta juuni nàni ra Simón ndia. Ìyo ra yatin yu'u tañu'u”, kàti yi chi'i̱n.