Tutu Xuva 4:31 - El Nuevo Testamento en Mixtec Santa María Zacatepeco

³¹ Ta kīcha'a kà'an ma ndra jàkua'a chi'in ra, jànini ndra ra chi'in tu'un i'ya: ―Yo'o Matru, kachi ita'vi ma ña chàchi ndi ―kàti ndra.

Tutu Xuva 4:31 Iomraidhean Croise

Tutu Mate 23:7

Ta juuni kùuni ndra ña na iñu'u kaña'a ma ñivi chi'in ndra ndanikuni nuu kèta ndra nuu na ma kai. Ta na ka'an na ndra, “matru.”

Tutu Mate 23:8

’Va ndyo'o, töve ìyo yi ña ku'va ndo ma ñivi ña na ka'an na, matru chi'in ndo, vati ndisaa ndo kùu ndo ta'an ndo. Ta ma ra kùu Matru ndo, uvanuuni ra ìyo, ta rakan kùu ra, Cristu.

Tutu Mate 26:25

Tajan ma Juda, ra ni xikoña'a ra, te'en nāka'an ra chi'in ra: ―Matru, ¿a yu'u kùi? ―kàti ra. Ta Jesuu te'en nāka'an ra chi'in ra: ―¡Maun cha kā'an yi! ―kàti Jesuu.

Tutu Mate 26:49

Tajan chātu'va ndio ra nuu ndaa Jesuu, ta te'en nāka'an ra chi'in ra: ―¡Na koo va'un, Matru! ―kàti ra chi'in ra. Ta tūtu ra sitin ra.

Tutu Marku 11:21

Tajan chāku'uni ma ra nàni Petu' ña kā'an Jesuu chi'in run. Ta kà'an ra nuu Jesuu: ―¡Matru! ¡Nde'e yutun higu ña kānduva'un, ti cha nàtii run!

Tutu Marku 14:45

Takan kūu ta jāyatin ra ra nuu Jesuu ta kà'an ra: ―¡Matru! Ta kāña'a ra chi'in ra.

Tutu Marku 9:5

Tajan te'en nāka'an ndio Petu' chi'in Jesuu: ―¡Matru! ¡Ya'a va'a ña ka'ìin yo i'ya! ¡Na ku'un ndi kuja'a ndi uni lomara, iin yi kuendaun ta inga yi kuenda Moisés, ta inga yi kuenda Elía!

Tutu Xuva 1:38

Ta ndē'e chata ma Jesuu, ta chā'a ra kuenda ña ndikun ndrakan kuà'an ndra chata ra. Tajan te'en chīkatu'un ndio ra nuu ndra: ―¿Niyi nànduku ndo? ―kàti ra. Ta ndrakan te'en nāka'an ndra: ―Yo'o Rabí ―ña kùuni ka'an yi Matru― ¿ndanu ìyoun? ―kàti ndra.

Tutu Xuva 1:49

Tajan ma Natanael te'en nāka'an tuku ra: ―Matru, ndicha kuii ña yo'o kùu ma ra Se'e Ndioo, ta juuniun kùu ma ra kùu Rey ra chà'nda tiñu ñuu Israel ―kàti ra.

Tutu Xuva 11:8

Tajan ma ndra jàkua'a chi'in Jesuu te'en nāka'an ndra chi'in ra: ―Matru, já kūuni kuii ma ndian judíu ka'ni na ñu̱n chi'in yuu niku. ¿Ta chïto naja kùuni ndikoun ku'u̱n ma ndakan? ―kàti ndra.

Tutu Xuva 3:2

Tajan chānde'e ra Jesuu, ma nuu ìyo ra iin chanikuaa. Ta ikan te'en kà'an ra chi'in ra: ―Matru, chìto ndi ña ma Racha'nu Ndioo tāchi ñu̱n kuenda ña jàna'un nuu ndi, ti nï'iin ñivi na küu jà'a na ma ndatu ña jà'un, tu töve kùta'an Ndioo chi'in na ―kati ra.

Tutu Xuva 3:26

Ta ma ndrakan te'en kātitu'un ndra nuu Xuva: ―Yo'o Matru, ma ra ndaa chi'un inga chiyo yu'u yuta Jordán niku, ma ra kātitu'u̱n iin cha'a' nuu ndi, vitin ndaa ra jàkunduta ra kua'a' ñivi, ta ndisaa na ndikun na ra.

Tutu Xuva 4:30

Takan kūu ta kēe ndio ma ñivi kuà'an na chi'an ta ora chani chaa ndio na nuu ndaa ma Jesuu.

Tutu Xuva 4:32

Va rakan nāka'an ra te'en: ―Cha ìyo ma ña ni kachi̱ va ndyo'o na töve nàkoto ndo yi ―kàti ra.

Tutu Xuva 6:25

Ta ora nāta'an na Jesuu ma inga chiyo yu'u tañu'u, ta te'en nāka'an na chi'in ra: ―Yo'o matru, ¿nda ora kīchaun nde've? ―kàti na.

Tutu Xuva 9:2

Tajan ma ndra jàkua'a chi'in ra, te'en chīkatu'un ndra nuu ra: ―Matru, ¿ta naja kāku kuaá ma ra'ya? ¿A cha'a' kuati ma ndian kùu tatá ra kùu yi, a cha'a kuati juuni maa ra kùu yi? ―kàti ndra.