Tutu Xuva 4:29 - El Nuevo Testamento en Mixtec Santa María Zacatepeco

²⁹ ―¡Na'a ndo na ko'o kunde'o ma ra kātitu'un nui cha'a' tandi'i ma ña jà'i! ¿A yöve rakan kùu Cristu?, kùuni ndo.

Tutu Xuva 4:29 Iomraidhean Croise

Tutu Mate 12:23

Tajan ndisaa kuii ma ñivi, ndava kuà'an tati na, ta te'en kīcha'a na chìkatu'un ta'an na: ―¿A yüvi ra se'e David kùu ra'ya?, kùuni ndo ―kàti na.

Tutu Xuva 4:25

Ta ma ña'a ikan te'en nāka'an ña: ―Yu'u chìtoi ña ni kichi ma ra Mesías ña (kùuni yi ka'an yi Cristu,) ra tāchi Ndioo, ta ora ni kichaa ra ni katitu'un ra tandi'i ma naja kua kùu yi nuu yo ―kàti ña.

Tutu Xuva 4:28

Ta ma ña'a ikan ndākoan ma kii ña nda'a' ña, tajan endee chīnuan kuà'an ña ma ñuu ña, ta ma ikan te'en nāka'an ña chi'in ma ñivi ñuan:

Tutu Xuva 4:30

Takan kūu ta kēe ndio ma ñivi kuà'an na chi'an ta ora chani chaa ndio na nuu ndaa ma Jesuu.

Tutu Xuva 4:39

Takan kūu ta kua'a' va'a ma ñivi ndòyo ma ñuu ikan ña ìyo kuenda ñu'u' Samaria, kīcha'a na chìnuni na ma ña kà'an ma Jesuu, ta cha'a' ma ña kà'an ma ña'a ikan chi'in ma ñivi, vati kà'an ña ña kātitu'un Jesuu nuu ña tandi'i ma ña jā'a ña.

Tutu Xuva 7:26

Na nde'e va'a yo, ti ikan ndaa ra kà'an ra nuu tuvi ñivi, ta nï'iin ma ndra kùxini töve kà'an ndra chata ra. ¿A töve chànini ndra, ña ndicha va'a, ña ra'ya kùu ma Cristu, ra tāchi Ndioo?, kùuni ndra.

Tutu Xuva 7:31

Ta ma ora ikan kua'a' na chīnuni ma ña kà'an Jesuu, ta te'en kīcha'a ndio na nàtu'un ta'an na: ―Ma ora ni kichi ma ra kùu Cristu, ¿a ni ja'aga ra tiá ndatu ka'nu kua ra'ya?, kùuni ndo ―kàti na ña nàtu'un ta'an na.

Tutu Apocalipsis 22:17

Takan kūu tajan te'en nāka'an ndio ma ra kùu Tati Ií Ndioo, chi'in ma ndian kùu takua kùu ñasi'i ma ra kùu mvechala: ―Na'a ndo ―kàti na. Ta nda ndian ni kuuni ña taso'o na ora kà'an na takan, na ka'an na: ―Na'a ndo ―inga cha'a'. Tu ìyo nda ndian natii takuii, na kichi na i'ya. Na kichi na ta ku'va saani̱ ma takuii ko'o na ña chà'a kivi koo yo.