Tutu Xuva 4:19 - El Nuevo Testamento en Mixtec Santa María Zacatepeco

¹⁹ Tajan ma ña'a ikan te'en nāka'an ña chi'in ra ora chīnian ña kà'an Jesuu takan: ―Yo'o racha'nu, yu'u chànini̱ ti iin ra kà'an chi'in tu'un yu'u Ndioo kùu̱n.

Tutu Xuva 4:19 Iomraidhean Croise

Tutu Mate 21:11

Ta ma ñivi kàcha'an chi'in Jesuu te'en nāka'an na chi'in na: ―Ra'ya kùu Jesuu, ra kà'an chi'in tu'un yu'u Ndioo, ra kīchi ñuu Nazaret, ña kàndii iti' ñu'u' Galilea ―kàti na.

Tutu Luka 24:19

Tajan te'en nāka'an Jesuu: ―¿Nayi kūu ma ikan? ―kàti ra. Tajan te'en nāka'an ndra: ―Nàtu'un ndi cha'a' ndisaa ña tā'an Jesuu ra ñuu Nazaret, vati rakan iin ra kà'an chi'in tu'un yu'u Ndioo kùu ra. Ta ya'a ìyo ndatu ra chi'in ma ña jà'a ra, ta chi'in tu'un kà'an ra nuu Ndioo, ta chi'in ndisaa ma ña jà'a ra chi'in ma ñivi ndia.

Tutu Luka 7:16

Ta ora ndē'e na ña jā'a Jesuu, ta ndisaa na yū'vi na, ta te'en kīcha'a ndio na kà'an na ña jàka'nu na Ndioo: ―Ndicha kuii, ña ra'ya kùu iin ra ya'a ka'nu ña kà'an chi'in tu'un yu'u Ndioo. Ta vitin cha kēta ra tañu yo. Ta ìyo inga ndian kà'an te'en ndia: ―Ndioo cha kīchaa ra kuenda ña tìndee ra ñivi ra ―kàti na.

Tutu Luka 7:39

Takan kūu ta ma ra fariseu, ra jāinvitaa Jesuu, te'en kīcha'a ra chànini ra ña jà'a ña takan chi'in Jesuu: “Tuva ndicha ña ra kà'an tu'un Ndioo kùu ra, ¿ta naja tüvi chà'a ra kuenda ña ña tondo kùu ma ña kè'e ra?” Takan chànini ra.

Tutu Xuva 4:18

ti cha u'un cha'a' ña tānda'un niku, ta ma ra ndàkaun vitin na yöve iiun kùu ra. Yakan va ña ndicha kùu ma ña kà'un ―kàti Jesuu.

Tutu Xuva 4:29

―¡Na'a ndo na ko'o kunde'o ma ra kātitu'un nui cha'a' tandi'i ma ña jà'i! ¿A yöve rakan kùu Cristu?, kùuni ndo.

Tutu Xuva 6:14

Takan kūu ta ora ndē'e ma ñivi ma ndatu ka'nu ña jā'a Jesuu, ta te'en nāka'an na: ―Ndicha kuii ña ra'ya kùu ma ra kà'an chi'in tu'un yu'u Ndioo, ra ni kichi ma ñuñivi i'ya ―kàti na.

Tutu Xuva 7:40

Ta ìyo iin ma ndian ka'ìin tañu ma ñivi, ña ora chīni na ma tu'un i'ya, ta te'en nāka'an na: ―Ndicha va'a ña ra'ya kùu ma ra kà'an chi'in tu'un yu'u Ndioo ―kàti na.

Tutu Xuva 9:17

Tajan te'en kīcha'a ndiko ma ndra fariseu chìkatu'un ndra nuu ma ra kuaá niku: ―Ta yo'o, ¿naja kua kàtiun nuu ndi, cha'a' ma ra jānda'a ma tinuu̱n? ―kàti ndra. Ta rakan te'en nāka'an ra: ―Yu'u kà'in, ña iin ra kà'an chi'in tu'un yu'u Ndioo kùu ra ―kàti ra.