Tutu Xuva 21:6 - El Nuevo Testamento en Mixtec Santa María Zacatepeco

⁶ Tajan Jesuu te'en nāka'an ra chi'in ndra: ―Na jakana ndo ma yu'va tiaka' ka'nu ndo ma iti' chiyo kua'a ma varku, ta ni ni'i ndo ndri ―kàti ra chi'in ndra. Tajan takan kāni ndio ndra yi, ta nduva'a kua'a' ndri tīin yi ña ndava kündeega ndra tava ndra yi chi'in ndri.

Tutu Xuva 21:6 Iomraidhean Croise

Tutu Mate 7:27

Ta ikan jan kōyo ndio ma savi tati nduva'a ka'nu chata ma ve'e, ta chā'nu ndio ma yuta, ta jānduva yi ma ve'e. Ta takan kūu yi ña endee ndī'i yi tāni ―kàti Jesuu.

Tutu Xuva 2:5

Tajan ma ma'á Jesuu te'en nāka'an ña chi'in ma ndra jàkuu tiñu ma viko ikan: ―Na ja'a ndo ndisaa ma ña ni ka'an ra nuu ndo ―kàti ña.

Tutu Hechos 2:41

Yakan va ndian chīnuni ma ña kà'an ra, ndiakan kùu ndian kūnduta. Ta ma kivi ikan ti kī'vi iin uni mii ñivi, ndian chìnuni ma iti' kuà'an Jesuu.

Tutu Hechos 4:4

Va kua'a' ñivi tàso'o na tu'un kàtitu'un Petu' chi'in Xuva. Ta ora ikani kīcha'a na chìnuni na tu'un Jesuu nda kati kī'vi iin u'un mii ndra'ii, iti' kuà'an Jesuu. Ta siin kùu ma ñivi ña'a' ndia.