Tutu Xuva 21:18 - El Nuevo Testamento en Mixtec Santa María Zacatepeco

¹⁸ Ndicha va'a ña kà'in chi'un, ti ora kùu̱n ma rayoko tiaga, ìyo ga ñandeun ña jà'un ma ña kùuni maun, va ora ni ndakuu cha'nu̱n, ma inga ñivi ni tiin na ñu̱n, ta ni ku'ni na nda'un, ta tüva kùu ku'u̱n ma nuu kùuni maun, ti inga ñivi kùu na ña ni ka'nda na tiñu nuu̱n, ta ku'un na chi'un ma nuu töve kùuniun ku'u̱n.

Tutu Xuva 21:18 Iomraidhean Croise

Tutu Luka 12:37

Na sii kuuni ma ndra kùu musu ña ndàtu va'a ndra, ra kùu chito'o ndra nde'o nda ora ni kichaa ra, ta nàta'an ra ndra ña ndito ndra. Yu'u cha chìto va'i ti juuni ma ra kùu chito'o ndra ni ka'an ra chi'in ndra ña na kunandi ndra yu'u mesa, ta kuti'i ra ña kachi ndra.

Tutu Xuva 13:36

Takan kūu tajan Simón Petu', te'en kīcha'a chìkatu'un ra nuu ma Jesuu: ―Yo'o Racha'nu, ¿ndanu kuà'un? ―kàti ra. Ta Jesuu te'en nāka'an ra: ―Ma nuu kuà'in, na küu ku'u̱n vitin, va nuu ni ku'u̱n kùu yi tiá iti' nuu ―kàti Jesuu.

Tutu Xuva 21:17

Takan kūu tajan cha'a' uni kùu yi ña, te'en kīcha'a ndiko Jesuu chìkatu'un ra nuu ra: ―Yo'o Simón, ra se'e Jonás, ¿a ndichaun ña kùuniun nde'un yu'u? ―kàti Jesuu. Tajan ma Petu' nda'vi kūuni ndio ra cha'a' ña, cha'a' uni chìkatu'un Jesuu nuu ra, ña tu kùuni ra nde'e ra ra, tajan te'en nāka'an ra chi'in ra: ―Yo'o Racha'nu, cha chìto va'un ndisaa ma kua chànini̱, ta juuni cha chìtoun ña kùuni̱ nde'i ñu̱n ndia ―kàti Simón. Tajan Jesuu te'en nāka'an ra chi'in ra: ―Na jakuendaun ndisaa ma ndian chìnuni ña kà'in takua jà'a iin pato chi'in mvechala kùmi ra.

Tutu Xuva 21:19

Chi'in ma tu'un i'ya, chā'a Jesuu ña na kutunini ndra ma naja kua ni kuvi Petu', ta takan jàna'a yi ña ma Racha'nu Ndioo, iin ra ya'aga ka'nu kùu ra. Ta ora yā'a ña kā'an Jesuu takan, tajan nāka'an ra te'en chi'in Petu': ―¡Na tandikun chatai! ―kàti Jesuu.

Tutu Hechos 21:11

Ta ora chāa ra nuu ka'ìin ndi, ta tāvani'i ra sinchu indii toko Paulu. Ta chū'ni ra nda'a' ra ta cha'a ra chi'in yi. Tajan te'en nāka'an ra: ―Te'en kā'an ma Tati Ií Ndioo, ña ma ndian judíu ìyo ñuu Jerusalén, te'en ni ku'ni na ma ra xuña'a ma sinchu i'ya, tajan ni ku'va ndio na ra nuu ñivi yüvi judíu ña na ka'ni na ra. ―Takan kàti ma Agabo chi'in ma Paulu.

Tutu Corintu Uvi 5:4

Vati ma ora juuni ìyo ga yo chi'in ma kuñu cha'nu yo ñuñivi i'ya, ya'a taxiini yo ta nda'vi kùuni yo jà'a ma tundo'o ña ndè'o. Ta ndicha va'a ña töve kùuni yo kuvi yo, ti ma ña kùuni yo kùu yi ña na sama ma Ndioo yo chi'in ma kuñu chaa ña kùndee ndisaa tiempu, takua jà'a yo ma ora sàma yo yo chi'in ma ja'ma chaa.