Tutu Xuva 20:2 - El Nuevo Testamento en Mixtec Santa María Zacatepeco

² Tajan endee chīnu ña kuà'an ña nuu ndaa ma Simón Petu', chi'in inga ma ra jàkua'a chi'in Jesuu, ra ya'a ga kùuni ra nde'e ra, ta te'en nāka'an ña chi'in ndra: ―Cha ndāki'in na ma ñunda'yu ma Racha'nu Jesuu ma nuu ñaña nuu kùchi ra, ta töve chìto ndi ndanu chāndaka na yi ―kàti ña chi'in ndra.

Tutu Xuva 20:2 Iomraidhean Croise

Tutu Xuva 13:23

Tajan iin ra tañu ndra ña ya'aga kùuni ra nde'e ra, nàndi ra chàchi ra xiin Jesuu ma nuu ka'ìin ndra kuxini ndra.

Tutu Xuva 19:26

Ta ora ndē'e ndio Jesuu ma ma'á ra, chi'in iin ra chàkunuu chi'in ra, ña ya'a kùuni ra nde'e ra, ta Jesuu te'en nāka'an ra chi'in ma ma'á ra: ―Yo'o ma'á, chiña ndaa ma ra ni kuu se'un ―kàti ra chi'in ña.

Tutu Xuva 20:13

Takan kūu, tajan ma tati ikan, te'en kīcha'a yi chìkatu'un yi nuu ma Ndiya: ―Yo'o ñacha'nu, ¿ta naja chàku̱n? ―kàti yi chi'an. Ta ma Ndiya te'en nāka'an ña: ―Chàkui ti ma Racha'nu chito'i, töve chìtoi ndanu chāndaka na ra ―kàti ña.

Tutu Xuva 20:15

Tajan ma Jesuu te'en kīcha'a ra chìkatu'un ra nuan: ―Yo'o ma'á, ¿ta naja chàku̱n?, ¿Ta yo nànduku̱n? ―kàti ra chi'an. Va takua yakan chānini ña, ña ra jàkuenda ma nuu kàa yutun ikan kùu ra, yakan va te'en nāka'an ña chi'in ra: ―Yo'o racha'nu, tu yo'o ndāki'in ma kuñu Jesuu, na katitu'u̱n nui ndanu chāndakaun yi, ta kuki'i̱n yi ―kàtian.

Tutu Xuva 20:9

Takan jā'a ndra ti takä'an kutunini ndra ña kà'an ma tutu Ndioo, ña Jesuu ìyo yi ña nataku ra tañu ma ndian ndií.

Tutu Xuva 21:20

Takan kūu ta ora chīkoni'i ma Petu' ndē'e ra iti' chata ra, ta ndē'e ra ña vàchi iin ma ra jàkua'a chi'in Jesuu. Ta rakan ti iin ra ya'a ga kùuni Jesuu nde'e ra kùu ra, ti juuni ra kùu ma ra chūnandi xiin Jesuu ma nuu kūxini ndra, ma ra chīkatu'un te'en nuu ra: “Yo'o Racha'nu, ¿nda ra kùu ma ra ni xikoña'a cha'un?” kàti Jesuu.

Tutu Xuva 21:24

Ta rakan kùu ma ra jàkua'a chi'in Jesuu, ra kàtitu'un cha'a' ma tu'un i'ya ta juuni ra tāa yi i'ya. Ta chìto va'a yo, ti tu'un ndaa kùu yi.

Tutu Xuva 21:7

Tajan iin ma ra jàkua'a chi'in Jesuu, ra ya'a kùuni ra nde'e ra, te'en nāka'an ra chi'in Petu': ―¡Maa ma Racha'nu kùu ra! ―kàti ra. Ta ora chīni ndio ma Simón Petu', ña juu ma Racha'nu Jesuu kùu ra, tajan numini chāku'un ra ma ja'ma ra, ti tāva ra yi, ma ora kìin ra, ta ndāva ra ma tichi takuii, ta kīcha'a ra suta ra nda kati chaa ra ma nuu ndaa Jesuu.