Tutu Xuva 20:13 - El Nuevo Testamento en Mixtec Santa María Zacatepeco

¹³ Takan kūu, tajan ma tati ikan, te'en kīcha'a yi chìkatu'un yi nuu ma Ndiya: ―Yo'o ñacha'nu, ¿ta naja chàku̱n? ―kàti yi chi'an. Ta ma Ndiya te'en nāka'an ña: ―Chàkui ti ma Racha'nu chito'i, töve chìtoi ndanu chāndaka na ra ―kàti ña.

Tutu Xuva 20:13 Iomraidhean Croise

Tutu Luka 24:17

Ta ikan jan te'en kīcha'a ndio Jesuu chìkatu'un ra nuu ndra: ―¿Nayi nàtu'un ndo ma tichi iti' kàcha'an ndo? ¿Ta naja nda'vi kùuni ndo? ―kàti Jesuu chi'in ndra.

Tutu Xuva 19:26

Ta ora ndē'e ndio Jesuu ma ma'á ra, chi'in iin ra chàkunuu chi'in ra, ña ya'a kùuni ra nde'e ra, ta Jesuu te'en nāka'an ra chi'in ma ma'á ra: ―Yo'o ma'á, chiña ndaa ma ra ni kuu se'un ―kàti ra chi'in ña.

Tutu Xuva 2:4

Ta ma Jesuu te'en nāka'an ra: ―Ma'á, ¿ta naja kà'un takan chi'i̱n? Ta juuni takä'an chaa ma ora ña koto ma ñivi nda ra kùi ―kàti ra.

Tutu Xuva 20:15

Tajan ma Jesuu te'en kīcha'a ra chìkatu'un ra nuan: ―Yo'o ma'á, ¿ta naja chàku̱n?, ¿Ta yo nànduku̱n? ―kàti ra chi'an. Va takua yakan chānini ña, ña ra jàkuenda ma nuu kàa yutun ikan kùu ra, yakan va te'en nāka'an ña chi'in ra: ―Yo'o racha'nu, tu yo'o ndāki'in ma kuñu Jesuu, na katitu'u̱n nui ndanu chāndakaun yi, ta kuki'i̱n yi ―kàtian.

Tutu Xuva 20:2

Tajan endee chīnu ña kuà'an ña nuu ndaa ma Simón Petu', chi'in inga ma ra jàkua'a chi'in Jesuu, ra ya'a ga kùuni ra nde'e ra, ta te'en nāka'an ña chi'in ndra: ―Cha ndāki'in na ma ñunda'yu ma Racha'nu Jesuu ma nuu ñaña nuu kùchi ra, ta töve chìto ndi ndanu chāndaka na yi ―kàti ña chi'in ndra.

Tutu Hechos 21:13

Va Paulu te'en nāka'an ra: ―¿Ta naja chàku ndo, ta ya'a nda'vi kùuni̱ ña jà'a ndo takan? Vati yu'u tüvi yù'vi ña nde'i tundo'o, a kuvi̱ ma ñuu Jerusalén cha'a' ma Racha'nu Jesuu. ―Takan kàti Paulu chi'in ndi.