Tutu Xuva 2:25 - El Nuevo Testamento en Mixtec Santa María Zacatepeco

²⁵ Ta töve chìniñu'u ra, ña ndava kàti na naja kua chànini ma inga ñivi ndè'e na nuu ra, ti juuni maa ra cha chìto va'a ra naja kua chànini na ndia.

Tutu Xuva 2:25 Iomraidhean Croise

Tutu Mate 9:4

Va tava Jesuu cha chìto ra naja kua chànini ndra, yakan va te'en chīkatu'un ndio ra nuu ndra: ―¿Ta naja mamaa ña kini indii ma chinituni ndo?

Tutu Xuva 1:42

Tajan kēe ndio ma André kuà'an ra chi'in ma yani ra Simón nuu ndaa ma Racha'nu Jesuu. Ta ora ndē'e ma Jesuu ña kīchaa ndra, ta te'en kīcha'a ra kà'an ra chi'in ra: ―Yo'o, Simón se'e Jonás, vitin va ni kunaniun Cefas ―ña chi'in inga tu'un kùuni yi ka'an yi Petu'.

Tutu Xuva 1:47

Ta ora ndē'e Jesuu ña cha vàchi kuyatin Natanael nuu ra, ta te'en nāka'an ra: ―¡I'ya vàchi ma iin ra israelita va'a, ña töve jànda'viña'a! ―kàti ra.

Tutu Xuva 13:11

Takan kā'an ra ti cha chìto ra nda ra kùu ma ra ni xikoña'a cha'a ra, yakan va kà'an ra ña, na yöve ndisaa ndo cha ndōo ndo.

Tutu Xuva 6:61

Ta ora chā'a ndio Jesuu kuenda ña chàtu'un na ra, tajan te'en nāka'an ra chi'in na: ―Ta, ¿naja töve chàta'ani ndo ma ña kà'in?

Tutu Xuva 6:64

Va ìyo uvi uni ndo ña töve chìnuni tu'in ―kàti Jesuu. Takan kà'an Jesuu, ti takani cha chìto ra nda ndian kùu ma ndian töve chìnuni tu'un ra, ta nda ra kùu ma ra ni xikoña'a cha'a' ra ndia.