Tutu Xuva 2:16 - El Nuevo Testamento en Mixtec Santa María Zacatepeco

¹⁶ Ta nuu ma ndian xìko ma livi, va te'en nāka'an ra: ―Na tavani'i ndo tandi'i ña xìko ndo i'ya, ti ma ve'e Tatái, yöve nuu kuya'vi kùu yi ―kàti Jesuu.

Tutu Xuva 2:16 Iomraidhean Croise

Tutu Mate 21:12

Takan kūu tajan kī'vi ndio Jesuu ma tichi veñu'u ka'nu ma Ndioo, ta tāvani'i ndi'i ra ma ndian ka'ìin xiko, ta jata ma tichi veñu'u. Kānindee ra ma mesa nuu ka'ìin ma ndian sàma xu'un' nuu ma ñivi, ta tayu nuu ka'ìin ma ndian xìko livi ndia.

Tutu Mate 21:13

Tajan te'en nāka'an ndio ra chi'in na: ―Nuu ma tutu Ndioo ña tāa ma Moisés te'en kà'an yi: “Ma ve'i kùu yi iin ve'e nuu kà'an ma ñivi chi'i̱n.” Va ndyo'o, jāndakuu ndo yi iin ve'e kuenda ma ndian su'u ―kàti Jesuu chi'in na.

Tutu Mate 22:5

Va ma ndian jainvitaa ra töve nī jachi'in na ña kà'an ma ra kùu rey, ti ìyo ndian kēe kuànde'e ma nuu kàndii ñu'u' na, ta ìyo ndian kēe kuà'an nuu ìyo tiñu jà'a na.

Tutu Marku 11:17

Ta te'en kīcha'a ra jàna'a ra nuu ñivi ikan: ―Te'en kà'an ma tutu Ndioo ―kàti ra― “Ve'e i'ya kùu ve'e Ndioo. Ñivi ìyo ndisaa ñuu ñuñivi, i'ya kùu kà'an na chi'in Ndioo”, kàti tutu Ndioo. Ta ndyo'o jà'a ndo yi iin ve'e ndra su'u ―kàti Jesuu.

Tutu Luka 2:49

Tajan te'en nāka'an Jesuu chi'in vi: ―¿Ta naja nànduku ndo yu'u? ¿A tüvi chìto ndo ti ìyo yi ña koi ve'e Racha'nu Tatái? ―kàti ra.

Tutu Xuva 10:29

Vati ma ña chā'a ma Tatái nui, ka'nuga yi kua ndisaa nakuyi. Ta nï'iin ga na, na küu namaa na ndri nda'a' ma Tatái.

Tutu Xuva 2:15

Ta ora ndē'e Jesuu ña jà'a na, tajan nānduku ra iin yo'o, ta jā'a ra iin kuata, ta jākunu ra ndisaa na chi'in yi, kutu chi'in jundiki xìko na chi'in ma mvechala ndia. Ta ma ndian sàma ma xu'un' chāta ra yi ma nuu ñu'u', ta jānduva ra ma mesa nuu nàndi na ndia.

Tutu Xuva 20:17

Tajan Jesuu te'en nāka'an ra chi'an: ―¡Na jañaun yu'u! Vati juuni takä'an kundai nuu ìyo ma Tatái. Va kùuni̱ ña na kukatitu'u̱n nuu ma ndian chìnuni tu'in, ña yu'u, ni kundai nuu ìyo ma ra kùu Tatái, ta ma Ndioi, ra juuni kùu Tatá ndo, ta Ndioo ndo ndia ―kàti Jesuu.

Tutu Xuva 5:17

Ta ma Jesuu te'en nāka'an ra chi'in na: ―Taku ma Tatái nda kivi nindeo endeeni jàtiñu ra, yakan va yu'u takan jàtiñui ndia ―kàti Jesuu chi'in na.

Tutu Xuva 8:49

Tajan Jesuu te'en nāka'an ra: ―Töve ndisoi nï'iin tati xaan. Ma ña jà'i kùu yi ña tìñu'i ma Tatái, va ndyo'o töve tìñu'u ndo yu'u.

Tutu Timoteu Nunuu 6:5

Ta ma kuati ikan, tüvi nda ora ni chinu yi, ti ma ñivi ikan, kùu na takua kùu ma ndian tivi xini, vati tüvi chìto na ma tu'un ndaa, ta jà'ani na ña chìnuni na tu'un Ndioo kuenda na ndokuika na jà'a yi. Yakan va va'a ga ña na tüva ga tita'un chi'in na.

Tutu Petuꞌ Uvi 2:3

Ma ndra kà'an chi'in tu'un yu'u Ndioo ikan, cha'a' ña ya'a ga chàta'ani ndra ma xu'un' kùu yi. Yakan va ni jana'a ndra ma tu'un vata nuu ndo, ta jà'ani ndra ña tu'un ndaa kùu ña kà'an ndra, va cha ìyo kuiya ña ndàtu Ndioo ña jànde'e ra tundo'o ndra cha'a' yi, ikan na naa ndra.