Tutu Xuva 19:9 - El Nuevo Testamento en Mixtec Santa María Zacatepeco

⁹ Tajan chāka ndiko ra ma Jesuu ma tichi vetiñu nuu chà'nda ra tiñu, ta te'en chīkatu'un ra nuu Jesuu: ―¿Ta yo'o ndanu kīchiun? ―kàti Pilatu. Va Jesuu töve nī ka'an ra nï'iin yu'u ra chi'in Pilatu.

Tutu Xuva 19:9 Iomraidhean Croise

Tutu Mate 26:63

Va Jesuu tàxiin kīndoo ra. Tajan te'en nāka'an tuku ma sutu ña kuxini nuu sutu chi'in Jesuu: ―Chi'in sivi ma Ndioo ndito, kà'in chi'un, ña na ka'un ma ña ndaa. Na ka'un, tuva ndicha ña kùu̱n ma Cristu, ra Se'e Ndioo ―kàti ra.

Tutu Mate 27:27

Takan kūu ta ora yā'a ndio, tajan ma ndra jandaru ma kuvienu, ndàka ndra Jesuu chāa ndra ma vetiñu. Ta ikan tandi'i ma ndra kùu jandaru, kūti'vi ta'an ndra nuu ndaa Jesuu, ta chīkonuu ndio ndra ra.

Tutu Luka 23:9

Tajan kīcha'a ndio Herode chìkatu'un ra kua'a' tu'un nuu ra, va tükuii nani kā'an ra.

Tutu Xuva 18:28

Takan kūu tajan kēe ndio ndra chi'in Jesuu ma ve'e Caifás, ta chāndaka ndra ra ma vetiñu nuu tà'nda tiñu. Va takua ma ora cha kūndichin kùu yi, yakan va ma ndra judíu, nī kuuni ndra kì'vi ndra tichi ma vetiñu, koto ndokini ndra, ta na küa kuxini ndra ma ora ìyo ma viko Pakua, kùuni ndra.

Tutu Xuva 18:33

Takan kūu tajan Pilatu kī'vi ndiko ra ma tichi vetiñu nuu chà'nda ra tiñu, ta kāna ndio ra ma Jesuu, ta te'en kīcha'a ra chìkatu'un ra nuu ra: ―¿A yo'o kùu ma rey ra chà'nda tiñu nuu ma ñivi judíu? ―kàti Pilatu.

Tutu Xuva 18:34

Ta Jesuu te'en kīcha'a chìkatu'un ra nuu Pilatu: ―¿A ña chànini maun kùu ma ña chìkatu'u̱n nui, a kà'an na takan cha'i nuu̱n, yakan va chìkatu'u̱n yi nui? ―kàti Jesuu.

Tutu Xuva 18:37

Tajan ma Pilatu te'en nāka'an ra chi'in Jesuu: ―¿A yo'o kùu ma rey tuva takan? ―kàti Pilatu. Tajan Jesuu te'en nāka'an ra chi'in ra: ―Ndicha ña kùi rey, ma takua kà'un. Vati yu'u kākui ma nuu ñu'u' ñuñivi i'ya kuenda ña katitu'in ma tu'un ndaa. Ta tandi'i ma ndian jàchi'in ma tu'un ndaa i'ya, juuni tàso'o na ma ña kà'in ―kàti Jesuu.

Tutu Xuva 19:10

Tajan Pilatu te'en nāka'an ra chi'in Jesuu: ―¿Ta naja töve kà'un yu'i? ¿A töve chìtoun ña cha'a' ma tiñu ndisoi, kùu tachi̱ ñu̱n ña na ka'ni na ñu̱n nuu kruu, ta juuni kùu ka'in ña na jaña na ñu̱n ndia? ―kàti Pilatu.

Tutu Xuva 19:8

Ta ora chīni Pilatu ña kā'an ma ndra judíu takan, ta tiaga yū'vi ra.

Tutu Xuva 8:14

Tajan Jesuu te'en nāka'an ra: ―Ndicha ña vaji kà'in cha'a juuni mai, va ndicha va'a ti ña ndaa kùu yi. Vati yu'u chìtoi ndanu kīchi̱, ta chìtoi ndanu kuà'in. Va taku ndyo'o, na töve chìto ndo ndanu kīchi̱, ta töve chìto ndo ndanu kuà'in ndia.

Tutu Filipu 1:28

Ta na chïnuni ndo ña jayu'vi ma ndian kùuni kuati nde'e na ndo. Ta ña'a kùu iin ma ku'va kachin ña ma ndiakan kuà'an na ma iti' ni kuvi na, ta iin tiempuni juuni kùu yi iin ku'va ña ni kakú maa ndo. Ta ma tu'un i'ya vàchi yi kuenda Ndioo.