Tutu Xuva 18:38 - El Nuevo Testamento en Mixtec Santa María Zacatepeco

³⁸ Tajan Pilatu te'en chīkatu'un ra nuu ra: ―¿Ta nayi kùu ma ña ndaa? ―kàti Pilatu. Ta ora cha ya'a ña chīkatu'un Pilatu nuu Jesuu, ta kēe ndiko ra ma nuu chà'nda ra tiñu, ta te'en chāka'an ndiko ra nuu ma ndian judíu: ―Yu'u töve nàta'in nï'iin kuati ra'ya.

Tutu Xuva 18:38 Iomraidhean Croise

Tutu Mate 27:24

Ta ora ndē'e Pilatu, ña endee kà'an na takan, ta nanivaa kùu na, tajan tāchi ndio ra iin yo chāki'in takuii, ta nākata ra nda'a' ra nuu ndè'e ndisaa ñivi, ta te'en nāka'an ra: ―Yöve kuati yu'u kùu yi, cha'a' ña ìyo yi ña kuvi ra, vati kuenda maa ndo kùu yi ―kàti Pilatu.

Tutu Marku 15:14

Ta kà'an tuku Pilatu: ―¿Ta nda kuati jā'a ra, tuva takan? Ta te'en kīcha'a tuku na kanachaa na tiá ni'i. ―¡Takaa ra nuu kruu!

Tutu Luka 23:4

Ta ikan jan te'en nāka'an ndio ma Pilatu chi'in ma ndra sutu cha'nu ña chà'nda tiñu nuu sutu ta nuu ma ñivi ndia: ―Tükuii nàta'in nï'iin kuati ña jā'a ra, ta küu ni'i̱ kua tisokuati̱ ra ―kàti Pilatu chi'in ndra.

Tutu Xuva 18:33

Takan kūu tajan Pilatu kī'vi ndiko ra ma tichi vetiñu nuu chà'nda ra tiñu, ta kāna ndio ra ma Jesuu, ta te'en kīcha'a ra chìkatu'un ra nuu ra: ―¿A yo'o kùu ma rey ra chà'nda tiñu nuu ma ñivi judíu? ―kàti Pilatu.

Tutu Xuva 19:4

Tajan ma Pilatu kēe ndiko ra ma nuu chà'nda ra tiñu, ta te'en nāka'an ra chi'in ndra: ―Na nde'e ndo, ña töve nī nata'in nï'iin ma kuati ra, yakan va tāvai ra nuu ndo, ikan na ku'va ndo kuenda ―kàti Pilatu.

Tutu Xuva 19:6

Ta ora ndē'e ma ndra kuxini nuu sutu ra, chi'in ma ndra jandaru ña kùmi ma veñu'u ra, ta te'en kīcha'a ndra kànachaa ni'i ndra: ¡Na kuvi ra nuu kruu! ¡Na kuvi ra nuu kruu! ―kàti ndra. Ta Pilatu te'en nāka'an ra chi'in ndra: ―Va'ani, na kundaka ndo ra, ta ka'ni maa ndo ra nuu kruu, ti yu'u töve nī nata'in nï'iin kuati ra ―kàti Pilatu.

Tutu Hechos 17:32

Takan kūu ta ora chīni na ña kā'an Paulu ña nātaku ndiko ñivi tañu ñivi ndií, ìyo ndian kà'an ti'ini chata ra, ta ìyo ndian kà'an te'en ndia: ―Ni taso'o ndiko ndi ma ña kà'un va nda inga tuku ora ―kàti na chi'in ra.

Tutu Petuꞌ Nunuu 1:19

Vati uvanuu chi'in nií Jesuu kūu yi ña kūu tia'vi ra cha'a' ma ña kāku yo. Ta ma nií Jesuu sōkó juuni maa ra ra' nuu ma Ndioo takua kùu iin mvechala ña töve ìyo nï'iin kuati ta ña töve iin ña meku ndia.