Tutu Xuva 18:37 - El Nuevo Testamento en Mixtec Santa María Zacatepeco

³⁷ Tajan ma Pilatu te'en nāka'an ra chi'in Jesuu: ―¿A yo'o kùu ma rey tuva takan? ―kàti Pilatu. Tajan Jesuu te'en nāka'an ra chi'in ra: ―Ndicha ña kùi rey, ma takua kà'un. Vati yu'u kākui ma nuu ñu'u' ñuñivi i'ya kuenda ña katitu'in ma tu'un ndaa. Ta tandi'i ma ndian jàchi'in ma tu'un ndaa i'ya, juuni tàso'o na ma ña kà'in ―kàti Jesuu.

Tutu Xuva 18:37 Iomraidhean Croise

Tutu Mate 26:64

Ta Jesuu te'en nāka'an ra chi'in ra: ―Ma takua kā'un, takan kùu yi. Ta juuni kà'in chi'in ndo, ña ni nde'e ndo ma ra Se'e ñivi, ña nàndi ra chiyo kua'a ma Ndioo ka'nu, ra ìyo ndatu, ta ni kichinuu ra tichi vikó ma iti' andivi ―kàti Jesuu.

Tutu Mate 27:11

Takan kūu tajan ndàka ndio ndra Jesuu chāa ndra nuu ma Pilatu, ra kùu kuvienu, ta rakan te'en chīkatu'un ra nuu Jesuu: ―¿A ndicha ña yo'o kùu Rey nuu ma ndian judíu? ―kàti ra. Ta Jesuu te'en nāka'an ra chi'in ra: ―Ma takua kà'un, takan kùu yi ―kàti Jesuu.

Tutu Marku 14:62

Ta nāka'an Jesuu: ―Juu yu'u kùu ra. Ta ni nde'e ndo ra ña nàndi ra chiyo kua'a ma Ndioo ka'nu ìyo nuu sukun. Ta ni keta iin kivi ña kichi̱ ndikoi. Va yu'u ra Se'e ñivi ni kichi̱ tichi viko ―kàti Jesuu.

Tutu Marku 15:2

Ta ora ndē'e ma ra kùu Pilatu ma Jesuu. Ta kīcha'a ra chìkatu'un ra nuu ra: ―¿A yo'o kùu ra chà'nda tiñu nuu ñivi judíu? Ta kīcha'a nàka'an Jesuu: ―Maun kà'an yi.

Tutu Luka 22:70

Tajan te'en kīcha'a ndisaa ndio ndra chìkatu'un ndra nuu ra: ―¿A ndicha va'a ña yo'o kùu ma ra se'e Ndioo? ―kàti ndra. Tajan te'en nāka'an Jesuu chi'in ndra: ―Ndicha kùu yi ña ma kua kà'an ndo chiña takan kùi ―kàti Jesuu.

Tutu Luka 23:3

Tajan te'en chīkatu'un ndio ma Pilatu nuu ra: ―¿A ndicha ña yo'o kùu ma ra chà'nda tiñu nuu ñivi judíu? ―kàti ra. Tajan te'en nāka'an Jesuu: ―Maun kà'an ña takan kùu yi ―kàti Jesuu.

Tutu Xuva 1:14

Takan kūu ña ma ra kùu tu'un ikan, ndākuu ndicha ra ma ñivi. Ta chīyo ra ñuñivi chi'o, ta kùu ra ma ra chà'a nduva'a kuii kua'a' ñamani Ndioo nuu yo, ta endee jàna'a ra ma ña ndaa ndia. Ta cha'a' ndisaa ña'a maa ndi cha ndē'e ndi ña ra nduva'a kuii ka'nu kùu ra takua ka'nu ma Tatá ra, Ndioo, vati uvaa ra kùu Se'e ra.

Tutu Xuva 1:17

Cha'a' Moisés kùu yi ña nàkoto yo ma ley Ndioo, ta juuni cha'a' Racha'nu Jesucristu kùu yi ña nàkoto yo ma ñamani Ndioo chi'in ma tu'un ndaa ña kà'an ra ndia.

Tutu Xuva 14:6

Tajan Jesuu te'en nāka'an ra chi'in ra: ―Yu'u kùu ma iti' ndaa, chi'in ma iti' ndicha, ta ma ña chà'a nuu koo ndìto yo. Ta uvaa chi'in yu'uni, kùu chaa yo nuu ìyo ma Racha'nu Tatái.

Tutu Xuva 3:32

Ta rakan kùu ra ña kàtitu'un ra ma ña ndē'e ra ta ña chīni ra iti' andivi, va nï'iin na töve nī jachi'in na ma ña kà'an ra.

Tutu Xuva 7:17

Tu ìyo nda ndian kùuni ja'a ma tiñu kùuni ma Racha'nu Ndioo, kùu ku'va na kuenda, tuva ma tu'un jàna'i, kùu yi ma tu'un Ndioo, a ma tu'un jàndakuu maani̱ kùu yi.

Tutu Xuva 8:14

Tajan Jesuu te'en nāka'an ra: ―Ndicha ña vaji kà'in cha'a juuni mai, va ndicha va'a ti ña ndaa kùu yi. Vati yu'u chìtoi ndanu kīchi̱, ta chìtoi ndanu kuà'in. Va taku ndyo'o, na töve chìto ndo ndanu kīchi̱, ta töve chìto ndo ndanu kuà'in ndia.

Tutu Xuva 8:45

Va tava yu'u, kà'in ma ña ndaa, yakan va ndyo'o töve chìnuni ndo ma ña kà'in.

Tutu Xuva 8:46

¿Nda ndyo'o kùu ka'an ndo, ña yu'u ìyo iin kuati̱? Nï'iin ndo. Ta tu chìto ndo ña iin ra kà'an ña ndaa kùi, ¿ta naja töve chìnuni ndo ma ña kà'in?

Tutu Xuva 8:47

Ma ndian kùu ñivi Ndioo, jàchi'in na ma tu'un kà'an ra. Va tava ndyo'o, na yöve ñivi Ndioo kùu ndo, yakan va töve jàchi'in ndo ma ña kà'an ra. ―Takan kàti Jesuu.

Tutu Timoteu Nunuu 6:13

Yakan va ndava nda nuu Ndioo, ra chà'a kivi koo ndito ndisaa ma ña ìyo ñuñivi, ta ndava nda nuu Jesucristu, ra juuni kātitu'un ma tu'un ndaa nuu Ponciu Pilatu tatiempu,

Tutu Petuꞌ Nunuu 1:22

Ta vitin ndyo'o, cha jānandoo ndo ndo cha'a' ña jàchi'in ndo ma tu'un ndaa ña nī'i ndo nuu Ndioo jà'a ma Tati Ií ra, ikan na kuuni va'a ndo nde'e ndo ma ndian yani ndo ta na këña'a ndo na. Kàti̱ chi'in ndo ña ìyo yi ña kuuni va'a ndo nde'e ndo ta'an ndo chi'in ndisaa kuii ma anima ndo.

Tutu Xuva Nunuu 2:21

Tàchi̱ ma tu'un i'ya nuu ndo, vati cha chìtoi ña cha nàkoto ndo nda ña kùu ma ña ndicha ta nda ña kùu ma ña töve ndicha. Ta juuni cha chìto ndo ti ma ña ndicha na tüvi jànda'viña'a yi ndia.

Tutu Xuva Nunuu 3:14

Ta chìto va'a yo ña ndākoo yo ma ña chī'o, ta vitin cha kūu yo ndian ndito jà'a ma Racha'nu Ndioo cha'a' ña nduva'a kùunio nde'o ma ta'an yo. Ta tu tüvi kùunio nde'o ma ndian kùu ta'an yo, kùuni yi ka'an yi ña kùu yo takua kùu iin ra cha chī'í.

Tutu Xuva Nunuu 3:19

Yakan va tuva ja'a yo takan cha chìto yo ña kuà'an yo iti' ndaa ma takua kùuni ma Racha'nu Ndioo, tajan cha kùu koo taxiin ma anima yo nuu ra.

Tutu Xuva Nunuu 4:6

Va taku maa yo, ti ndian jàchi'in tu'un kà'an Ndioo kùu yo, yakan va ma ndian ìyo kuenda Ndioo jàchi'in na ma tu'un kà'an yo, va ma ndian tüvi ìyo kuenda Ndioo ti ni tüvi jàchi'in na ma ña kà'an yo. Yakan va takan ìyo yi ña ja'a yo, ikan na ku'va yo kuenda nda ndian kùu ma ndian kà'an ma tu'un ndicha chi'in ma Tati Ií Ndioo ta nda ndian kà'an tu'un vata chi'in ma tati kini.

Tutu Xuva Nunuu 5:20

Ta juuni cha chìto yo ña kīchaa ma ra Se'e Ndioo nuu ñu'u' ñuñivi i'ya ta chā'a ra chinituni yo, ikan na nakoto yo ma Ndioo ndicha. Ta cha'a' yakan kùu yi ña indukuni ìyo yo chi'in ra, ta chi'in ma ra Se'e ra Jesucristu ndia. Yakan va ma rakan kùu ra ma Ndioo ndicha, vati chà'a ra nuu koo yo endeeni chi'in ra.

Tutu Apocalipsis 1:4

Yu'u Xuva, tài ma saludu i'ya ta tàchi̱ yi kuenda ndisaa ndyo'o ndi ucha veñu'u ndian ìyo ninii ka'nu ma ñu'u' Asia ña kùu ndo ucha veñu'u ma Racha'nu Jesucristu. Ma Racha'nu Ndioo ndo, na ku'va ra ma ñamani ra nuu ndo, ta na ku'va ra ña na koo vii ndo kuenda ra, ti maa ra kùu ra ña ìyo ra ma vitin, ta maa ra kùu ra ña cha takani ìyo, ta maa ra kùu ra ña ni kichi ra tiá iti' nuu ndia. Ta juuni na ku'va ma ndi ucha nuu ma Tati Ií Ndioo ñamani yi nuu ndo chi'in ña koo vii ndo ndia, nda ma nuu ka'ìin yi iti' nuu chà'nda Ndioo tiñu.

Tutu Apocalipsis 3:14

Jesuu te'en kà'an ga ra chi'in Xuva: ―Na taun te'en nuu ma ra kùu tatun Ndioo ña kà'an kuenda ra ña ìyo ma veñu'u ndaa ma ñuu Laodicea: “Ta te'en kà'an ra ña takan na kùu yi, ra jàna'a tu'un ndaa ta ndicha ra kuxini ña chà'nda tiñu nuu tandi'i ña jātuvi Racha'nu Ndioo: