Tutu Xuva 18:33 - El Nuevo Testamento en Mixtec Santa María Zacatepeco

³³ Takan kūu tajan Pilatu kī'vi ndiko ra ma tichi vetiñu nuu chà'nda ra tiñu, ta kāna ndio ra ma Jesuu, ta te'en kīcha'a ra chìkatu'un ra nuu ra: ―¿A yo'o kùu ma rey ra chà'nda tiñu nuu ma ñivi judíu? ―kàti Pilatu.

Tutu Xuva 18:33 Iomraidhean Croise

Tutu Mate 27:11

Takan kūu tajan ndàka ndio ndra Jesuu chāa ndra nuu ma Pilatu, ra kùu kuvienu, ta rakan te'en chīkatu'un ra nuu Jesuu: ―¿A ndicha ña yo'o kùu Rey nuu ma ndian judíu? ―kàti ra. Ta Jesuu te'en nāka'an ra chi'in ra: ―Ma takua kà'un, takan kùu yi ―kàti Jesuu.

Tutu Mate 27:27

Takan kūu ta ora yā'a ndio, tajan ma ndra jandaru ma kuvienu, ndàka ndra Jesuu chāa ndra ma vetiñu. Ta ikan tandi'i ma ndra kùu jandaru, kūti'vi ta'an ndra nuu ndaa Jesuu, ta chīkonuu ndio ndra ra.

Tutu Marku 15:2

Ta ora ndē'e ma ra kùu Pilatu ma Jesuu. Ta kīcha'a ra chìkatu'un ra nuu ra: ―¿A yo'o kùu ra chà'nda tiñu nuu ñivi judíu? Ta kīcha'a nàka'an Jesuu: ―Maun kà'an yi.

Tutu Luka 23:2

Ta ora chāa ndio ndra ma nuu chà'nda ra tiñu, tajan te'en kīcha'a ndra tìsokuati ndra Jesuu nuu ra: ―Nāta'an ndi ra'ya ña jànda'viña'a ra ñivi ma ñuu ndi. Ta kàti ra ti na tüvi ìyo yi ña tia'vi ndi ma xu'un' nuu ma ra kuvienu ma ñuu ka'nu Roma. Ta juuni kàti ra ña Cristu, ra chà'nda tiñu nuu ndi kùu ra. Takan kàti ra ―kàti ndra.

Tutu Xuva 1:49

Tajan ma Natanael te'en nāka'an tuku ra: ―Matru, ndicha kuii ña yo'o kùu ma ra Se'e Ndioo, ta juuniun kùu ma ra kùu Rey ra chà'nda tiñu ñuu Israel ―kàti ra.

Tutu Xuva 12:13

Tajan kīcha'a ndio ma ñivi chà'nda na nda'a' tika'a, ta kēe ndio na kuàta'an na nuu vàchi Jesuu, ta te'en kīcha'a ndio na kànachaa na: ―¡Ya'a ga ka'nu ma Racha'nu Ndioo! ¡Ta ya'a ga ií kùu ma ra vàchi chi'in sivi Ndioo! ¡Ta ya'a ga ií kùu ma ra kuu rey ña chà'nda tiñu nuu ma ndian ìyo ñuu Israel! ―kàti na.

Tutu Xuva 12:15

Na yü'vi ndo ndyo'o ndian ìyo ñu'u' Sión, ti cha vàchi ma ra kùu rey ndo ña chà'nda tiñu nuu ndo yòso ra iin burru, kàti yi.

Tutu Xuva 18:34

Ta Jesuu te'en kīcha'a chìkatu'un ra nuu Pilatu: ―¿A ña chànini maun kùu ma ña chìkatu'u̱n nui, a kà'an na takan cha'i nuu̱n, yakan va chìkatu'u̱n yi nui? ―kàti Jesuu.

Tutu Xuva 18:37

Tajan ma Pilatu te'en nāka'an ra chi'in Jesuu: ―¿A yo'o kùu ma rey tuva takan? ―kàti Pilatu. Tajan Jesuu te'en nāka'an ra chi'in ra: ―Ndicha ña kùi rey, ma takua kà'un. Vati yu'u kākui ma nuu ñu'u' ñuñivi i'ya kuenda ña katitu'in ma tu'un ndaa. Ta tandi'i ma ndian jàchi'in ma tu'un ndaa i'ya, juuni tàso'o na ma ña kà'in ―kàti Jesuu.

Tutu Xuva 18:38

Tajan Pilatu te'en chīkatu'un ra nuu ra: ―¿Ta nayi kùu ma ña ndaa? ―kàti Pilatu. Ta ora cha ya'a ña chīkatu'un Pilatu nuu Jesuu, ta kēe ndiko ra ma nuu chà'nda ra tiñu, ta te'en chāka'an ndiko ra nuu ma ndian judíu: ―Yu'u töve nàta'in nï'iin kuati ra'ya.

Tutu Xuva 19:12

Takan kūu ta nda ma ora ikan, kīcha'a Pilatu, nànduku ra naja kua jà'a ra, ta jàña ra Jesuu, va ma ndian judíu, te'en kānachaa ni'i ndiko ndra nuu ra: ―¡Tu jàñaun ra, na yöve amigu̱n kùu ma rey chà'nda tiñu ñuu Roma tuva takan, ti nda ndra nikuuni ña jàndaku ndra ndra ña kùu ndra rey, nduva'a xaani ma rey ikan ndè'e ra ndra! ―kàti ndra chi'in Pilatu.

Tutu Xuva 19:3

Tajan chājayatin ndio ndra ndra nuu ndaa Jesuu, ta te'en nāka'an ndra chi'in ra: ―¡Na koo endeeni ma rey chà'nda tiñu nuu ma ndian judíu! ―kàti ndra. Ta kāni ndra ma nuu ra.

Tutu Xuva 19:4

Tajan ma Pilatu kēe ndiko ra ma nuu chà'nda ra tiñu, ta te'en nāka'an ra chi'in ndra: ―Na nde'e ndo, ña töve nī nata'in nï'iin ma kuati ra, yakan va tāvai ra nuu ndo, ikan na ku'va ndo kuenda ―kàti Pilatu.

Tutu Xuva 19:9

Tajan chāka ndiko ra ma Jesuu ma tichi vetiñu nuu chà'nda ra tiñu, ta te'en chīkatu'un ra nuu Jesuu: ―¿Ta yo'o ndanu kīchiun? ―kàti Pilatu. Va Jesuu töve nī ka'an ra nï'iin yu'u ra chi'in Pilatu.

Tutu Timoteu Nunuu 6:13

Yakan va ndava nda nuu Ndioo, ra chà'a kivi koo ndito ndisaa ma ña ìyo ñuñivi, ta ndava nda nuu Jesucristu, ra juuni kātitu'un ma tu'un ndaa nuu Ponciu Pilatu tatiempu,