Tutu Xuva 18:25 - El Nuevo Testamento en Mixtec Santa María Zacatepeco

²⁵ Takan kūu ta tava ma Petu' juuni ndaa ra tùmi ra ñu'ú ma ikan, yakan va te'en kīcha'a ndiko ndra chìkatu'un ndra nuu ra: ―¿A yöve yo'o, kùu ma ra chàkunuu chi'in Jesuu? ―kàti ra chi'in ra. Ta ma Petu' te'en nāka'an ra: ―Yöve yu'u kùi ―kàti ra.

Tutu Xuva 18:25 Iomraidhean Croise

Tutu Mate 26:69

Takan kūu ta ora juuni nàndi ga Petu' ma nuke'e, tajan chājayatin iin ña kùu musu ma sutu nuu nàndi ma Petu', ta te'en nāka'an ña nuu ra: ―Juuni yo'o kùu ma ra chàkunuu chi'in Jesuu, ra kīchi ñu'u' Galilea ―kàtian chi'in ra.

Tutu Marku 14:66

Takan kūu ta kīndoo ma Petu' nuke'e ikan. Ta ikan chāa iin ña musu ma sutu cha'nu.

Tutu Luka 22:55

Ta ma nuke'e nuu ìyo ve'e ma sutu chà'nda tiñu ikan, jāta'an ma ndra jandaru ñu'ú jàvandaa ma nuke'e chūnandi ndra tùmi ndra yi. Tajan ora ndē'e ma Petu' ña tùmi ndra ma ñu'ú, ta ndīta'an ra chāa ra chūnandi ra tañu ndra tùmi ra yi ndia.

Tutu Luka 22:56

Ta nunuuni chāa iin ña kùu musu ma sutu cha'nu, tajan ora ndē'an ma Petu' ña nàndi ra tùmi ra ma ñu'ú, tajan chūndaa ña ndè'e ndicha ña ra, ta te'en nāka'an ña chi'in ndian ka'ìin ikan: ―Juuni ra'ya kùu iin ra chàkunuu chi'in Jesuu ndia ―kàtian.

Tutu Luka 22:57

Va Petu' te'en nāka'an ra: ―Ka'nu kooniun yo'o ma'á, va ma ra kà'un chiña na tüvi nàkotoi ra ―kàti ra chi'an.