Tutu Xuva 17:4 - El Nuevo Testamento en Mixtec Santa María Zacatepeco

⁴ ’Endee jàka'nui ñu̱n nda ni kùuni chàkunui ma nuu ñu'u' ñuñivi i'ya, ti cha jāchinui tandi'i ma tiñu ña chā'un nui ña na ja'i.

Tutu Xuva 17:4 Iomraidhean Croise

Tutu Luka 22:37

Yakan va yu'u kà'in chi'in ndo ti takan ìyo yi ña ta'in. Vati ma tutu Ndioo kà'an yi ña ni nde'e ma ñivi yu'u takua ndè'e na ma ndian jà'a kuatini. Yakan va ndisaa ma ña kà'an ma tutu Ndioo cha'i, takan ni kuu yi ―kàti Jesuu.

Tutu Xuva 12:28

Takan kūu tajan ma Jesuu te'en nāka'an ra chi'in Ndioo: ―Yo'o Tatá, na tiñu'u̱n ta na jaka'nu̱n ma siviun ―kàti ra. Tajan te'en nāka'an ma tati yu'u Ndioo ma iti' andivi: ―Cha jāka'nui ma sivi̱, ta cha tīñu'i yi, va ni ja'a ndikoi yi ―kàti yi.

Tutu Xuva 14:13

Ta ndisaa ma ña chìkan ndo chi'in sivi̱, ni ku'vai yi nuu ndo, ikan yu'u ra kùu Se'e ra, ni jana'i naja kua ya'a ka'nu kùu ma Tatái nuu ndo.

Tutu Xuva 14:31

Takan ìyo yi ña kùu yi, ikan na ku'va ma ñivi ñuñivi kuenda ña yu'u kùuni̱ nde'i ma Tatái, ta jà'i ma tiñu ña tāchi ra yu'u ña jà'i. ¡Na ko'o vitin! ―kàti Jesuu.

Tutu Xuva 15:10

Tu jàchi'in ndo ma tu'un ña kùuni̱ ja'a ndo, töve ni jañai ña kùuni̱ nde'i ndo, ti yu'u takua jàchi'i̱n ma tu'un kà'an ma Tatái. Yakan va töve jàña ra ña kùuni ra nde'e ra yu'u.

Tutu Xuva 19:28

Takan kūu va tava cha chìto Jesuu ña chīnu ma tiñu vàchi ra, yakan va ora yā'a ña kūu takan, ta te'en nāka'an ra, ikan na chinu ña kà'an ma tutu Ndioo: ―Ya'a natii̱ takuii ―kàti ra.

Tutu Xuva 19:30

Ta ora cha yā'a chī'i Jesuu ma vinu uva iya, ta te'en nāka'an ndio ra: ―Cha chìnu ndisaa ma ña kà'an nuu tutu Ndioo vitin ―kàti ra. Ta ora chīnu kā'an ndio ra takan, tajan chūtakandee ndio ma xini ra, ta chī'í ra.

Tutu Xuva 4:34

Va ma Jesuu te'en nāka'an ra: ―Ma ña chàchi̱ kùu yi ña na ja'i ndisaa tiñu chà'a ra tāchi yu'u ta jàchinui yi takua kùuni ra.

Tutu Xuva 5:36

Va ka'nuga kùu ma tu'un ña kà'an yu'u kua ma tu'un ña kā'an Xuva. Vati ndisaa ma tiñu ka'nu chā'a ma Tatái ña jàchinui, yakan kùu ma ña jà'i. Ta cha'a' yakan kùu yi ña kùuni yi ka'an yi, ña ndicha kuii ña ma Tatái tāchi yu'u.

Tutu Xuva 9:3

Tajan Jesuu te'en nāka'an ra chi'in ndra: ―Na yöve cha'a' kuati maa ra kùu yi, ta ni yöve cha'a' kuati ma ndian kùu tatá ra kùu yi. Takan kāku ra, ti chi'in rakan kùuni ma Racha'nu Ndioo jana'a ra ma ndatu ra, ikan na nde'e ma ñivi, ña kùu ja'a ra yi.

Tutu Hechos 20:24

Yakan va yu'u, tükuii yù'vi̱ ña ndè'i tundo'o, a ka'ni ma ñivi yu'u. Vati uvaa ma ña chànini̱ kùu ña na jachinui chi'in ndisaa animai ma tiñu va'a ña chā'a Racha'nu Jesuu nui. Yakan va ma tiñu jà'i kùu ña na jana'i tu'un va'a cha'a' ma ñamani Ndioo ña kùu ni'i tandi'i ñivi.

Tutu Timoteu Uvi 4:7

Ta juuni yu'u, cha jāndeeni ña jà'i tandi'i ma tiñu chā'a ma Racha'nu Ndioo nui ña na ja'i yi. Ta endee tüvi nī jañai ña chìnuni va'i ma tu'un ra.