Tutu Xuva 13:5 - El Nuevo Testamento en Mixtec Santa María Zacatepeco

⁵ Tajan Jesuu tāan ra takuii tichi iin tako'o ta kīcha'a ndio ra nàkata ra cha'a ma ndra jàkua'a chi'in ra. Ta ora chīnu, tajan kīcha'a ndio ra jànatii ra cha'a ndra chi'in ma ja'ma ña ndìkun toko ra.

Tutu Xuva 13:5 Iomraidhean Croise

Tutu Luka 7:38

ta ndaa ña chàkuan yatini nuu ndaa ra, ta kīcha'a too ma takuii tinuan cha'a ra, tajan chūnandi chitian cha'a ra, ta kīcha'a ndioan jànatian yi chi'in ixi xinian. Ta tūtuan yi, ta jākuti ndioan takuii xiko yi.

Tutu Luka 7:44

Tajan iin cha'ani nuu Jesuu ndē'e ra nuan, tajan te'en nāka'an ndio ra chi'in Simón: ―¿A ndè'un ña ndaa i'ya? Nda che'e kī'vi̱ tichi ve'un ta tüvi nī cha'un takuii ña nàkatai cha'i, ta ña ndaa i'ya ti nākata ña cha'i chi'in takuii tinuan ta jānatian yi chi'in ixi xinian.

Tutu Xuva 13:10

Ta Jesuu te'en nāka'an ra: ―Taku ma ra já chīti, na tüva ìyo yi ña kuti ndiko ra inga cha'a', vati ìyo yi ña ndoo cha'a ni ra. Ta ndyo'o cha ndōo ndo vaji na yöve ndisaa ndo kàa takan ―kàti Jesuu.

Tutu Xuva 13:6

Ta ora chaa ra nuu nàndi ma Simón Petu', ra'ya te'en nāka'an ra chi'in ra: ―Yo'o Racha'nu, ¿ta naja yo'o ni nakataun cha'i? ―kàti ra.

Tutu Xuva 13:8

Ta Petu' te'en nāka'an ra: ―Nï'iin cha'a' na töve ku'vai ña nakataun cha'i ―kàti ra. Ta ma Jesuu te'en nāka'an ra: ―Tu töve ku'vaun ña na nakatai ñu̱n, na küu koun kakunuu̱n chi'i̱n ―kàti Jesuu.

Tutu Xuva 19:34

Va iin ma ra jandaru kūchi ra ma kaa xaan nda'a' ra iin chiyo xiin ma Jesuu, ta ma ora ikani kēe kua'a' nií ra chi'in takuii.

Tutu Hechos 22:16

Ta vitin tüva ìyo yi ña kuatun tiá. ¡Na ndetaun, ta kundutaun chi'in ndatu Racha'nu Jesuu, ikan na janaa ra tandi'i ma kuatiun!” Takan kāti Ananía chi'i̱n.

Tutu Corintu Nunuu 6:11

Nda ndyo'o ndian chìnuni vitin, juuni takan jā'a ndo niku, va tava ma vitin cha ndākuu ií anima ndo jā'a ma Ndioo, ta cha jānandoo ra ndo, ta jāndondaa ra ndo ndia, chi'in sivi ma Racha'nu yo Jesucristu, ta chi'in ma Tati Ií ra, cha'a' ña cha ndō'iin ndo chi'in ra.

Tutu Efesu 5:26

Ta takan kuàndakuu na ndian ií jà'a ra, ta janandoo ra na chi'in takuii ta chi'in ma tu'un ra ndia.

Tutu Timoteu Nunuu 5:10

Ta tu kùu vi iin ñivi ña kà'an va'a ma ñivi chata, cha'a' ña kùnda'vini vi ma ñivi chàa ma nuu ìyo ve'e vi. Ta juuni tu jakua'nu va'a vi ma se'e vi ndia, ta nakata vi cha'a ma ndian chìnuni ña chaa ve'e vi, ta takan jàna'a vi ti tìñu'u vi na. Ta juuni tu tindee vi ma ndian ndè'e tundo'o, ta chìtu'un vi cha'a' ma tiñu va'a ña ìyo yi ña ja'a vi ndia.

Tutu Hebreu 10:22

Yakan va ìyo yi ña jayatin yo yo iti' Ndioo ta chinuni va'a yo ma ña kà'an ra chi'in anima yo. Va ìyo yi ña ja'a ndicha yo yi, ta na töve chàninio nï'iin ña töve va'a tichi anima yo, ta ndoo ma kuñu yo chi'in takuii va'a.

Tutu Xuva Nunuu 1:7

Vatu chàkunuu yo nuu ma ñu'ú ña jàndondichin yi iti' yo takua ìyo ma Racha'nu nuu ñu'ú, tajan cha inuuni koo yo chi'in ma ñivi ta'an yo. Ta ma nii ma Racha'nu Jesucristu ra Se'e Ndioo endee jànaa ra' tandi'i ma kuatio.

Tutu Xuva Nunuu 5:6

Ora kīchi ma Racha'nu Jesucristu ma nuu ñu'u' ñuñivi i'ya jāna'a ra nuu yo ña kùu ra Se'e Ndioo ora jākunduta ra ta juuni ora chāti ra ma nii ra. Yüvi chi'in ma takuini kùu yi ña jāna'a ra nuu yo va juuni chi'in ma nii ra ndia. Ta ikan jan chā'a ra ma Tati Ií ra nuu yo, ikan na ku'va yi kuenda nuu yo cha'a' ma ña ndicha ña kà'an ra.

Tutu Apocalipsis 1:5

Ta nda nuu ma Racha'nu Jesucristu na ni'i ndo ñamani Ndioo ta na koo vii ndo ndia, ti rakan kùu ra testigu ndaa, ta ra nunuu ña nātaku tañu ma ndian ndií, ta chà'nda ra tiñu nuu tandi'i ma ndra kumitiñu ña ìyo ma nuñu'u' ñuñivi i'ya. Vati Cristu ikan kùu ra ña ya'a kùuni ra nde'e ra yo, ta cha jānandoo ra ma kuati yo cha'a' ña chāti ma nii ra cha'a' yo.

Tutu Apocalipsis 7:14

Ta yu'u te'en nāka'in: ―Na ka'an maun yi, ti maun kùu ma ra chìto ―kati̱. Tajan te'en nāka'an ra nui: ―Ndiakan kùu ma ndian jākakú ma Racha'nu Ndioo nuu ma tundo'o ka'nu, ti nākata na ma ja'ma na, ta jāndo kuichin na yi chi'in ma nii ma ra kùu mvechala.