Tutu Xuva 12:28 - El Nuevo Testamento en Mixtec Santa María Zacatepeco

²⁸ Takan kūu tajan ma Jesuu te'en nāka'an ra chi'in Ndioo: ―Yo'o Tatá, na tiñu'u̱n ta na jaka'nu̱n ma siviun ―kàti ra. Tajan te'en nāka'an ma tati yu'u Ndioo ma iti' andivi: ―Cha jāka'nui ma sivi̱, ta cha tīñu'i yi, va ni ja'a ndikoi yi ―kàti yi.

Tutu Xuva 12:28 Iomraidhean Croise

Tutu Mate 11:25

Takan kūu ta ma tiempu ikan, te'en nāka'an Jesuu chi'in Ndioo: ―Ya'a jàka'nui ñu̱n yo'o Tatá, ra chà'nda tiñu andivi chi'in ma nuñu'u' ñuñivi, vati ma tu'un xe'e ña ìyo chi'un, na töve nī jana'un yi nuu ma ndian ìyo chinituni, ta ya'a chìto ña kà'an, vati nuu ma ndian nda'vini jāna'un yi.

Tutu Mate 11:26

Ndicha ña takan kūu yi Tatá, ti kua kūuni maun kùu yi.

Tutu Mate 17:5

Ta ora juuni yanga ndaa ma Petu' kà'an ra, tajan nūu ndio iin vikonu'u tacha, ta chīkonuu yi ndra, ta tañu ma vikó ikan, chīni ndra iin tati ña te'en kà'an: ―Ra'ya kùu ma Se'i, ra ya'a kùuni̱ nde'i, ta ya'a ga chìsii̱ chi'in ra. ¡Na kuni ndo ma ña kà'an ra! ―kàti Ndioo chi'in ndra.

Tutu Mate 26:42

Cha'a' uvi kēe ndiko Jesuu kuà'an ra, ta te'en nāka'an tuku ra chi'in Ndioo: ―Yo'o ra kùu Tatái, tu küu ja'un tìndeun yu'u, kuenda ña töve nde'i tundo'o, va na kuu yi takua kùuniun ―kàti Jesuu.

Tutu Mate 3:17

Tajan ma iti' andivi chīni na iin tati ña te'en kà'an: ―Ra'ya kùu ma ra Se'i, ña ya'a kùuni̱ nde'i, ta ya'a chìsii̱ ña kùu ra takan. ―Takan kàti ma tati chīni na.

Tutu Marku 1:11

Takan kūu ta chīni Jesuu ña nāka'an Ndioo nda andivi: ―Ndicha kuii, ña yo'o kùu se'i, ra kāchi̱n ña jàkuu tiñu nui, ti ya'a kùuni nde'i ñu̱n. ―Takan kāti Ndioo chi'in Jesuu.

Tutu Marku 14:36

―¡Yo'o Tatá! Yo'o va kùu ja'un nda ña nikuuni. Kùuni̱ ña nakaniun ma tundo'o ni nde'i. Va tüvi kùuni̱ ña kuu ma ña kà'in, ti naja kua kùuni maun kuu yi ―kàti Jesuu.

Tutu Marku 9:7

Takan kūu tajan nūu iin viko nu'u. Ta chāsi yi Jesuu. Ta te'en nāka'an iin tati kēe tañu viko ikan: ―Ra'ya kùu se'e mai. ¡Na jachi'in ndo ña kà'an ra! ―kàti Ndioo chi'in ndra.

Tutu Luka 3:22

Tajan kōyo ma Tati Ií Ndioo chata Jesuu, ña kàa yi takua kàa iin livi, tajan chīni Jesuu iin tati ma Racha'nu Ndioo ña te'en kà'an yi chi'in ra nda iti' andivi: ―Yo'o kùu ma ra ya'a kùuni̱ nde'i, ti ra se'e mai kùu̱n. Ta ya'a sii kùuni̱ cha'a' yi.

Tutu Luka 9:35

Tajan ma tichi vikonu'u chīni ndra tati Racha'nu Ndioo ña kà'an yi te'en: ―Ra'ya kùu Se'i ña tāchi̱. ¡Na jachi'in ndo ña kà'an ra! ―kàti Ndioo chi'in ndra.

Tutu Xuva 11:4

Tajan ora chīni Jesuu ma ña kā'an na, ta te'en nāka'an ra: ―Ma kue'e ña ndo'o ma Lázaru, na töve ni kuvi ra ja'a yi, vati yakan kùu yi kuenda ña chi'in ra kùu jana'a yi naja kua ya'a ka'nu kùu ma Racha'nu Ndioo, ta juuni kuenda ña na jana'a yi naja kua ka'nu kùu ma ra Se'e ra ndia.

Tutu Xuva 18:11

Tajan Jesuu te'en nāka'an ra chi'in ma Petu': ―Na ti'i va'un ma machitiun ma tichi venaun. Vati tu Tatái chā'a ra ña na nde'i tundo'o, ¿a töve ìyo tu'vai ña nde'i tundo'o i'ya?, kùuni ndo ―kàti Jesuu.

Tutu Xuva 9:3

Tajan Jesuu te'en nāka'an ra chi'in ndra: ―Na yöve cha'a' kuati maa ra kùu yi, ta ni yöve cha'a' kuati ma ndian kùu tatá ra kùu yi. Takan kāku ra, ti chi'in rakan kùuni ma Racha'nu Ndioo jana'a ra ma ndatu ra, ikan na nde'e ma ñivi, ña kùu ja'a ra yi.

Tutu Efesu 2:7

Ndioo jā'a ra takan, ikan ma ndian ni kichi iti' nuu kuu nde'e na naja kua ka'nu kùu ma ñamani ra, ta naja nduva'a kuii kùuni ra nde'e ra yo, cha'a' ña ndō'iin yo chi'in ma Jesucristu.

Tutu Efesu 3:10

Ta takan vitin ndisaa nuu tati ña chà'nda tiñu andivi kùu nata'an yi kua'a' nuu ma chìnituni ma Racha'nu Ndioo ora nde'e yi ma ndian chìnuni ña ìyo kuenda ma veñu'u Cristu.

Tutu Efesu 3:21

¡Na jaka'nu yo ma Racha'nu Ndioo, ti iin ra nduva'a kuii ka'nu kùu ra!, ta nde'o ma ña ka'nu ja'a ra nuu ma ñivi ìyo veñu'u Jesucristu ta juuni takan nde'o yi chi'in ra ndia. Ta, ¡takan na kùu yi ndisaa tiempu ta endeeni! Amén.

Tutu Petuꞌ Uvi 1:17

Vati Jesuu nī'i ra ndatu ra chi'in ma ña iñu'u ra nda'a' Racha'nu Ndioo, ra kùu Tatá yo ora chīni ndi ña ya'a ni'i kà'an ra iti' andivi te'en: “Ra'ya kùu ma ra se'i, ra ya'a ga kùuni nde'i, ta ya'a ga chisii̱ chi'in ra”, kāti Ndioo.