Tutu Xuva 12:13 - El Nuevo Testamento en Mixtec Santa María Zacatepeco

¹³ Tajan kīcha'a ndio ma ñivi chà'nda na nda'a' tika'a, ta kēe ndio na kuàta'an na nuu vàchi Jesuu, ta te'en kīcha'a ndio na kànachaa na: ―¡Ya'a ga ka'nu ma Racha'nu Ndioo! ¡Ta ya'a ga ií kùu ma ra vàchi chi'in sivi Ndioo! ¡Ta ya'a ga ií kùu ma ra kuu rey ña chà'nda tiñu nuu ma ndian ìyo ñuu Israel! ―kàti na.

Tutu Xuva 12:13 Iomraidhean Croise

Tutu Mate 23:39

Vati yu'u kà'in chi'in ndo, ña na tüva ni nde'e ndo yu'u, nda kati ni keta ma tiempu, ña ni ka'an ndo te'en: “Ma ra ya'a ga ií kùu ma ra vàchi, chi'in sivi ma Racha'nu Ndioo”, kàti Jesuu chi'in na.

Tutu Mate 27:42

―Jākakú ra inga na, va juuni maa ra, na küu jakakú ra ra. Tu ndicha ña Rey ra chà'nda tiñu nuu ma ñivi Israel kùu ra, na nuu ra ma nuu takaa ra nuu kruu, ta takan chinunio ma tu'un ra.

Tutu Xuva 1:49

Tajan ma Natanael te'en nāka'an tuku ra: ―Matru, ndicha kuii ña yo'o kùu ma ra Se'e Ndioo, ta juuniun kùu ma ra kùu Rey ra chà'nda tiñu ñuu Israel ―kàti ra.

Tutu Xuva 12:14

Takan kūu tajan Jesuu nāta'an ra iin burru vali, ta chākoso ra ri, ma takua kà'an yi nuu ma tutu Ndioo:

Tutu Xuva 12:15

Na yü'vi ndo ndyo'o ndian ìyo ñu'u' Sión, ti cha vàchi ma ra kùu rey ndo ña chà'nda tiñu nuu ndo yòso ra iin burru, kàti yi.

Tutu Xuva 19:15

Va ma ndra judíu te'en kānachaa ni'i ndra: ―¡Na kuvi ra! ¡Na kuvi ra! ¡Na takaun ra nuu kruu! ―kàti ndra. Ta Pilatu te'en chīkatu'un ra nuu ndra: ―¿A ìyo yi ña ka'ni̱ ma ra kùu rey ndo nuu kruu ña kà'an ndo takan? ―kàti Pilatu. Va ma ndra kùxini nuu sutu, te'en nāka'an ndra chi'in ra: ―¡Uvanuu ni rey ndyu'u ìyo, ta rakan kùu ra ma ra chà'nda tiñu ma ñuu Roma! ―kàti ma ndra kùxini nuu sutu.

Tutu Apocalipsis 15:3

Ta ndiakan ti chìta na yaa ña chīta Moisés, ra jàkuu tiñu ma Racha'nu Ndioo chi'in ma inga yaa kuenda ma ra kùu mvechala. Ta te'en chìta na: Ya'a ga ka'nu ta vii kùu ma tiñu jà'un, yo'o Racha'nu Ndioo, ra ìyo tiaga ndatu kua tandi'i ma ñivi ñuñivi, vati iti' ndaa, ta iti' ndicha kùu ma itiun, yo'o ra kùu Rey, ra chà'nda tiñu nuu tandi'i ma ndian ìyo nuñu'u' ñuñivi.

Tutu Apocalipsis 19:16

Ta ma chata ma ja'ma ñu'u ra, chi'in ma soko ra te'en kà'an yi: “Rey ra kuxini nuu ma ndra kùu rey, ta chito'o kuxini nuu ndisaa ma ndracha'nu.”

Tutu Apocalipsis 7:9

Ta ora yā'a ña kūu te'en, tajan ikan ndē'i nduva'a kuii kua'a' ñivi ña siin siin ñuu kīchi na, ta siin ñivi kùu na, ta siin siin tu'un kà'an na, ta siin siin ñuu na ndia. Ta ndiakan kùu na ña ka'ìin na ma iti' nuu ma nuu ndaa ma tayu ií nuu tà'nda tiñu, ta iti' nuu ma ra kùu mvechala ña nduva'a kuii kua'a' na ña nï'iin ñivi na küu ja'a na ka'vi na na. Ta juuni ñu'u na ja'ma kuichin, ta nda'a na ma nda'a' tika'a.