Tutu Xuva 11:39 - El Nuevo Testamento en Mixtec Santa María Zacatepeco

³⁹ Ta Jesuu te'en nāka'an ra: ―Na tachiyo ndo ma yuu ma yu'u yavi ikan ―kàti ra. Ta ma ña nàni Mata ña ta'an ma Lázaru ra chī'í te'en nāka'an ña: ―Yo'o Racha'nu, cha ya'a ga kini cha'an, vati cha ìyo kumi kivi ña chī'í ra ―kàti ña.

Tutu Xuva 11:39 Iomraidhean Croise

Tutu Marku 16:3

Ta kīcha'a vi chìkatu'un ta'an vi: ―¿Ta yo jachiyo yuu nuu kuu ki'vio yu'u ma yavi? ―kàti vi.

Tutu Xuva 11:17

Takan kūu ta ora chāa Jesuu ma ñuu Betania ña kàndii ñu'u' Judea, ta ikan chīto ra ña cha ìyo kumi kivi kùu yi ña cha kūchi ma Lázaru.

Tutu Hechos 13:36

Yakan va ndicha kuii ña ma racha'nu David, jā'a ra tiñu takua kùuni Ndioo nuu ma ñivio ora chīyo ra ma ñuñivi i'ya niku. Tajan chī'í ndio ra, ta kūchi ndio na ñunda'yu ra xiin nuu ñaña ma tatá ra. Ta ma kuñu ra kū'ini yi.

Tutu Hechos 2:27

Ta töve ndàkoun yu'u tañu ñivi ndií. Ta töve ku'vaun ña na ta'yu ñunda'yui, ti yu'u kùu ma ra ií ña kùu musu̱n.

Tutu Corintu Uvi 2:16

Vati kuenda ma ndian töve chìnuni, ma xiko ma kutu i'ya ni ka'ni yi na takua jà'a iin xiko xaan. Va kuenda ma ndian jàkakú Ndioo, ma xiko i'ya iin ña vii kùu yi, ti ni ja'a yi ña na koo ndito na indeeni. Ta ma tiñu i'ya nï'iin ñivi tüvi ìyo va'a na, ña kùu ja'a na yi.

Tutu Filipu 3:21

Ta rakan kùu ra ni sama ra ma kuñu yo ña ya'a ga nda'vi kùu yi, ikan na kuu yi takua kùu ma kuñu ma Jesuu ña ya'a ga vii kàa yi ta tacha yi. Ta ni ja'a ra yi chi'in ma ndatu ra ña kuàtiñu ra ña ka'nda yi tiñu nuu ma tandi'i nakuyi.