Tutu Xuva 11:34 - El Nuevo Testamento en Mixtec Santa María Zacatepeco

³⁴ Yakan va kīcha'a ra chìkatu'un ra te'en nuu ma Ndiya: ―¿Ndanu kūchi ma Lázaru? ―kàti ra. Ta te'en nāka'an vi chi'in Jesuu: ―Na kichiun ta kujana'a ndi ma nuu kūchi ra ―kàti vi.

Tutu Xuva 11:34 Iomraidhean Croise

Tutu Mate 28:6

Na töva ra ma i'ya, vati cha nātaku ra ma takua kā'an ra chi'in ndo niku. Na kichi nde'e ndo ma nuu chūndii ra niku.

Tutu Marku 15:47

Ta Ndiya Magdalena chi'in Ndiya ma'á Kusé ndē'e vi nuu tī'i ra ñunda'yu Jesuu.

Tutu Marku 16:6

Ta kīcha'a kà'an ra chi'in vi: ―¡Na yü'vi ndo! ¿A juu ndyo'o nànduku Jesuu, ra kīchi ñuu Nazaret, ra chī'í nuu kruu? Va rakan cha nātaku ndiko ra vitin. Ta tüva ga ra i'ya vitin. ¡Na nde'e ndo nuu chūndii ra!

Tutu Xuva 1:39

Ta ma Jesuu te'en nāka'an ra chi'in ndra: ―¡Na'a ndo chatai!, ta koto ndo ma nuu ìyoi ―kàti ra. Yakan va kēe ndio ndra kuà'an ndra chi'in ra ma nuu ìyo ra, tajan kīndoo ndra chi'in ra nda kati ini ña cha kùu yi a kaa kumi chani'ini.

Tutu Xuva 11:33

Ta ma Jesuu ora ndē'e ra ña chàku ma Ndiya, ta takani ma ndian judíu, ndian chāa chi'an ma ikan, yakan va ma Jesuu nduva'a kuii kīchi ma ña sutini ra.

Tutu Xuva 11:35

Ta ma Jesuu juuni chāku ra.

Tutu Xuva 20:2

Tajan endee chīnu ña kuà'an ña nuu ndaa ma Simón Petu', chi'in inga ma ra jàkua'a chi'in Jesuu, ra ya'a ga kùuni ra nde'e ra, ta te'en nāka'an ña chi'in ndra: ―Cha ndāki'in na ma ñunda'yu ma Racha'nu Jesuu ma nuu ñaña nuu kùchi ra, ta töve chìto ndi ndanu chāndaka na yi ―kàti ña chi'in ndra.