Tutu Xuva 11:33 - El Nuevo Testamento en Mixtec Santa María Zacatepeco

³³ Ta ma Jesuu ora ndē'e ra ña chàku ma Ndiya, ta takani ma ndian judíu, ndian chāa chi'an ma ikan, yakan va ma Jesuu nduva'a kuii kīchi ma ña sutini ra.

Tutu Xuva 11:33 Iomraidhean Croise

Tutu Marku 3:5

Takan kūu ta Jesuu iin ndē'e xaani ra nuu na ña ya'a nda'vi kùuni ra ti tüvi tàso'o na ña kà'an ra. Ta tüvi kùnda'vini ma ndian chìniñu'u ra ndè'e na ra. Tajan te'en nāka'an ndio Jesuu chi'in ma ra kūyutun nda'a': ―¡Janakee nda'un! ―kàti ra. Tajan jānakee ndio ma ra ku'vi nda'a' ra. Ta ora ikani ndā'a yi.

Tutu Marku 9:19

Takan kūu ta te'en nāka'an tuku Jesuu: ―Ndyo'o ñivi tüvi chìnuni. ¿A ndisaa tiempu koi chi'in ndo?, kùuni ndo. ¿Ta naja ga tiempu kùndei ndo tiá, ña tükuii chìni ndo ña kà'in? ¡Na kichi ndaka ndo ma ra ku'vi nui i'ya! ―kàti ra.

Tutu Xuva 11:19

Ta kua'a' ma ndian judíu chānde'e na nuu ìyo ma Mata chi'in Ndiya, ña jàndomani na vi cha'a' ña chī'í ma ra ta'an vi Lázaru.

Tutu Xuva 11:31

Yakan va ma ndian judíu ndian ka'ìin chi'an ma ve'an, ña jàndomani na ña, ta ora ndē'e na ña numi va'a ndēta ma Ndiya, ta kēan ma tichi ve'an, ta ma ñivi tāndikun na kuà'an na chata ña, ta kīcha'a na nàtu'un ta'an na te'en: ―¡Kuà'an ña kuàkuakuan nuu kūchi ma ra ta'an ña Lázaru! ―kàti na.

Tutu Xuva 11:34

Yakan va kīcha'a ra chìkatu'un ra te'en nuu ma Ndiya: ―¿Ndanu kūchi ma Lázaru? ―kàti ra. Ta te'en nāka'an vi chi'in Jesuu: ―Na kichiun ta kujana'a ndi ma nuu kūchi ra ―kàti vi.

Tutu Xuva 11:35

Ta ma Jesuu juuni chāku ra.

Tutu Xuva 11:38

Jesuu inga ndiko, nduva'a kuii kīchi ña sutini ra, tajan chājayatin ra ra ma nuu ìyo ma nuu ñaña ma Lázaru. Ta ma ikan kùu yi iin tichi yavi yuu, ta ma nuu kì'vi yo ndàsi yi chi'in yuu.

Tutu Xuva 12:27

’¡Ya'a nduva'a nàkanini̱! ¿Ta nayi ìyo yi ña ka'in?, kùuni ndo. ¿A ìyo yi ña ka'in chi'in Ndioo: “Tatá na jakaku̱n yu'u nuu ma tundo'o ni nde'i”?, kùuni ndo. Na küu ka'in takan, ti kuenda ikan vàchi̱, ―kàti ra.

Tutu Xuva 13:21

Ta ora chīnu kā'an Jesuu takan, ta nduva'a nda'vi kūuni ra, ta te'en nāka'an kachin ra chi'in ndra: ―Ndicha va'a ña kà'in chi'in ndo, ti iin ndo ni xikoña'a ndo cha'i ―kàti ra chi'in ma ndra jàkua'a chi'in ra.

Tutu Romanu 12:15

Ta juuni na sii kuuni ndo chi'in ma ndian chìsii. Ta tuva ìyo ma ndian chàku, ndian nda'vi kùuni, na kuaku ndo chi'in na ndia.

Tutu Hebreu 4:15

Vati uvanuu rakan kùu iin sutu va'a kuenda yo. Ta chìto va'a ra ña ndian kündeeni kùu yo cha'a' ña numini kì'vio ja'a yo kuati. Yakan va kūnda'vini ra yo. Vati juuni kī'in ma kui'na ku'va ra indukuni takua jà'a yi chi'in yo ña jā'a yo kuati, vati rakan nï'iin cha'a' töve nī chaa ra jà'a ra kuati.