Tutu Xuva 11:22 - El Nuevo Testamento en Mixtec Santa María Zacatepeco

²² Va yu'u chìtoi ña Ndioo ni ku'va ra tandi'i ma ña ni ndakaun nuu ra ―kàtian.

Tutu Xuva 11:22 Iomraidhean Croise

Tutu Mate 28:18

Tajan chājayatin ndio ma Jesuu ra nuu ndra, ta te'en nāka'an ra chi'in ndra: ―Ma Ra chā'a tiñu nui, ña na ka'ndai tiñu ninii ka'nu ma nuñu'u' i'ya, ta ma andivi, kùu ma Ndioo ka'nu.

Tutu Marku 9:23

Ta te'en nāka'an Jesuu chi'in ra: ―¿Ta naja kà'un ña tu kùu ja'i yi? Nda ña nikuuni kùu ja'a yo, tuva chìnunio ―kàti ra.

Tutu Xuva 11:23

Ta Jesuu te'en nāka'an ra: ―Ma ra ta'un, ni nataku ndiko ra ―kàti Jesuu.

Tutu Xuva 17:2

Vati nuu yu'u ra kùu Se'un, chā'un ña na ka'ndai tiñu nuu tandi'i ma ñivi ìyo ñuñivi, ta juuni chā'un ña na kuu ja'i ña koo ndito ma tandi'i ma ñivi chā'un nui endeeni.

Tutu Xuva 3:35

Ti ma Tatá Ndioo ya'a ga kùuni ra nde'e ra ma ra Se'e ra, yakan va chā'a ra kua'a' ndatu ra nuu ra kuenda ña na kuàtiñu ra yi chi'in ndisaa ma ña jà'a ra.

Tutu Xuva 9:31

Cha chìto va'a yo ña Ndioo, tàso'o ra ña kà'an ma ndian jàka'nu ra, chi'in ma ndian jà'a ña kùuni ra, va ma ndian jà'a kuati, töve.