Tutu Xuva 1:51 - El Nuevo Testamento en Mixtec Santa María Zacatepeco

⁵¹ Va ma Jesuu te'en nāka'an ndiko tuku ra: ―Ndicha va'a ña kàtitu'in nuu ndo ña ni nde'e ndo ma andivi ña iin nùna kani yi, ta juuni ni nde'e ndo kua'a' tati ña jà'a tiñu nuu Ndioo ña ndàa yi nùu yi chata yu'u, ra Se'e ñivi tāchi Ndioo.

Tutu Xuva 1:51 Iomraidhean Croise

Tutu Mate 25:31

’Ora ni kichaa yu'u, ra Se'e ñivi, ña ni ka'ndai tiñu, endee ni chikonuu ndisaa ma tati jà'a tiñu nuu Ndioo yu'u, ta ni kunandi̱ ma tayu ka'nu nuu tà'nda tiñu, ta nuu ìyo kua'a' ña tachai.

Tutu Mate 26:24

Ma ra Se'e ñivi, kuà'an ra ma iti' ìyo yi ña ku'un ra, takua kà'an yi nuu ma tutu Ndioo. Va ¡nda'vi ta'an ma ra ni xiko ña'a cha'a ra! Va'a ga, ña tu töve nī chakoo ni ra niku ―kàti Jesuu.

Tutu Mate 3:16

Ta ora cha kūnduta ndio Jesuu, ta kēe ndio ra ma tichi takuii, tajan juuni ma ora ikani, nūna ma andivi, ta ikan ndē'e ndio ra, ña ma Tati Ií Ndioo, vàchi nuu yi chata Jesuu tava kàa iin livi, ta chūnandi yi chata ra.

Tutu Mate 4:11

Tajan ma kui'na ndākoo ndioán' Jesuu, ta ikan jan chākoyo ndio ma ndian kùu tati ña jà'a tiñu nuu Ndioo, ta kīcha'a na tìndee na ra.

Tutu Mate 8:20

Tajan Jesuu te'en nāka'an ra chi'in ra: ―Taku ma yukuii ìyo yavi nuu kìxi ndri, ta ma saa ìyo taka ndri ndia, va yu'u ra Se'e ñivi tāchi Ndioo, na töve ìyo ni nuu kundii ma xini̱ ―kàti Jesuu.

Tutu Mate 9:6

Va'ani, ni jana'i nuu ndo ña ma ra Se'e ñivi tāchi Ndioo, ìyo ndatu ra ña jaka'nuni ra kuati ma ñivi ìyo nuñu'u' ñuñivi. Tajan te'en nāka'an ndio Jesuu chi'in ma ra kūyutun: ―Na ndetaun, ta tika'nu̱n chitoun, ta ku'u̱n ve'un ―kàti Jesuu.

Tutu Marku 1:10

Ora kèe Jesuu tichi takuii, ndē'e ra ña nùna ma andivi. Ta ikan kōyo Tati Ií Ndioo chata ra, ña kàa yi takua kàa iin livi.

Tutu Marku 14:62

Ta nāka'an Jesuu: ―Juu yu'u kùu ra. Ta ni nde'e ndo ra ña nàndi ra chiyo kua'a ma Ndioo ka'nu ìyo nuu sukun. Ta ni keta iin kivi ña kichi̱ ndikoi. Va yu'u ra Se'e ñivi ni kichi̱ tichi viko ―kàti Jesuu.

Tutu Luka 2:13

Takan kūu ta juuni ma ora ikan, kàtiun ña chākoyo nduva'a kuii kua'aga ma tati jà'a tiñu Ndioo nuu ndaa ma inga yi. Ta te'en kīcha'a na chìta na ña jàka'nu na Ndioo:

Tutu Luka 2:9

Ta nunuuni kēta iin tati jà'a tiñu nuu Ndioo ña iin jātachani yi nuu ka'ìin ndra, ta chīkonuu nduva yi ndra. Ta nduva'a kuii yū'vi ndra jà'a yi.

Tutu Luka 22:43

Ta ora kā'an Jesuu takan, tajan ma ora ikani kīchi iin tati va'a jà'a tiñu nuu Ndioo iti' andivi ña chā'a yi ñandee ra.

Tutu Luka 22:69

va nda vitin ta nda iti' nuu, ni kunandi ma ra Se'e ñivi chiyo kua'a Racha'nu Ndioo, ra ìyo kua'a' ndatu ―kàti Jesuu chi'in ndra.

Tutu Luka 24:4

Ta ikan jan nduva'a kuii yū'vi vi ña nī tuvi chìto vi nayi jà'a vi. Ta nunuuni ndē'e vi ña kēta uvi ta'an ndra'ii yatin xiin vi ña ñù'u ndra ja'ma tacha.

Tutu Luka 3:21

Va juuni yanga takä'an kì'vi ma Xuva vekaa, ta jākunduta ra tandi'i ma ñivi, juuni jākunduta ra Jesuu ndia. Ta ora kà'an ra chi'in Ndioo, ta iin nūnani ma andivi.

Tutu Xuva 1:50

Tajan ma Racha'nu Jesuu te'en nāka'an tuku ra: ―¿A cha'a' ña ndē'eni̱ ñu̱n cha'a' ma yutun higuni kùu yi ña chìnuniun ma tu'un kà'in?, kùuniun. ¡Yu'u kà'in chi'un ña nda vitin ta iti' nuu, kua'a' ga tiñu ka'nu ni nde'un!

Tutu Xuva 10:1

Tajan Jesuu te'en nāka'an ra: ―Ndicha va'a ña kà'in chi'in ndo, ña tu kèta iin ra'ii nuu ka'ìin mvechala jàna ndo, ta töve kì'vi ra ma iti' yu'u kora ma nuu ka'ìin ndri, rasu'u kùu ra.

Tutu Xuva 10:7

Tajan Jesuu te'en kīcha'a ndiko ra kà'an ra chi'in ma ñivi: ―Ndicha va'a ña kà'in chi'in ndo ña yu'u kùi takua kùu ma yu'u kora nuu yà'a ma mvechala.

Tutu Xuva 13:16

Ndicha va'a ña kà'in chi'in ndo, ña ma ra jà'a tiñu nuu ma ra kùu chito'o ra, töve ka'nuga ra kua ma ra kùu chito'o ra. Ta ma ra kēe kuà'an iin tiñu, töve ka'nuga ra kua ma ra tāchi ra ndia.

Tutu Xuva 13:38

Ta Jesuu te'en nāka'an ra chi'in ra: ―¿A ndichaun ña ìyoniun ku'u̱n chi'i̱n vaji na kuviun cha'i? Ndicha va'a ña kà'in chi'un ña antea ña nda'yu ma lo'o, uni cha'a' ni ka'un ña töve nàkotoun yu'u ―kàti Jesuu.

Tutu Xuva 14:12

Ndicha va'a ña kà'in chi'in ndo ti ma ndian chìnuni ma tu'in, indukuni ni ja'a na ma tiñu ka'nu, tava jà'i yi. Ta ni ja'a na inga tiñu ka'nuga cha'a' ña ni ku'in nuu ìyo ma Tatái.

Tutu Xuva 16:20

Ndicha va'a ña kà'in chi'in ndo ña, ndyo'o ni kuaku ndo, ta nda'vi ni kuuni ndo, va ma ñivi ñuñivi, sii ni kuuni na. Va vaji ndyo'o nda'vi ni kuuni ndo, ni sama ma kua kùuni ndo, ta ni kichi sii kuuni ndo.

Tutu Xuva 16:23

Ma kivi ikan, nï'iin ndo na ndäkatu'un ga ndo nï'iin nakuyi nui. Ndicha va'a ña kà'in chi'in ndo, ña tandi'i ma ña chìkan ndo chi'in sivi̱ nuu ma Tatái, ni ku'va ra yi nuu ndo.

Tutu Xuva 21:18

Ndicha va'a ña kà'in chi'un, ti ora kùu̱n ma rayoko tiaga, ìyo ga ñandeun ña jà'un ma ña kùuni maun, va ora ni ndakuu cha'nu̱n, ma inga ñivi ni tiin na ñu̱n, ta ni ku'ni na nda'un, ta tüva kùu ku'u̱n ma nuu kùuni maun, ti inga ñivi kùu na ña ni ka'nda na tiñu nuu̱n, ta ku'un na chi'un ma nuu töve kùuniun ku'u̱n.

Tutu Xuva 3:3

Tajan Jesuu te'en nāka'an ra chi'in ra: ―Ndicha va'a ma ña kà'in chi'un, ña nda ndian nikuuni na küu koo na nuu chà'nda Ndioo tiñu, tuva juuni takä'an kàku chaa ndiko na kuenda Ndioo ―kàti Jesuu.

Tutu Xuva 3:5

Tajan Jesuu te'en nāka'an ra: ―Kàti̱ kachi̱n nuu̱n ña nï'iin na, tu töve kàku ji'na na jà'a ma takuii ta jà'a ma Tati Ií Ndioo ndia, na küu ki'vi na ma nuu chà'nda Ndioo tiñu.

Tutu Xuva 5:19

Tajan nāka'an ma Jesuu te'en: ―Ndicha va'a ña kà'in, ña na küu ja'a yu'u ra kùu Se'e Ndioo nï'iin tiñu ña ma'iin ni, tuva töve ndē'i naja kua jà'a ma Tatái. Vati ndisaa tiñu jà'a Tatái, indukuni kua ikan jà'a yu'u ra kùu Se'e ra yi ndia.

Tutu Xuva 5:27

Ta juuni chā'a Tatái ndatu nui ña kùu jakutuni̱ kuati na, cha'a' ña kùi ra Se'e ñivi tāchi Ndioo.

Tutu Xuva 6:26

Tajan Jesuu te'en nāka'an ra: ―Ndicha va'a ña kà'in chi'in ndo, ña ndyo'o nànduku ndo yu'u, cha'a' ña chāchi ndo nda kati chitu tichi ndo jā'i, ta yöve cha'a' ña kì'in kuenda ndo, ta kùtunini ndo nda kuenda kùu ma ndatu ña chā'a Ndioo nui ña jà'i.

Tutu Xuva 6:32

Tajan ma Jesuu te'en nāka'an ra chi'in na: ―Ndicha va'a ña kà'in chi'in ndo: ña na yöve Moisés kùu ra ña chā'a ra ma paan kāchita iti' andivi chāchi ndo taji'na, ti ma Tatái kùu ra chā'a yi ta nda vitin chà'a ra yi ndia. Ta ma paan chà'a ra kùu ma ña ndicha ña vàchi iti' andivi.

Tutu Xuva 6:47

Ndicha va'a ña kà'in, ña ma ndian chìnuni ma tu'in, endee ìyo ndito na.

Tutu Xuva 6:53

Tajan Jesuu te'en nāka'an ra chi'in na: ―Ndicha va'a ña kà'in chi'in ndo, ña tu töve chàchi ndo kuñu ma ra Se'e ñivi tāchi Ndioo, ta töve chì'i ndo ma nií ra, na töve ni ni'i ndo nuu koo ndito ndo chi'in ma Racha'nu Ndioo.

Tutu Xuva 8:34

Ta Jesuu te'en nāka'an ra: ―Ndicha va'a ña kà'in chi'in ndo, ña tandi'i ma ndian jà'a kuati, ndiakan kùu na musu ma kuati.

Tutu Xuva 8:51

Ndicha va'a ña kà'in chi'in ndo, ña ma ndian jàchi'in ma tu'in, endee töve ni kuvi na ―kàti Jesuu.

Tutu Xuva 8:58

Ta Jesuu te'en nāka'an ra chi'in na: ―Ndicha va'i ña kà'in chi'in ndo, ña takani cha ìyoi, antea ña koo Abraham.

Tutu Hechos 10:11

Ndē'e ma Petu' ña nùna ma andivi ta vàchi nuu iin ña kàa takua kàa iin ja'ma ka'nu, ña ndìkun ndi kumi chiyo tutun yi.

Tutu Hechos 7:56

Ta ora ndē'e Esteban ma iti' andivi, tajan te'en nāka'an ra nuu ndra ka'ìin chi'in ra: ―¡Nde'e ndo! Ti vitin ndè'i ña endee nùna tichi andivi. Ta Jesuu ra Se'e ñivi tāchi Ndioo, ndaa ra chiyo kua'a Ndioo. ―Takan kāti Esteban chi'in ndra.

Tutu Tesalónica Uvi 1:7

Ta ndisaa ndyo'o ndian ndè'e tundo'o ta chìnuni, ni ku'va Ndioo ña nindee ndo, indukuni takan ni ja'a ra yi kuenda ndi ndia. Ta ndisaa ña'a ni kuu yi ora ni kichi ndiko ma Racha'nu Jesuu iti' andivi chi'in kua'a' ndatu ra, ta juuni takan ni kichi ma tati va'a ña jà'a tiñu nuu Ndioo chi'in ra ndia.

Tutu Tesalónica Uvi 1:9

Ta ndisaa ndiakan ndian tüvi chìnuni, ni janaa Ndioo na, ti ni ti'i ra na nuu ni nde'e na tundo'o ndisaa tiempu, ta ikan jan ni jachika ndio ra na nuu ìyo ma Racha'nu Jesucristu, ra ya'aga tacha ta ìyo ndatu nuu.

Tutu Timoteu Nunuu 3:16

Takan kūu yakan va, ma tu'un ña tüvi nàkoto yo niku, ndicha ña cha jàna'a Ndioo yi nuu yo vitin, ta ma tu'un ikan, nduva'a kuii ka'nu yi: Racha'nu Ndioo, ndākuu ra iin ñivi, ta ra va'a kùu ra, kàti ma Tati Ií Ndioo. Ta juuni ndē'e ma tati jàkuu tiñu nuu Ndioo ra. Ta chītakuati ma tu'un ra tandi'i ñuu ñuñivi, ta kua'a' ñivi chīnuni ña kà'an ra, ta ndāa ra kuà'an ra iti' andivi.

Tutu Hebreu 1:14

Vati ndisaa ma ndian kùu tati va'a, ndian jà'a tiñu nuu Ndioo, juuni kùu na ndian tāchi Ndioo, ña na tindee na ma ndian ni ni'i ña na kakú jà'a ma tundeeni ra.

Tutu Juda 1:14

Takan kūu ta kuenda ma tu'un i'ya cha kātitu'un ma ra nàni Enoc, ma ra kūu tata ucha ma Adán, te'en nāka'an ra chata ma ndian jà'a takan: “Ndè'i ma Racha'nu ña vàchi ra chi'in nduva'a kuii kua'a' mii ma ndian ií ndian jàkuu tiñu nuu ra chi'in ra.

Tutu Apocalipsis 19:11

Takan kūu tajan kani'i̱ nui iti' andivi, ta ndē'i ña nùna ma andivi. Ta ikan ndē'i ña kēta iin kuayu kuichin, ta ma ra yoso ri nàni ra: iin ra ndaa ta ndicha kuii. Vati chi'in tu'un ndaa jàkutuni ra kuati, ta kànita'an ra cha'a' ña ndicha.

Tutu Apocalipsis 4:1

Takan kūu ta ora yā'a ña kūu te'en, tajan ndē'e ndioi ma iti' andivi, ta ikan ndē'i iin yuve'e ña nuna yi ma ndakan. Ta ikan chīni̱ inga cha'a' ma tati ña cha chīni̱ niku ña kà'an yi takua kùu ma tati yutun tivi. Ta ma tati ikan te'en nāka'an yi chi'i̱n: ―Na ndaun chi'i̱n nde've, vati i'ya ni jana'i nuu̱n ma ña ni kuu tiá iti' nuu ―kàti yi.