Tutu Xuva 1:38 - El Nuevo Testamento en Mixtec Santa María Zacatepeco

³⁸ Ta ndē'e chata ma Jesuu, ta chā'a ra kuenda ña ndikun ndrakan kuà'an ndra chata ra. Tajan te'en chīkatu'un ndio ra nuu ndra: ―¿Niyi nànduku ndo? ―kàti ra. Ta ndrakan te'en nāka'an ndra: ―Yo'o Rabí ―ña kùuni ka'an yi Matru― ¿ndanu ìyoun? ―kàti ndra.

Tutu Xuva 1:38 Iomraidhean Croise

Tutu Luka 10:39

Tajan ma Mata ìyo iin ña ta'an ña ña nàni Ndiya. Ta yakan chāa ña chūnandian nuu nàndi Jesuu ña tàso'an ña kà'an ra.

Tutu Luka 14:25

Takan kūu tajan nduva'a kuii kua'a' ñivi chàkunuu chi'in Jesuu. Ta ikan jan te'en nāka'an ndio ra chi'in na:

Tutu Luka 15:20

Tajan chīkoni'i ndio ra kuà'an ra iti' ve'e ma tatá ra. ’Tajan ora ndē'e ma tatá ra ña yatinia vàchi ra, tajan nduva'a kuii kūnda'vini ra se'e ra ta kāndakunu ndio ra chāta'an ra nuu ra, ta ikan kāña'a ra chi'in ma se'e ra ta chūnumi ndaa ra ra.

Tutu Luka 19:5

Ta ora yā'a ndio Jesuu ma ikan, tajan ndē'e ndaa ra nuu yutun nuu nàndi ra, tajan te'en nāka'an Jesuu chi'in ra: ―Yo'o Zaqueo, na nuu̱n, vati kivi i'ya ni ndoi nuu ìyo ve'un ―kàti Jesuu chi'in ra.

Tutu Luka 22:61

Ta ikan jan chīkoni'i Jesuu xini ra ndē'e ra nuu ma Petu', tajan chāku'uni ra ma ña kā'an ma Racha'nu chi'in ra ña: “Antea ña nda'yu lo'o ma vitin uni cha'a' ni ka'un ña tüvi nàkotoun yu'u.” Takan chāku'uni ra ma ña kā'an Jesuu chi'in ra.

Tutu Luka 8:38

Ta ma ra kēe ma tati xaan chīkan ra ñamani nuu Jesuu, na ku'va ra ña ku'un ra chi'in ra. Va Jesuu tüvi nī cha'a ra ña ku'un ra chi'in ra. Tajan te'en nāka'an ndio ra chi'in ra:

Tutu Xuva 1:37

Tajan ora chīni ninduvi ma ndra chàkunuu chi'in Xuva ña kā'an ra takan, ta tāndikun ndra chata Jesuu.

Tutu Xuva 1:39

Ta ma Jesuu te'en nāka'an ra chi'in ndra: ―¡Na'a ndo chatai!, ta koto ndo ma nuu ìyoi ―kàti ra. Yakan va kēe ndio ndra kuà'an ndra chi'in ra ma nuu ìyo ra, tajan kīndoo ndra chi'in ra nda kati ini ña cha kùu yi a kaa kumi chani'ini.

Tutu Xuva 1:49

Tajan ma Natanael te'en nāka'an tuku ra: ―Matru, ndicha kuii ña yo'o kùu ma ra Se'e Ndioo, ta juuniun kùu ma ra kùu Rey ra chà'nda tiñu ñuu Israel ―kàti ra.

Tutu Xuva 12:21

Ma ndian griegu i'ya chājayatin na na ma nuu ndaa Lipe, ra kīchi ñuu Betsaida, ña ìyo kuenda ma ñu'u' Galilea. Ndrakan te'en kīcha'a ndra jànini ndra ma Lipe chi'in tu'un i'ya: ―Yo'o tatá, kùuni ndi ka'an ndi chi'in Jesuu ―kàti ndra.

Tutu Xuva 18:4

Va takua Jesuu cha chìto ra tandi'i ma ña ni ta'an ra, yakan va kēta ra, ta te'en chīkatu'un ra nuu ndra: ―¿Yo nànduku ndo? ―kàti ra.

Tutu Xuva 18:7

Tajan Jesuu te'en chīkatu'un tuku ra nuu ndra: ―¿Yo nànduku ndo? ―kàti ra. Ta ndrakan te'en nāka'an ndra: ―Nànduku ndi Jesuu ra ñuu Nazaret ―kàti ndra.

Tutu Xuva 3:2

Tajan chānde'e ra Jesuu, ma nuu ìyo ra iin chanikuaa. Ta ikan te'en kà'an ra chi'in ra: ―Matru, chìto ndi ña ma Racha'nu Ndioo tāchi ñu̱n kuenda ña jàna'un nuu ndi, ti nï'iin ñivi na küu jà'a na ma ndatu ña jà'un, tu töve kùta'an Ndioo chi'in na ―kati ra.

Tutu Xuva 3:26

Ta ma ndrakan te'en kātitu'un ndra nuu Xuva: ―Yo'o Matru, ma ra ndaa chi'un inga chiyo yu'u yuta Jordán niku, ma ra kātitu'u̱n iin cha'a' nuu ndi, vitin ndaa ra jàkunduta ra kua'a' ñivi, ta ndisaa na ndikun na ra.

Tutu Xuva 4:31

Ta kīcha'a kà'an ma ndra jàkua'a chi'in ra, jànini ndra ra chi'in tu'un i'ya: ―Yo'o Matru, kachi ita'vi ma ña chàchi ndi ―kàti ndra.

Tutu Xuva 6:25

Ta ora nāta'an na Jesuu ma inga chiyo yu'u tañu'u, ta te'en nāka'an na chi'in ra: ―Yo'o matru, ¿nda ora kīchaun nde've? ―kàti na.

Tutu Hechos 10:21

Ta ora kā'an ma Tati Ií Ndioo takan chi'in ma Petu', ta ma ora ikani nūu ndio ra ta chāa ra nuu ka'ìin ndra. Ta te'en kà'an ra chi'in ndra: ―Yu'u kùu ma ra nànduku ndo. ¿Nda tiñu vàchi ndo? ―kàti ma Petu' chi'in ndra.

Tutu Hechos 10:29

Yakan va ora chāka'an ndo chi'i̱n, ta tüvi nī ka'in ña na kïchi̱ ti numini kēi vàchi̱. Yakan va kùuni̱ kotoi nda kuenda kùu yi ña kāna ndo yu'u ña na kichi̱ ―kàti ma Petu' chi'in ma ñivi ikan.