Tutu Xuva 1:34 - El Nuevo Testamento en Mixtec Santa María Zacatepeco

³⁴ Yu'u cha ndē'i ña takan kūu yi chi'in ra, ta kàtitu'in nuu ndo ña ndicha kuii ña ra Se'e Ndioo kùu ra.

Tutu Xuva 1:34 Iomraidhean Croise

Tutu Mate 11:27

’Ta ndisaa ma ña ìyoi, cha nāku'va ma Tatái yi nui. Ta nï'iin ñivi, töve nàkoto va'a na yu'u ra kùu Se'e ra, ti uvanuu ma ra nàkoto va'a yu'u, kùu ma Tatái. Ta nï'iin ñivi töve nàkoto va'a na ma ra kùu Tatái, ti uvanuu ma ra nàkoto va'a ra kùu yu'u, ra kùu Se'e ra chi'in nda ndian ni kùuni ña jana'i ma Tatái nuu na ndia.

Tutu Mate 16:16

Tajan Simón Petu' te'en nāka'an ra chi'in Jesuu: ―Yo'o kùu̱n Cristu, ra Se'e Ndioo ndito ―kàti Petu' chi'in ra.

Tutu Mate 17:5

Ta ora juuni yanga ndaa ma Petu' kà'an ra, tajan nūu ndio iin vikonu'u tacha, ta chīkonuu yi ndra, ta tañu ma vikó ikan, chīni ndra iin tati ña te'en kà'an: ―Ra'ya kùu ma Se'i, ra ya'a kùuni̱ nde'i, ta ya'a ga chìsii̱ chi'in ra. ¡Na kuni ndo ma ña kà'an ra! ―kàti Ndioo chi'in ndra.

Tutu Mate 26:63

Va Jesuu tàxiin kīndoo ra. Tajan te'en nāka'an tuku ma sutu ña kuxini nuu sutu chi'in Jesuu: ―Chi'in sivi ma Ndioo ndito, kà'in chi'un, ña na ka'un ma ña ndaa. Na ka'un, tuva ndicha ña kùu̱n ma Cristu, ra Se'e Ndioo ―kàti ra.

Tutu Mate 27:40

ta te'en kà'an na: ―Yo'o, ra kàtiun ña ni janduva ma veñu'u ka'nu, ta tichi uni kivi, ni kutaa ndikoun yi niku, na jakakun ñu̱n, juuni chi'in maun, ta nuu̱n ma nuu takaun nuu kruu, tuva ndicha ña ra Se'e Ndioo kùu̱n ―kàti na chi'in ra.

Tutu Mate 27:43

Vati tu ìyo tundeeni Ndioo chi'in ra, ña jakakú ma Ndioo ra, na jakakú ra ra vitin, tuva ndicha ña Ndioo kùuni ra nde'e ra ra. Ti juuni maa ra kā'an ra nuu yo, ña ra Se'e Ndioo kùu ra ―kàti ndra.

Tutu Mate 27:54

Takan kūu tajan ora ndē'e ma ra kùu capitán, chi'in ma ndra ka'ìin jàkuenda nuu tàkaa Jesuu, ña nduva'a ni'i tāan, ta inga tuku ma ña kūu, ta nduva'a yū'vi ndra, ta te'en nāka'an ndra: ―¡Ndicha kuii, ña ra Se'e Ndioo kūu ra'ya niku! ―kāti ndra.

Tutu Mate 3:17

Tajan ma iti' andivi chīni na iin tati ña te'en kà'an: ―Ra'ya kùu ma ra Se'i, ña ya'a kùuni̱ nde'i, ta ya'a chìsii̱ ña kùu ra takan. ―Takan kàti ma tati chīni na.

Tutu Mate 4:3

Tajan ma kui'na chajāyatin ndioán' ñá' nuu Jesuu kuenda ña ni ki'in ndioán' ku'va ra, ta te'en nāka'an ndioán' chi'in ra: ―Tu ndicha va'a ña ra Se'e Ndioo kùu̱n, na ka'un chi'in ma yuu ña ndoyo chiña, ña na ndakuu yi paan. ―Takan kàti ma kui'na chi'in ra.

Tutu Mate 4:6

ta te'en nāka'án' ndioán' chi'in ra: ―Tu ndicha ña ra Se'e Ndioo kùu̱n, na koyoun ma nda ninuu, vati nuu ma tutu Ndioo, te'en kà'an yi: Ndioo, ni tachi ra ma tati ña jà'a tiñu nuu ra, ña na jakuenda yi ñu̱n. Ma tati ikan kùu yi ña ni kani'i na ñu̱n, chi'in nda'a' na, ikan na töve takue'e cha'un jà'a nï'iin yuu ―kàti ma kui'na chi'in ra.

Tutu Mate 8:29

Tajan ndrakan te'en kīcha'a ndio ndra nda'yu ndra jà'a yi: ―¡Koto kï'viun chi'in ndi, yo'o Jesuu, ra Se'e Ndioo! ¿A vàchi jànde'un tundo'o ndi antea ña keta ma kivi ña ni jakutuni ma Racha'nu Ndioo kuati ndi? ―kàti ndra chi'in ra, jà'a ma tati xaan ikan.

Tutu Marku 1:1

I'ya kìcha'a tu'un va'a cha'a' Jesucristu, ra Se'e Ndioo.

Tutu Marku 1:11

Takan kūu ta chīni Jesuu ña nāka'an Ndioo nda andivi: ―Ndicha kuii, ña yo'o kùu se'i, ra kāchi̱n ña jàkuu tiñu nui, ti ya'a kùuni nde'i ñu̱n. ―Takan kāti Ndioo chi'in Jesuu.

Tutu Luka 1:35

Ta te'en nāka'an tuku ma tati ikan chi'an: ―Ma Tati Ií Ndioo, ni kichi yi nuu̱n, ta ma ndatu ma ra ìyo andivi ni koyo yi chataun takua kùu iin vati. Ta tava ya'a ií ma ra ni kàku ja'un, yakan va ni ka'an ma ñivi ña iin ra ya'a ií Se'e Ndioo kùu ra, ni kati na.

Tutu Luka 3:22

Tajan kōyo ma Tati Ií Ndioo chata Jesuu, ña kàa yi takua kàa iin livi, tajan chīni Jesuu iin tati ma Racha'nu Ndioo ña te'en kà'an yi chi'in ra nda iti' andivi: ―Yo'o kùu ma ra ya'a kùuni̱ nde'i, ti ra se'e mai kùu̱n. Ta ya'a sii kùuni̱ cha'a' yi.

Tutu Xuva 1:18

Ta nï'iin ñivi takä'an nde'e na ma Ndioo, ti uvanuuni ma ra Se'e Ndioo, ra endee ìyo chi'in ma Tatá ra, rakan kùu ra ña chà'a ra kuenda nuu yo naja kua kùu ma Tatá ra.

Tutu Xuva 1:49

Tajan ma Natanael te'en nāka'an tuku ra: ―Matru, ndicha kuii ña yo'o kùu ma ra Se'e Ndioo, ta juuniun kùu ma ra kùu Rey ra chà'nda tiñu ñuu Israel ―kàti ra.

Tutu Xuva 10:30

Vati ma Tatái, chi'in yu'u, iini ndra kùu ndi ―kàti Jesuu.

Tutu Xuva 10:36

Ta tu Ndioo kāchin ra yu'u kuenda ma tiñu ra, ta tāchi ra yu'u ma ñuñivi i'ya, töve chìtoi naja kà'an ndo ña kà'an ti'ini̱ chata ra, cha'a' ña kà'in ña Se'e Ndioo kùi, tuva takan.

Tutu Xuva 11:27

Ta yakan te'en nāka'an ña: ―Juu yo'o Racha'nu, yu'u chìnuni ña yo'o kuu ma Cristu ra Se'e Ndioo, ra kīchaa ma ñuñivi i'ya ―kàtian.

Tutu Xuva 19:7

Va ma ndian judíu te'en nāka'an na chi'in ra: ―Ndyu'u, ìyo iin tutu ley nuu ndi, ña kà'an yi, ña ìyo yi ña kuvi ra cha'a' ña jàndaku ra ra Se'e Ndioo.

Tutu Xuva 20:28

Tajan ma Tomá te'en nāka'an ra chi'in ra: ―¡Yo'o kùu ma Racha'nui, ta ma ra kùu Ndioi! ―kàti ma Tomá.

Tutu Xuva 20:31

Takan tāi nuu ma tutu i'ya, ikan na chinuni ndo ña Cristu kùu ma ra Se'e Ndioo. Ta tu chìnuni ndo ma ña kà'an ra, ni ni'i ndo nuu koo ndito ndo endeeni chi'in ra.

Tutu Xuva 6:69

Ta ndyu'u kīcha'a ndi chìnuni ndi, ta nàkoto ndi, ña yo'o kùu ma ra kùu Cristu, ra Se'e Ndioo ndito.

Tutu Romanu 1:4

Ta juuni cha'a' ma Jesucristu, jàna'a kachin ma Tati Ií Ndioo ña juu Jesucristu kùu ra Se'e Ndioo ti chi'in ndatu ma Tati Ií Ndioo jānataku ndiko Ndioo ra tañu ma ndian ndií.

Tutu Corintu Uvi 1:19

Vati taku yu'u, Silvanu, chi'in Timoteu, ña kùu ma ndra kàtitu'un tu'un Jesucristu ra se'e Ndioo tañu ndo, küu kà'an ndi “va'a” ta “vä'a'” iin tiempuni. Vati uvanuu ma tu'un ña kà'an ndi kuenda ra kùu yi ña “va'a”.

Tutu Hebreu 7:3

Ta ma Melquisedec töve yo chìto cha'a' ma tatá ra ni cha'a' ma ma'á ra ndia. Ta juuni töve yo chìto niyi kūu cha'a' ma ñivi ra, ndian chīyo taji'na ndia. Ta juuni töve yo chìto nda ora kāku ra chi'in ma ora chī'í ra ndia. Ta kùu ra iin sutu kuenda Ndioo endeeni. Ta cha'a' yakan, kùu ra iin xina'ñu ma se'e Ndioo.

Tutu Xuva Nunuu 2:23

Yakan va tandi'i ma ndian tüvi chìnuni tu'un ma ra Se'e Ndioo, kùuni yi ka'an yi ña ni ma tu'un Ndioo Tatá yo, na tüvi chìnuni na, tuva takan ndia. Va takua ma ndian kàtitu'un kachin nuu ma ñivi ña ndicha ña ma Racha'nu Jesucristu kùu ma ra Se'e Ndioo, ndiakan kùu ma ndian ìyo ndicha kuenda ma Ndioo Tatá yo.

Tutu Xuva Nunuu 3:8

Va takua ma ndian endee jà'a kuati ndiakan kùu na ñivi kui'na, vati takani cha ja'án' ma kuati ikan, antea ña koo ma nuu ñu'u' ñuñivi niku. Yakan va cha'a' yakán' kùu yi ña kīchi ma Jesucristu ra Se'e Ndioo kuenda ña na jandi'i ra tandi'i nuu ma ña jà'a ma kui'na.

Tutu Xuva Nunuu 4:9

Vati ma Racha'nu Ndioo kua ikan jāna'a ra nuu yo ña ya'a kùuni ra nde'e ra yo ora tāchi ra ma ra uvanuu ra kùu Se'e ra nuu ñu'u' ñuñivi i'ya, ikan na ku'va ra ma kivi koo ndito yo chi'in ra.

Tutu Xuva Nunuu 5:20

Ta juuni cha chìto yo ña kīchaa ma ra Se'e Ndioo nuu ñu'u' ñuñivi i'ya ta chā'a ra chinituni yo, ikan na nakoto yo ma Ndioo ndicha. Ta cha'a' yakan kùu yi ña indukuni ìyo yo chi'in ra, ta chi'in ma ra Se'e ra Jesucristu ndia. Yakan va ma rakan kùu ra ma Ndioo ndicha, vati chà'a ra nuu koo yo endeeni chi'in ra.

Tutu Xuva Uvi 1:9

Ta ndian tiso tiaga siki ña jà'ani na ña kà'an na ma tu'un ña jāna'a Cristu nuu yo, kùuni yi ka'an yi ña na tüva ìyo ma Racha'nu Ndioo chi'in na tuva kua ikan jà'a na. Vati tu endee kuà'an yo iti' ra takua jàna'a ma Racha'nu Cristu, kùuni yi ka'an yi ña ìyo ma Ndioo Tatá yo chi'in yo, ta juuni ìyo ma Racha'nu Se'e ra chi'in yo ndia.

Tutu Apocalipsis 2:18

Jesuu te'en kà'an ga ra chi'in Xuva: ―Na taun te'en nuu ma ra kùu tatun Ndioo ña kà'an kuenda ra ña ìyo ma veñu'u ndaa ma ñuu Tiatira. “Ta te'en kà'an ma ra Se'e Ndioo, ra kàa tinuu takua kàa ma yaa ñu'ú, ta cha'a ra ña kua'á takua kàa ma kaa bronce ma ora kàyu yi tichi hornu: