Tutu Xuva 1:27 - El Nuevo Testamento en Mixtec Santa María Zacatepeco

²⁷ ta rakan vàchi ra tiaga iti' nuu. Ta kuendai ti iin ra tüvi iñu'u kùi vaji na ndachi̱ ma ndichan indii cha'a ra, ti nduva'a kuii ka'nu ga ra ta ìyo ga ndatu ra kua yu'u ―kàti ra.

Tutu Xuva 1:27 Iomraidhean Croise

Tutu Mate 3:11

Ndicha va'a, ña yu'u jàkundutai ndo chi'in takuini, kuenda ña na jana'a yi, ña cha jāña ndo ma kuati jà'a ndo. Va inga ma ra ni kichi tia iti' nuu, ni jakunduta ra ndo chi'in sivi ma Tati Ií Ndioo, ta chi'in ñu'ú. Rakan kùu ma ra nduva'a ga ìyo ndatu kua yu'u, ña ni töve ìyo yi ña kuisoi, ni ma ndichan ra.

Tutu Marku 1:7

Takan kūu ta te'en jàkoto ndio ra ma ñivi, ña kā'an Ndioo chi'in ra: ―Tiá iti' chatai, ni kichi iin ra ka'nu ga ta ndatu ra tiaga kua yu'u. Ta yu'u, ti ra nda'vini kùi, ña ni ñii ndikun ndichan ra ni yakan tüvi ìyo yi ña ndachi̱.

Tutu Luka 3:16

Va Xuva te'en nāka'an ra chi'in tandi'i ma ñivi ka'ìin ma ikan: ―Taku yu'u ndicha va'a ña jàkundutai ndo chi'in takuini, va ni kichaa inga ra ña ni jakunduta ndo chi'in Tati Ií Ndioo, ta chi'in ñu'ú. Ta rakan ìyoga ndatu ra kua yu'u, ña ni korrea ndikun ndichan ra tüvi ìyo yi ña ndachi yi.

Tutu Xuva 1:15

Tajan te'en kātitu'un ndio ma Xuva nuu ma ñivi cha'a' ra: ―Ra'ya kùu ma ra kā'in ña ni kichi tiá iti' nuu, ma ora kātitu'in nuu ndo ña ni kichi iin ra ka'nuga kua yu'u. Vati takani cha ìyo ra ora kētai ma ñuñivi i'ya ―kàti ra.

Tutu Xuva 1:30

Ta cha'a' rakan kùu yi ña kā'in ora nātu'in chi'in ndo te'en: “Tiaga iti' nuu vàchi inga ra ka'nu ga kua yu'u, vati takani ìyo ra ora kēta yu'u.”

Tutu Xuva 10:41

Ta kua'a' ñivi, ña chā'an chānde'e ra ma ikan, te'en kīcha'a na kà'an na: ―Ndicha va'a ña vaji ma Xuva, töve nī ja'a ra nï'iin ndatu ka'nu, va tandi'i ma ña kā'an ra cha'a' ra'ya, ña ndicha kùu yi.

Tutu Hechos 13:25

Yakan va ora chani kūu Xuva tiñu ña chā'a Ndioo nuu ra, ta kāti ra nuu ma ñivi ña yüvi ra Cristu kùu ra takua chànini na. Ta juuni kā'an ra: “Ti ma ra kùu Cristu, ni kichi ra tiá iti' nuu. Ta kuenda ra, ti iin ra tüvi iñu'u kùi, vaji na ndachi̱ ma ndichan indii cha'a ra, ti nduva'a kuii ka'nu ga ra ta ìyo ga ndatu ra kua yu'u”, kāti Xuva.

Tutu Hechos 19:4

Tajan te'en nāka'an tuku Paulu chi'in na: ―Va Xuva jākunduta ra ndisaa ndian jāña ña jà'a kuati, ta chīkoni'i ndiko na kuà'an na iti' Ndiooni. Va juuni kātitu'un Xuva nuu ndo ña na chinuni ndo tu'un ma Racha'nu ña vàchi iti' chata ra, vati rakan kùu Jesuu. ―Takan kàti Paulu chi'in na.