Matiyu 9:2 - Mahou

² Mɔɔn lɔ́ lúu nan cɛ lɔ́ lé a saala, o cɛ ó sé ŋólu tɛ́wɛɛ fáa a man. O yaangalotɔ ó lánin ndɛ́ɛ gbasa o ka. Ɛnza ŋé a yé kó ó mɔɔn ólu wɛɛ lá ale la mínngɛ, aa fɔ kuugba ó yɛ kó: «Nyénjɛ i lɔ́ja, i yɛ́ yúumu ólu wɛ́ɛ yafa i mán!»

Matiyu 9:2 Iomraidhean Croise

Matiyu 14:27

Ɛnza ŋé fɔ i yɛ o ywáaninngee ŋo lɔ kó: «Áa í lɔ́ja! Né lée wé, a kɛ́nan sháan!»

Matiyu 4:24

A tɔ́ɔ é lá Sili yamaan o ywáa bɛ́ ka. Yangalo bɛ́suu tɛ́ɛ mɔɔn mínnu la, ii táa o mɔɔn ó bɛ́ lé a saala: Lámansayoo ndɛ́ɛ mɔɔn mínnu fɛ́ óni benzhaayatɔ ólu ní mɔɔn mínnu sé ndɛ́wɛɛ fáa i man, Ɛnza ŋé i lákɛɛnya.

Matiyu 6:12

Án yúumu ólu mánkoto, óyoo mín núu yúumu kɛ́la án nan, án ni olu mánkotola tɛ́nmɛn.

Matiyu 8:10

Ɛnza ŋé o dhyáa ŋólu myɛ́n mínngɛ, aa káwakoya, tó aa fɔ a fongamaa olu yɛ kó: «Tó ní fɔ a yɛ́ tínɲan la ngó, né mán mɔɔn yé Izalayɛli mɔɔn olu lɔ bhá mín nanin ŋé né la kɛ tínmin cɛ míin nga.

Matiyu 8:16

Ywáa óo sé mínngɛ, mɔɔn ólu nan lámansayoondɔ shɛ́ɛman ne Ɛnza ɲɛn. Aa lámansa yóo ŋólu gbɛ́ i fɛ́ a kómankan ŋo la, tó kɛ yaangalotɔ ó bɛ́ lákɛɛnya.

Matiyu 9:22

Ɛnza ŋé í kwɔ́ yɛ́ɛman, a ɲan é lá muso ó ka, tó aa fɔ a yɛ kó: «Í kɛ́nan sháan, nyémuso! Í lɔ́ja, i yɛ́ lánanya ó wɛ́ɛ í lákɛɛnya.» O wáati kée ŋó lɔ, muso óo kɛ́ɛnya.

Matiyu 9:5

A fɔ ó kó: ‹I yɛ́ yúumu ólu wɛ́ɛ yafa,› wáman kɛ́ fɔ a yɛ́ kó: ‹I wíi kɛ́ táamankɛ,› o kóman fyáa ó lɔ́, a mínnɛɛn lé fɔ a dí?

Matiyu 9:6

Waa ní fɛ́ ké aa lɔ kó sé é mɔɔn Dhyénjɛ ó yɛ kɛ́ mɔɔn yɛ́ yúumu ó yafa kɛ́ tó dínɲan lɔ́.» O lɔ, aa fɔ kuugba ó yɛ́ o lɔ kó: «Ní fɔ́la i yɛ́, í wíi kɛ́ í yɛ́ gbasa ó tá kɛ́ táa lúman.»

Maki 1:32

Ywáa oo sé mínngɛ, teekun ŋóo bénin ngwɔ́, mɔɔn olu nan yangalotɔ olu ní lámansayoondɔ ólu lé a saala.

Maki 10:49

Ɛnza ŋé í lɔ́ kɛ fɔ kó: «Áa a kíi.» Mɔɔn ólu fyóondɔ o kíi kɛ táa fɔ lé a yɛ kó: «Í yóso swáanya, i lɔ́ja, í wíi, aa í kíila.»

Maki 5:34

Ɛnza ŋé fɔ a yɛ kó: «Ndhyémuso, í yɛ́ lánanya ó wɛ́ɛ í lákɛɛnya, táa hɛ́lɛ lɔ́, ké o a kɛ í yɛ́ díin ŋo nɔ́ɔnyanin ne.»

Maki 6:50

Kɛ mansɔɔ í bɛ́ ɲán tɛ́ɛ a lá, ii sháan koyoongɛ, o ywáaninngee ŋo lɔ, aa kóman i yɛ aa fɔ i yɛ kó: «Áa í lɔ́ja! Né lée wé, a kɛ́nan sháan.»

Yaya 16:33

Ní ó fɔ a yɛ́ ké áa tó ni né lé kɛ́ hɛ́lɛ sɔ́ɔ. Kɛ a tó dínɲan lɔ, nílafin née a ka, wáa áa í lɔ́ja, né wɛ́ɛ sé sɔ́ɔ dínɲan ka kɛ́ bhá.»

Yaya 2:25

Kɛ mansɔɔ a manko tɛ́ tɛ a lá ké mɔɔn ólu yɛ kó ó ɲánfɔ a yɛ́, kɛ mansɔɔ aa Adamandhye óni a kɔ́ɔnnɔnko ó bɛ́ lɔ.

Yaya 21:5

Ɛnza ŋé fɔ í yɛ́ kó: «Ée! Káwee ŋólu, yɔ́ɔ é a bhóo a?» Íi a yawi kó: «Ɔn-ɔn.»

Kɛ́wɛɛ 14:9

O cɛ ó tóo mánlɔnin ndɛ́ɛ Pɔli kómankan ŋó lɔ. Pɔli é i ɲán gbáan a lɔ́, kɛ́ yé óo lánanya míin cɛ ó la, óo sé kɛ a lákɛɛnya.

Kɛ́wɛɛ 19:12

Háanin faaninguun ŋóni yala mínnu tɛ́ɛ túula Pɔli fasi o la, i tɛ́ɛ táa o lála yangalobhaatɔ ólu ká; tó ólu tɛ́ɛ kɛ́ɛnya, lámansayoondɔ ólu yɛ jínan ŋólu tɛ́ɛ bhɔ́ i fɛ.

Kɛ́wɛɛ 23:11

O sú o lɔ, Mantii o i lɔ́ Pɔli tɔ́ɔfɛ kɛ fɔ́ kó: «Í yóso lágbɛya; ii né sɛ́ɛya ládi ɲán mín man Yeluzalɛmu, í kákan kɛ́ ne sɛ́ɛya ládi o ɲán kée ŋó le mán Lɔmu.»