Matiyu 6:2 - Mahou

² Í kɛ́ kɛ́ yáa o bhɔ́la faannda ŋólu la, í kɛ́nan kɛ ké mɔɔn olu ɲán o a lá í ká, óyoo fyáangafo ólu o kɛla tɛ́nmɛn sɛ́ɛbho ŋólu ní yamanywaa olu lɔ. Ii o kɛ́la lé ké mɔɔn ólu a i tando. Tó ní fɔ a yɛ́ tínɲan in ne ngó í wɛɛ wɛɛ í ta tɔɔn ó sɔ́ɔla.

Matiyu 6:2 Iomraidhean Croise

Matiyu 15:7

A fyáangafo ólu! Jó gbú le tɛ́ɛ céla Ezayi fɛ́ a láse ó lɔ́ a tá fa nvɛ́ kó

Matiyu 16:3

Tó a kɛ́ sámanlaa ó mánywɛnin ɲé sɔɔ mán, áa fɔ kó: ‹Sá ɲáa nan bí, fwɛ́ɛn ló ɲáan bhyáa, kɛ mansɔɔ sámanlaa óo táa í mánfin ne.› Áa sháa sámanlaa ó kó ólu ɲánfɔla, wáa tɔɔmansii mínnu é yáala wáati míin nú lɔ, a tɛ sháa olu ɲánfɔla!

Matiyu 22:18

Wáa aa kɛ́ mínngɛ óo Ɛnza ndɛ́ɛ bhɔ́la i miliya yóo ŋó kɛ́laman, aa fɔ i yɛ kó: «Ále fyáangafo ólu! Mínnɛɛn lé kósɔn tó áa nɔ́swaannan?

Matiyu 23:5

Ii kɛwɛli o bɛ́ kɛla lé ké mɔɔn ŋolu a i lasaa. O lé kósɔn, sɛ́wɛ mín ŋé kɛ́la ilee lú ce nan, óni i bhóola, o bwóɲannin née kɛ́la mɔɔn tɔ́ o bɛ́ tá le. O kwɔ, ii mansiife nzháayala i ta deekeba ólu man lé.

Matiyu 23:6

Siilaa bhɛ́ɛ mín núu kɛ́la ɲɛ́nnzhaafɛ, o lée lú dhyáa é kɛ́la i lɔ lɔ́minkɛlaa ólu lɔ, óni sɛ́ɛbho ŋólu la.

Matiyu 24:51

A yáa o bháalakɛdhye ŋó bhɔ́ yé kɛ́ a tɔ́lɔ fyáangafo ólu tɔ́lɔseɲan ó lá, olu kasi kɛ́la yénɔn ké i dinmisaninmba ó yé.»

Matiyu 5:18

Tó ní fɔ a yɛ́ tínɲan in ne ngó: Sannin sángboo óni lúukolo ó a tínmin, sɛ́wɛdhye nvítiinin wáman dhyaa nvítiinin nzí táa bhɔ́ tɔ́ ŋólu lɔ́kan ŋólu la. Fɔ tɔ́ ŋólu lɔ́kan ŋó a kɛ́ lé.

Matiyu 6:16

«A kɛ́ kɛ́ sún nɔn, a kɛ́nan a ɲán lɔkuun óyoo fyáangafo ólu kɛla tɛ́nmɛnne, olu i yɛ́ɛ lábhyaala lé ké bɛ́ a lɔ ŋóo ii sún nɔn. Tó ní fɔ a yɛ́ tínɲan in ne ngó, ilee wɛ́ɛ wɛɛ i ta tɔɔn ó sɔ́ɔla.

Matiyu 6:3

Wáa ni í kɛ́ kɛ́ yáa ó bhɔ́la faannda ŋo lá í bhóobhɛɛ ó la, í bhóonwaan ŋo mánngan kɛ kósɔɔ o lɔ.

Matiyu 6:5

«Ni í kɛ́ kɛ́ í sɛ́ɛla, a kɛ́nan kɛ óo fyáangafo ólu: Olu kɛ́ kɛ́ í lɔ́la sɔ kɛ í sɛ́ɛ, yɛ́ɛ yáa o lé a dí i yɛ sɛ́ɛbho ŋólu ní sókɔɔnnɔn sháafaa né a ólu ka. Tó ní fɔ a yɛ́ tínɲan in ne ngó í wɛɛ wɛɛ í ta tɔɔn ó sɔ́ɔla.

Matiyu 7:5

Fyáangafo ó, lɔɔguun mín ŋé í tá ɲán ó mán, o bhɔ́ ótun. O lɔ, i yáa yéli kɛ́ cɛ́ɛne, kɛ́ tíkoo ó bhɔ́ i bhádhye ŋó ɲán o mán.

Maki 12:39

Siilaa bhɛ́ɛ mín núu kála ɲɛ́nnzhaafɛ, o léelu dhyáa é kála i lɔ sɛ́ɛbho o la óni lɔ́minkɛlaa ólu lɔ,

Maki 7:6

Aa i yawi kó: «Céla Ezayi é célaya mínngɛ a ka, a jó lé tɛ́ɛ a mán, fyáangafo ólu. Aa sɛwɛnin ɲé kó Ala tɛ́ɛ fɔ́la kó: mɔɔn míinnu bwóɲanla í lá lɔ́ lé, wáa i yóso o ywáa a já nán.

Luka 11:41

Aa yóoɲan ó bhɔ́ a yóso ó lɔ, kɛ faannda ŋólu sɔ, a yɛ kó o bɛ́ yáa sɛ́nnɛnya.

Luka 11:43

Bɔɔn yáa álee Falizɛn ŋólu sɔɔ, kɛ mansɔɔ sɛ́ɛbho ŋólu kɔɔnnɔn, siilaabhɛɛ ó láa dí álee lú yɛ. Mɔɔn tɔ ólu kɛ kɛ́ a fola bhɛ́ɛsili bhóo mán yaman ywáa ólu lɔ o léelu dhyáa é kɛ́la a lɔ.

Luka 12:33

Áa a bhóofe ŋólu fele kɛ a wɛ́ɛ ó lɔ́taa faannda ŋólu la. Nanfoo míin Ala fɛ sángboo ó lɔ, aa ó ɲíin. O nanfoo ó táa cáan yé, só ndɛ́ séla yé, bháabhaa tɛ́ séla yé.

Luka 12:56

Álee fyáangafo ólu! Áa sé kɛ lúukolo óni sángboo o mánfɛɛ kɛ bhɔ́ wáati o ɲánle. Mínnɛɛn le kósɔn ko mínnuu kɛ́la a cɛ́man wáati míin nɔn, a tɛ́ bhɔ́la ólu ɲánle?»

Luka 13:15

Mantii ó a yawi kó: «Álee fyáangafo le lé! A bɛ́ kée ngéenan tɛ́ a yɛ nisi ó, wáman a yɛ sofɛɛnin ŋó fwéenan kɛ́ táa i sɔ jí lá lɔnwɛɛnlilo ŋó la a?

Luka 20:46

«Áa a yɛ́ɛkɔɔsi sɛliya kaamɔɔn ólu mán, deekeba ló ŋó lé a dí i yɛ kɛ í yáala, íi fɛ ké mɔɔn tɔ ólu a kɛ́ i fola yamanywaa ólu lɔ, óni sɛ́ɛbho ŋó kɔ́ɔnnɔn, ɲɛ́nnzhaafɛ síilaa ó lée lu a dí i yɛ, sɛ́ɛbho ŋólu ní lɔ́minkɛlaa ólu lɔ.

Luka 6:24

Wáa bɔɔn o ale nanfootii ólu tá lé, kɛ mansɔɔ ale wɛ́ɛ a yɛ́ heeyɔɔ ó sɔ́ɔ kɛ́ bhá.

Luka 6:42

I lo ŋé sé kɛ́ fɔ i bhádhye ŋó yɛ́ dí lé kó: ‹Bhádhye, i lɔ́ ké tíkoo mín ŋé í ɲán mán, ké ní o bhɔ́ a man. Kɛ́ɛ ké lɔɔguun mín ŋé í tá ó mán, i tɛ́ ó yéla.› Fyáangafo o, lɔ́ɔguun mín ŋé í tá ó mán, o bhɔ́ ótun. O lɔ, i yáa yéli kɛ́ cɛ́ɛne, kɛ́ tíkoo ó bhɔ́ i bhádhye ŋó ɲán ó mán.»

Yaya 13:29

Lɔ́lu tɛ́ɛ í milila kó Ɛnza ŋé fɔ́la Zudasi yɛ́ lé kó aa i mankoyafe nɔ sa fɛ́ti ó kanman, wáman kó aa táa fé nɔ dí Fáannda ŋólu mán, kɛ mansɔɔ ale lé tɛ́ɛ i yɛ́ wɛ́ɛmalabhaa ó lé.

Yaya 5:41

Né yɛ́ kunnanwee ó sɔ́ɔ ó, o mán bhɔ́ Adamandhye ŋólu fɛ́.

Yaya 5:44

Áa sé kɛ lá né lá dí lé? Ále min núu a yɛ́ kunnanwee ŋó sɔ́ɔla Adamandhye ŋólu fɛ́, sannin áa ó ɲíin Ala kée nvɛ́.

Yaya 7:18

Mɔɔn míin ŋé á yɛ́ɛ kó fɔ́la, óo a gbú tándolaa lé ɲíinnan. Waa míin a cébhaa ó kó fɔ́la, ké bwóɲan a lá o ka, ó lée tinɲanfɔbhaa o lé, nánmaan fósi tɛ́ ó tíi o yɛ kóman ólu lɔ́.

Kɛ́wɛɛ 10:2

Cɛ míin wé, ale ni a yɛ́ bhónanbhaa ólu bɛ́ tɛ́ɛ Ala bwóɲanla, óni Ala ɲɛ́nnzhaanɲan mɔɔn le tɛ́ɛ ale, a tɛɛ kóɲwaan shɛ́ɛman ngɛ́la faannda ŋólu yɛ́, a tɛ́ɛ Ala dɛ́lila wáati bɛ́.

Kɛ́wɛɛ 10:31

Aa fɔ ne yɛ kó: ‹Kɔɔnɛyi, Ala wɛ́ɛ i yɛ sɛ́ɛ o yawi, ii dhyɛ́manli mín ngɛ́ dɛ́sɛbhaatɔ olu yɛ Ala é i milila o la.

Kɛ́wɛɛ 10:4

Kɔɔnɛyi é i ɲán gbáan malɛɛka o lɔ, aa sháan kóyoongɛ, aa a yawi kó: «Mínnɛɛn lée wé, Mantii o?» Malɛɛka óo a yawi kó: «Ala wɛ́ɛ sɔ́n i yɛ sɛ́ɛ olu, óni í wɛ́ɛ dhyɛ́manli mínnu kɛ faannda ŋólu yɛ, olu wɛ́ɛ yɛ́ɛ Ala saala. A hákii é i lɔ́.

Kɛ́wɛɛ 11:29

O lɔ, kaamɔɔndhye ŋólu hákii dí ɲɔ́ɔnman kɛ í bhóo bhyáa ɲɔ́ɔn ngá mín nzé é kɛ min ne, kɛ o bhyáa ɲɔ́ɔn ngá, kɛ o látaa bhádhye ŋólu man Zude, kɛ i lɔdhyɛman.

Kɛ́wɛɛ 24:17

Sanji shɛ́ɛman tínminnin ngwɔ, ni ngwɔ́sɛɛ kɛ nan kóɲwaan lu kɛ ɲɛn yamaan o lɔ, óni kɛ Ala sɔ.

Kɛ́wɛɛ 9:36

Kaamɔɔndhye musoman nɔ́ tɛ́ɛ kaamɔɔndhye ŋólu cɛ́man Zope, a tɔ́ɔ kó Tabita, gɛlɛkikan ŋó lɔ, kó tɔ́ɔ ko Dɔɔkasi, aa kóbhɛɛ shɛ́ɛman ngɛ́, óni kɛ fáannda ŋólu lɔ dhyɛman.

1 Tesalonikika olu 2:6

Án man bwóɲan ɲiin mɔɔn sí fɛ, álee fɛ́ wáman mɔɔn gbɛ́ɛlu fɛ́.

1 Timote 6:18

A fɔ i yɛ ko íi kóbhɛɛ kɛ, i yɛ nanfootiiya o á kɛ́ kóbhɛɛ kɛ o le, i lɔ bhyɛnin ŋán kɛ kɛ mɔɔn olu lɔdhyɛman, kɛ i bhóofe ŋolu lɔtaa ni mɔɔn tɔ olu lé.

Filemɔn 1:7

Mádhye ŋo, í yɛ́ dhyáaɲɔɔnya o wɛ́ɛ né nísɔdhyaa shɛ́ɛman ne óni kɛ faan dí mán, kɛ mansɔɔ mɔɔn sɛ́nnɛnyanin ŋolu yóso wɛ́ɛ swáanya í le kósɔn.