Matiyu 5:3 - Mahou

³ «Mɔɔn mínnu a lɔ ŋóo íi faannda né i yóso o lɔ, olu yeemanfanin ɲé, kɛ mansɔɔ í yáa sángboo ó Mansaya o sɔ́ɔ!

Matiyu 5:3 Iomraidhean Croise

Matiyu 11:25

O wáati o lɔ, Ɛnza ŋé fɔ kó: «ní bálika bhɔ́la i yɛ́ Nvá, sángboo óni lúukolo ó tíi ó, kɛ mansɔɔ, í wɛ́ɛ kó mínnu lóonaankɛ lɔnikɛbhaa ólu ní hákiiman ŋólu mán, í wɛ́ɛ ólu lá gbɛ́ lá dhyémuu ólu yɛ.

Matiyu 11:6

Mɔɔn mín man í bá ne a lánanya ó lɔ́, o tíi ó yeemanfanin ɲé.»

Matiyu 13:16

Wáa a lé ɲán ólu nisɔdhyaa lɔ́, kɛ mansɔɔ aa yéli kɛla, óni a tóo ólu myɛ́nnin kɛla.

Matiyu 19:14

Oo kɛ́ mínngɛ Ɛnza ŋé fɔ kó: «Áa dhyémuu ólu tó yé ké ii nan ne mán, a kɛ́nan í síi i ɲan lɔ. Kɛ mansɔɔ mɔɔn mín núu óyoo dhyémuu míinnu sángboo ó Mansaya ó ólu ta le le.»

Matiyu 24:46

Yeemanfa yáa kɛ́ o bháalakɛdhye ŋo yɛ ni a kunndii o kɛ́nan a sɔɔ o bháala olu kɛ́la.

Matiyu 25:34

Mɔɔn mínnu káa kɛ́ a bhóobhɛɛkɔɔ, mansacɛ ó yáa fɔ olu yɛ kó: ‹Nvá Ala wɛ́ɛ hɛ́lɛ kɛ́ ále mínnu yɛ, áa nan lo Mansaya o lɔ! Ala é o lɔ́bhyɛ a yɛ́ dínɲan lámyaan wáati o lé lɔ.

Matiyu 3:2

«Áa a yóo ólu yɛ́ɛman, kɛ mansɔɔ sángboo ó Mansaya ó lángɛɛnman wáati o wɛ́ɛ bhyáa sé le!»

Matiyu 8:11

Aa céne, kíyamanwiilo ŋo kɛ́ bhɔ́ í lá, dínɲan ó fa mbɛ́ mɔɔn shɛ́ɛman ɲáan Ala yɛ́ Mansaya ó hɛ́lɛ o sɔ́ɔ, tó ilee ní Bulaaman ni Shaaka ní Yangubha lúu lɔ́min kɛ́ kéene ɛliyanan o lɔ.

Maki 10:14

Ɛnza ŋé o yé mínngɛ, o mán dhyáa a yɛ. Aa fɔ a yɛ kaamɔɔndhye ŋolu yɛ kó: «Áa dhyémuu ólu tó yé ké ii nan né mán, a kɛ́nan í síi i ɲan lɔ. Kɛ mansɔɔ mɔɔn mínnuu óyoo dhyémuu míinnu Ala yɛ́ Mansaya ó ólu ta le.

Luka 11:28

Wáa Ɛnza ŋé a yawi kó: «Mɔɔn mín ŋé Ala yɛ kóman ó lɔ́myɛnnan, kɛ́ a lá bháto, o lé yeemanfanin ɲé.»

Luka 18:14

Ɛnza ŋé fɔ kó: «A tó ké ní fɔ a yɛ ngó Ala é nísɔɔnmyaanbhaa ó yacesii mɔɔnteenin ne sannin aa í kwɔ́sɛɛ lúman. Wáa a mán Falizɛn ŋó yacesii mɔɔnteenin ne, kɛ mansɔɔ mɔɔn óo mɔɔn kɛ́ a yɛ́ɛ lɔ́bwoɲan, o tíi ó yáa i manyii, wáa mɔɔn óo mɔɔn kɛ́ a yɛ́ɛ mányii, Ala yáa ó tíi ó bwóɲan.»

Luka 22:29

O lé kósɔn, né Fá é Mansaya ó dí né mán ɲán mín mán, née sé a dila a léelu mán cé,

Luka 22:30

ké aa lɔ́minkɛ óni kɛ mínnin kɛ́ ni né le ɲɛ́n Mansaya ó lɔ, óni kɛ́ í síi mansayagbaanin ŋó ka kɛ Izalayɛli síya tá ni fyáa ó yɛ́ kíti ó tɛ́ɛ.»

Luka 4:18

«Mantii ó yɛ́ Ní ó né fɛ́, kɛ mansɔɔ a wɛ́ɛ né múun kɛ sanmankanmɛɛ ó fɔ faannda ŋólu yɛ. Aa né cé kó ní a fɔ yɔ ŋólu yɛ́ kó i yáa hɔ́lɔɲan, kó ní a fɔ fyóondɔ ólu yɛ́ kó i ɲán ó yáa i láka, kó ní mɔɔntɔlɔnin ŋólu bhɔ́ i yúu ólu bhóo kɛ́ i bhyáa.

Yaya 20:29

Ɛnza ŋé fɔ a yɛ́ kó: «I wɛ́ɛ né yé, o lé kósɔn í wɛ́ɛ lá a lá. Mɔɔn mínnu mán né yé, óni í wɛ́ɛ la né lá, nisɔdhyaa é ólu yɛ.»