Matiyu 24:3 - Mahou

³ Ɛnza ŋé táa í síi Olivyetii ó ka mínngɛ. A yɛ kaamɔɔndhye ŋolu í mángbaa a lá kɛ a manɲaankɛ í kéenan tá kó: «Kaamɔɔn, íi kó mín nvɔ sɛ́n wé, o káa kɛ́ wáati mínnɛɛn lé lɔ? Í tá kwɔsɛɛsan óni dínɲan ó lábhanzan o tɔɔmansii o káa kɛ́ mínnɛɛn ní mínnɛɛn lu le?»

Matiyu 24:3 Iomraidhean Croise

Matiyu 13:36

Ɛnza ŋé yaman o mánkɛnin ndo kɛ táa bhó ŋó la. A yɛ kaamɔɔndhye ŋolu í mángbaa a lá kɛ fɔ a yɛ kó: «Saanan mín ŋé bínɲoo ŋó ka, o kɔ́ɔ o fɔ́ án ɲɛn.»

Matiyu 13:49

A káa kɛ́ céne dínɲan lábha ŋo la: Malɛɛka olu yáa nan mɔɔn téenin ŋólu ní mɔɔn yóo ŋólu bhɔ́ ɲɔ́ɔnnga,

Matiyu 15:12

A yɛ kaamɔɔndhye ŋolu í mángbaa a lá kɛ fɔ a yɛ kó: «Íi lɔ ŋóo í yɛ́ kóman míin ŋwɛ́ɛn díin Falizɛn ŋolu la a?»

Matiyu 16:27

Mɔɔn Dhyénjɛ, óni a yɛ malɛɛka olu yáa nan a Fá Ala yɛ nɔ́lɔya ó lɔ, tó kɛ mɔɔn bɛ́ kée ngéenan saa o di kɛ kéeɲan ni i kɛ́ko olu le.

Matiyu 16:28

Tó ní fɔ a yɛ́ tínɲan la ngó: Mɔɔn mín núu yánun nín, o lɔ́lu yɛ́ɛ táa sayakɛ sánnin mɔɔn Dhyénjɛ ó a nan a yɛ́ mansaya ó lɔ.»

Matiyu 17:19

Kaamɔɔndhye ŋolu í mángbaa o lé lɔ́ Ɛnza nán í kéenan kɛ a manɲaankɛ kó: «Mínnɛɛn kósɔn án nee mán sé o lámansa yóo ŋó gbɛnan?»

Matiyu 21:1

Ii gbaa mínngɛ Yeluzalɛmu la ké i wɛɛ lo Olivyetii óni Bɛtifaze tɔ́ɔfɛ, Ɛnza ŋé kaamɔɔndhye ŋo fyáa bhyáashaa.

Matiyu 24:27

Tínɲan sá ŋó í bhóo lábhɔ kɔ́ɔ ŋóni teebe ŋo lɔ tɛ́nmɛn ne, mɔɔn Dhyénjɛ o káa nan o ɲán o lé mán.

Matiyu 24:30

«O kɛ́ kɛ́ o lɔ, mɔɔn Dhyénjɛ ó, tɔɔmansii mín ŋé o nánko fɔ́la, o kó ó yáa yé sángboo o lɔ, tó síya súu súu é lúukolo ó ka, olu yáa kásikɛ. I bɛ́ yáa Mɔɔn Dhyénjɛ ó nántɔ ó yé káwa ólu ka ni sébhaayaba óni nɔ́lɔyaba ó le.

Matiyu 24:37

Kó míin kɛ́ Nuwo yɛ́ tée ó lɔ, o ɲɔ́ɔn ɲáan kɛ́ íkwɔ mɔɔn Dhyénjɛ nan wáati ó lɔ:

Matiyu 24:39

I mán sówi fósi mán, fɔ sámba óo bé lo mínnan kɛ mɔɔn bɛ́ látuun. Mɔɔn Dhyénjɛ ó, ó nánlo ŋó káa kɛ́ céne íkwɔ.

Matiyu 24:43

Aa lɔ kó ní bhóndii ó tɛ́ɛ kɛ́ so ŋó nánwaati lɔnan, a tɛɛnan tó í ɲánla ké so ŋó kɛ́nan ló a bhóo bhónan.

Matiyu 28:20

ŋwɛ́ɛn kó óo kó láse a mán wé, áa i kála o bɛ́ la ké ii o bɛ́ sháa lataaman. Né kwɛ́ɛn nin ŋé a fɛ lé wé ló ŋóo ló, sánnin dínɲan lábha ŋó cɛ.»

Luka 21:7

Ii Ɛnza mánɲaankɛ kó: «Kaamɔɔn, o kó ólu káa kɛ́ wáati mínnɛɛn lé lɔ? O tɔɔmansii ó káa kɛ́ mínnɛɛn le kɛ yáa kó a wáati ó wɛ́ɛ sé?»

Kɛ́wɛɛ 1:7

Ɛnza ŋé i yawi kó: «Fá o wáati mín nzíi, óni aa sán min nátɛɛ ni a gbú fáan o le, á tá fóyi tɛ́ o wáati o lɔ́ ŋo lɔ.