Luka 4:1 - Mahou

¹ Ɛnza nvánin ndɛ́ɛ Ní Sɛnnɛnyanin ŋó lá. Aa bhɔ́ Zuludɛn bháji lá ó lá kɛ́ táa dhyɛ́ o lɔ́. Ní Sɛnnɛnyanin ŋóo táa a lé.

Luka 4:1 Iomraidhean Croise

Matiyu 3:16

Ɛnza ŋé wɛɛ bátize lá, áa bhɔ́ jí ó lɔ tɛ́nmɛn. O wáati kée ŋó lɔ, sángboo óo í lá láka, tó aa Ala yɛ́ Ní sɛnnɛnyanin o yé yíila óyoo biinin ngɛ kɛ́nan í síi a ka.

Luka 2:27

Ní Sɛnnɛnyanin ŋó yɛ́ sébhaaya ó lée kɛ́ tó Simeɔn é táa Ala bhatobhomba ó kɔɔnnɔn o wáati o lɔ. Ɛnza ŋwóobhaa ni a facɛ é táa ni a lé ó ywáa ó lɔ́ kɛ́ a kɛ́ɛfa Ala mán, óni kɛ ó fáanlɛɛ ólu bhɔ́ kɛ́ kéeɲan ni sɛliya ó lé.

Luka 3:3

O lɔ, Yaya Bátizelikɛbhaa é Zuludɛn bháji ó lafɛ só ólu bɛ́ yáala kɛ́ á láse mɔɔn olu man kó íi díminsa kɛ́ fala í yɛ́ kóyoo ŋólu la kɛ́ bátize ké í yɛ́ yúumu ólu a yafa i man.

Luka 3:38

Kenan é Enɔsi dhyé né le, Enɔsi é Sɛti dhyé né le, Sɛti é Adaman dhyé né le, Adaman é Ala dhyé né le.

Luka 4:14

Ɛnza nvánin ŋó Ní Sɛnnɛnyanin ŋó yɛ́ sébhaaya ó lá áa í kwɔ́sɛɛ kɛ́ táa Galile mala ó lɔ́. A tɔ́ɔ é bhɔ́ o mala o ywáa ó bɛ́ lɔ́.

Luka 4:18

«Mantii ó yɛ́ Ní ó né fɛ́, kɛ mansɔɔ a wɛ́ɛ né múun kɛ sanmankanmɛɛ ó fɔ faannda ŋólu yɛ. Aa né cé kó ní a fɔ yɔ ŋólu yɛ́ kó i yáa hɔ́lɔɲan, kó ní a fɔ fyóondɔ ólu yɛ́ kó i ɲán ó yáa i láka, kó ní mɔɔntɔlɔnin ŋólu bhɔ́ i yúu ólu bhóo kɛ́ i bhyáa.

Yaya 1:32

Yaya é o sɛ́ɛya ladi í kwɔ́ kó: «Ní Ní Sɛnnɛnyanin ŋó yíitɔ o yé a ka kɛ́ bhɔ́ sángboo ó lɔ, óyoo biininngbɛ, kɛ́nan i síi a ka.

Yaya 3:34

Ala wɛ́ɛ mɔɔn min njé, o tíi óo Ala yɛ́ kóman o lé fɔ́la kɛ mansɔɔ Ala wɛ́ɛ Ní Sɛnnɛnyanin ŋó dí a mán, lá ndɛ́ minnan.

Kɛ́wɛɛ 1:2

fɔ́ɔ kɛ táa sé a kɔ́ɔtalo ŋó mán kɛ táa sángboo o lɔ, ŋwɛ́ɛn o bɛ́ fɔ́ o kɔ́ɔnnɔn. Sannin áa yɛ́ɛ kɛ táa sángboo o lɔ, a tɛ́wɛɛ mɔɔn mínnu lɔ́tɔnmɔn kɛ i kɛ́ a yɛ́ céladhye ŋólu le, áa i sɛ́ɛmansɔɔ i yɛ́ Ní Sɛnnɛnyanin ŋo bháaka lɔ.

Kɛ́wɛɛ 10:38

Ala é Ní Sɛnnɛnyanin ŋóni sébhaaya lá Ɛnza Nazalɛtika o ka, aa tinmin ywáa mínnu lɔ, a tɛ́ɛ kóbhɛɛ kɛ́la mɔɔn ólu yɛ, óni kɛ mɔɔn ólu lákɛɛnya mínnu tɛ́ɛ Sɔtaannan bhóolɔ, kɛ mansɔɔ Ala é a fɛ.

Kɛ́wɛɛ 8:39

Ii bhɔ́ jí o lɔ́ mínngɛ, Mantii ó Ní óo Filipu tá. Cɛ ó mán a é bhée. Wáa a nísɔdhyaanin ŋé táa a yɛ́ táaman ó la.