Kɛ́wɛɛ 6:1 - Mahou

¹ O wáati ó lɔ, lɔ́ tɛ́ɛ táa bhyáa lé Kaamɔɔndhye ŋólu ká. Yawudhyaa mín núu Gɛlɛkikan ŋó fɔla, ólu kóman Yawudhyaa Ebulukan nvɔ́ bháa ólu man, kó i tɛ́ i yɛ́ finɲanmuso ólu myáanla cɛ́ɛne sunman nɔ táa ŋólu lɔ.

Kɛ́wɛɛ 6:1 Iomraidhean Croise

Matiyu 23:13

Ɛnza ŋé wɛɛ kɛ fɔ kó: «Bɔɔn é álee tá le, álee sɛliya kaamɔɔn ólu ní Falizɛn ŋólu! A fyáangafo ólu! Áa mɔɔn olu lábanan kó i kɛ́nan í bhóo síi sángboo ó Mansaya ó kɔɔ, álee gbú olu tɛ́ a bhóo síila a kɔɔ, bhóosiikɔɔlɔɔ lo ŋé mɔɔn mínnu la, a tɛ́ olu tó yénɔn ké olu a i bhóo síi a kɔɔ a.

Kɛ́wɛɛ 11:20

O wáati kée ŋó lɔ, kaamɔɔndhye nɔ́lu kɛ́ bhɔ́ Shipulu, óni Silɛnin olu táa Antiyɔsi, kɛ́ Mantii Ɛnza ɲɛ́n Sanmankanmɛɛ ó fɔ́ Gɛlɛkikan nvɔ́bhaa ólu yɛ́.

Kɛ́wɛɛ 11:26

Baanabasi é Sɔli yé mínngɛ, aa táa ale Antiyɔsi. Ii sán ngée ngɛ́ ɲɔ́ɔn nvɛ́ o ywáa o lɔ ní Kílisi yɛ mɔɔn ólu lé. Egilisi o tɛ́ɛ ɲɔ́ɔn nadhyɛ mínnu kɛ́la, a tɛ́ɛ kɛ́la o lɔ óni aa mɔɔn shɛ́ɛman ngála, kɛ kaamɔɔndhye ŋólu kíi kó kéletiɲɛn, ó síɲan jónan óo í lámyaan Antiyɔsi le.

Kɛ́wɛɛ 11:29

O lɔ, kaamɔɔndhye ŋólu hákii dí ɲɔ́ɔnman kɛ í bhóo bhyáa ɲɔ́ɔn ngá mín nzé é kɛ min ne, kɛ o bhyáa ɲɔ́ɔn ngá, kɛ o látaa bhádhye ŋólu man Zude, kɛ i lɔdhyɛman.

Kɛ́wɛɛ 2:41

Mínnuu sɔ́n Piyɛli yɛ kóman o mán, ii ólu bɛ́ bátize. O ló ŋo la, mɔɔn wáa sawa é fála lánanbhaa ólu ká.

Kɛ́wɛɛ 2:45

I tɛ́ɛ í yɛ́ sɛ́ɛn olu ni i bhóofe ŋólu felela, kɛ o wɛ́ɛ o lɔ́taa ɲɔ́ɔn njɛ́, kɛ kéeɲan ni i bɛ́ tá mankoya o le.

Kɛ́wɛɛ 2:47

I tɛ́ɛ Ala tandola, i dhyaa tɛ́ɛ mɔɔn bɛ́ lɔ. Mantii o tɛ́ɛ mɔɔn mínnu bwɔ́sila a tɛ́ɛ olu fálala lánanbhaa olu ká ló ŋóo ló.

Kɛ́wɛɛ 4:35

kɛ́ o kwáan céladhye ŋólu yɛ́, céladhye ŋólu tɛ́ɛ o lɔ́taa kɛ bhyɛ́ i bɛ́ tá mankoya mán.

Kɛ́wɛɛ 4:4

Wáa o bɛ́ kwɔ, mɔɔn mínnu tɛ́wɛɛ céladhye nvyáa olu yɛ kóman o lɔ́myɛn, ólu shɛ́ɛman ŋé lá Ɛnza nan. Lɔ́ é fála lánanbhaa ólu ka. I bɛ́ ládhyɛnin ŋó tɛ́ɛ cɛ wáa lóolu sí bhɔ́la.

Kɛ́wɛɛ 5:14

Mɔɔn olu tɛ́ɛ lála Mantii o la, cɛ ní muso shɛ́ɛman ndɛ́ɛ fálala lánanbhaa ólu ka.

Kɛ́wɛɛ 5:28

«Án ndɛ́ wɛɛ án nzɛ́ɛmansɔɔ a yɛ kɔɔ lɛ, kó á kɛ́nan mɔɔn ólu kála o tɔ́ɔ o la bhée nɛ? Wáa, álee wɛ́ɛ Yeluzalɛmu lafa ní a yɛ kaa ŋólu le, á lée fɛ́ ké cɛ míin nváa o kún ŋó a lo án née lɔ a!»

Kɛ́wɛɛ 6:2

O kósɔn, céladhye ndá ní fyáa ólu kaamɔɔndhye ŋólu bɛ́ kíi kɛ fɔ i yɛ kó: «A láanin ndɛ́ ké án ni Ala yɛ Sanmankanmɛɛ o láse o lábhyaa tó kɛ súnman ŋólu lɔ́taa.

Kɛ́wɛɛ 6:7

Ala yɛ Saaninkan ŋó tɛ́ɛ búubhɛɛla, kɛ táa ɲɛ́n, kaamɔɔndhye ŋólu tɛ́ɛ sháaya la kúdɛyi Yeluzalɛmu. Faanlɛɛɲansebhaa olu shɛ́ɛman ŋé lá Ɛnza nan, tó kɛ a bwóɲan.

Kɛ́wɛɛ 9:29

Sɔli tɛ́ɛ kómanla óni kɛ fasaa kɛ ni Yawudhyaa mínnu Gɛlɛkikan ŋó fɔla olu lé, wáa ólu kwɛ́nnin ndɛ́ɛ fɛ́ kɛ́ a fáa le.

Kɛ́wɛɛ 9:39

Piyɛli é i wíi kɛ́ táa ni ile. Ii sé mínngɛ, ii táa ni ále sangaso ŋó kɔ́ɔnnɔn sanman, finɲanmuso ólu bɛ́ɛ i mángbaa Piyɛli lá ni kasi le. Dɔɔkasi tɛ́ɛ wɛ́ɛ faani óni déekeba mínnu lálaa ké aa i ɲánla, i tɛ́ɛ o yáala Piyɛli la.

Kɛ́wɛɛ 9:41

Piyɛli é a myaan a bhóo o man kɛ́ a dhyɛman kɛ a láwii. O kwɔ́, aa lánanbhaa ólu kíi óni finɲanmuso ólu, Piyɛli é Tapita ɲáanman ŋó yáa ólu la.

Filipika olu 3:5

Ii né bhɔ kɛ́ɛnlɔ, tée sɛ́ɲinɲɔn ŋwoonin ŋó kwɔ, née Izalayɛli dhyé ne le, Bɛnnzhamɛn yɛ bhónanbhaa lée ne, ní Yawudhyaa gbútuu le le, nó ndɛ́ɛ Nvá Musa yɛ tɔ ŋo bwóɲanla le óyoo Falizɛn ŋolu.

1 Timote 5:3

Mɔɔn tɛ́ finɲanmuso mínnu bhóo, í yáakiito olu lɔ.

1 Timote 5:9

Finɲanmuso mínnu tɔ́ɔ kákan kɛ sɛ́wɛ ké Egilizi o á i yáakii tó olu lɔ, olu kákan kɛ kɛ finɲanmuso le le mínnu wɛ́ɛ sanɲin bíwɔɔlɔ sɔɔ, mínnu mán cɛ gbɛ́ɛ lɔ i cɛ kwɔ.