Kɛ́wɛɛ 26:9 - Mahou

⁹ Né yɛ́ɛ gbu o tɛ́ wɛɛ la a la tínɲan in né, óo Ɛnza Nazalɛtika cɛ o, ngákan né kɛ o tɔ́ɔ o kɛlɛ ni nváan o bɛ́ le.

Kɛ́wɛɛ 26:9 Iomraidhean Croise

Yaya 15:21

Í yáa ó bɛ́ kɛ́ a lá né le kósɔn kɛ mansɔɔ í man né cébhaa ó lɔ.

Kɛ́wɛɛ 21:13

Pɔli é i yawi kó: «Mínnɛɛn le kósɔn áa kásila, kɛ né yóso o kasi? Ne, ne lɔ́bhyɛnin ŋé ke ii nzíli kɛ bhyáa kasola, wáman kɛ sayakɛ Yeluzalɛmu Mantii Ɛnza ndɔ́ɔ o kósɔn.»

Kɛ́wɛɛ 22:3

«Née Yawudhyaa le lé, ní wóo Taasi le, Silisi yamaan o lɔ. Wáa ní bwóɲan Yeluzalɛmu yánun ne, óni kɛ námwɔn, ní káa ŋo kɛ Gamaliyɛli le sé ngɔɔ; ale lée ne kala kɛ bhyɛ́ án myɛ́man olu yɛ sɛliya o mán. Ne cɛsiinin ndɛ́ɛ Ala kwɔkɔɔdhyɛ o la jónan, óyoo álee ɲán mín man bí nín.

Kɛ́wɛɛ 22:4

Mɔɔn mínnu é Sháa míin nga, née o lɔ́lu tɔ́lɔ fɔ́ kɛ i fáa, kɛ́ i sili kɛ i bhyáa kasola, cɛ ni muso bɛ́.

Kɛ́wɛɛ 22:8

Née a mánɲaankɛ kó: ‹Mantii o, íle yɛ́ɛtii é wé?› Aa yawi kó: ‹Né Ɛnza Nazalɛtika lée wé; íi mín ndɔ́lɔla.›

Kɛ́wɛɛ 24:5

Án ni táa sɔɔ kó cɛ míin ŋé cáannin né kɛ la, aa sɔ́sɔli láwii la Yawudhyaa olu bɛ́ cɛ́man, lúukolo o ywáa bɛ́ lɔ, óni álee Nazalɛtika olu yɛ sɛ́ɛ o kunndii o le lɔ le.

Kɛ́wɛɛ 3:17

«Kwáalenin, ne bhádhye ŋólu, ni lɔ ŋóo áa ó kó ŋolu kɛ́ kólɔmɛɛya le kósɔn, ale ní a yɛ́ ɲɛ́nmɔɔn ólu.

Kɛ́wɛɛ 3:6

Wáa Piyɛli é fɔ́ a yɛ kó: «Wɛ́ɛ tɛ́ né bhóo, sɛ́ɛn ndɛ́ né bhóo, wáa míin né bhóo, ɲáan o dí i mán. Ɛnza Ngílisi Nazalɛtika o tɔ́ɔ ó bháaka lɔ, i wíi kɛ́ táamankɛ!»

Kɛ́wɛɛ 9:1

O wáati ó lɔ, Sɔli tɛ́ɛ Mantii ó yɛ́ kaamɔɔndhye ŋólu mánbaabaa la, kó a kaa i fáa. Sɔli é táa Faanlɛɛɲansebhaa olu kúnndiiba ó sáala,

Kɛ́wɛɛ 9:16

Tɔ́lɔya mín ngáa la a ka, ne tɔ́ɔ o kósɔn, né gbú le káa o yáa a lá.»

Filipika olu 3:6

Né tá ɲánngboya o tɔ́ ŋo kósɔn, o lée né kɛ́ Egilizi o tɔ́lɔbhaa lé. Téenin sháa o fɛ́ tɔ́ ŋó tá bhóo o mán, mɔɔn sí tɛ tɛ́ sé kɛ fyɛn sɔ́ɔ né la.

1 Timote 1:13

Ne mín ɲɛ́ɛ tɛɛ Ɛnza ndɔ́ɔ o cáanmaa le, ne mín ɲɛ́ɛ tɛ́ɛ a tɔ́lɔbhaa le, ne mín ɲɛ́ɛ tɛ́ɛ nɛ́ɛnninkɛbhaa le, wáa o yɛ́ɛ bɛ́ kwɔ Ala é hínnɛn ne la, kɛ mansɔɔ ndɛ́ɛ o bɛ́ kɛla kólɔmɛɛya óni lánanbhɛɛya o le lɔ.