San Lucas 9:3 - Mixteco Metlatónoc

³ Ra ndikaꞌan ra xiꞌin ndia, kachi ra saa: ―Ndia nii ñaꞌà kanïꞌi ndo kuꞌun ndo ichi, nii itun kätuvi ndo, ni leka, ni ixta, ni xuꞌun, ni tikoto ña ndasama ndo küꞌun xiꞌin ndo.

San Lucas 9:3 Iomraidhean Croise

San Marcos 6:7

Saa kuu ndakana Jesús uxi uvi saa ndia itaꞌan tuun xiꞌin ra, ra saa tiꞌvi ra ndia kuaꞌan ndia kaꞌan ndoso ndia tuꞌun Ndioxi, ra ta uvi ta uvi chitaꞌan ra ndia kuaꞌan ndia, ra taxi ra ndiayu ndaꞌa ndia ña tava ndia tachi ndivaꞌa.

San Lucas 12:22

Ra ta ndiꞌi, saa ndikaꞌan Jesús xiꞌin ndia itaꞌan xiꞌin ra kachi ra saa: ―Ndïꞌi ini ndo xaꞌa ñaꞌa kaxi ndo ña vaꞌa kutiaku ndo, nii xaꞌa ña kuxi ndo, ra nii xaꞌa tikoto ña kundixi ndo na kundïꞌi ini ndo.

San Lucas 12:28

Chi Ndioxi va kuvi ra sanana ita, ra nduvi ni ña; ndi su loꞌo ni va kii iyoo ña, saa ra ndachi va ña, ra kuaꞌan yuvi ndakaya na ña xaꞌmi na nuꞌu va. Ndi su ndiaa yaꞌvi ni ka va ndoꞌo nuu ita. ¿Ra nichuun loꞌo ni kandixa ndo Ndioxi?

San Lucas 22:35

Ra saa ndindakatuꞌun Jesús ndia itaꞌan xiꞌin ra kachi ra saa: ―Ta tiꞌvi yu ndoꞌo ndixaꞌan ndo ndikaꞌan ndoso ndo tuꞌun Ndioxi, ta ndixinïꞌi ndo leka, ra nii xuꞌun ndixinïꞌi ndo, ra nii ndixan ndixinïꞌi ka ndo kuꞌun xiꞌin ndo kuꞌun xaꞌa ndo, ¿ra a ndia ñaꞌa kumani nuu ndo? ―kachi ra. Ra saa ndakuiin ndia, kachi ndia saa: ―Ndia nii ñaꞌa ndikumäni nuu ndi, Tata ―kachi ndia.

San Lucas 3:11

Ra saa ndakuiin ra, kachi ra saa xiꞌin na: ―Na iyoo uvi tikoto nuu, ra na taxi na iin ña ndaꞌa na köo ña nuu; ra na iyoo ña xixi, ra na taxi na ña kuxi na köo ña kuxi ―kachi ra Juan xiꞌin na.

San Lucas 5:29

Saa kuu, xakin ra Leví iin viko kaꞌnu veꞌe ra ña ndasatoꞌo ra Jesús. Ra kuaꞌa ka vi na kaya xuꞌun ndaꞌa na ñuu, xiꞌin sava ka yuvi xaa ndixkundee nuu mesa ña kuxi na xiꞌin ra.

San Lucas 9:4

Ra ndia ndia ka veꞌe nuu ndixaa ndo, ra ndakiꞌin mani na ndoꞌo ra ikan kundee ndo xiꞌin na ndia kii na kee ndo kuꞌun ndo inka ñuu va.

2 Timoteo 2:4

Saa chi ndia nii soldado ndia kuni kindoo vaꞌa nuu ra soldado, ra kuchee nuu ndia, ra kuëe ndakundiꞌi vi ini ndia kan xaꞌa inka chiñu, chi ña xa ndia ke ndiꞌi ini ndia ña ^xa ndia chiñu ña ^xaꞌndia ra kuchee nuu va ndia.