San Lucas 9:12 - Mixteco Metlatónoc

¹² Saa kuu, ra xa kuaꞌan kuaa va, ra saa kuyachin uxi uvi saa ndia itaꞌan xiꞌin Jesús ra ndikaꞌan ndia xiꞌin ra, kachi ndia saa: ―Tata, vaꞌa ka na kaꞌan kun xiꞌin na, ra na kuꞌun na ndakindiee na, ra nduku na ña kuxi na ndia ndia ka ñuu ña ndoꞌni yachin. Chi yoꞌo ra köo mii vi ña kuxi na ―kachi ndia xiꞌin ra.

San Lucas 9:12 Iomraidhean Croise

San Mateo 14:13

Ra ta kundaa ini Jesús ña ndixiꞌi ra Juan, ra saa nandaa ra ini iin barca loꞌo ra ndakiꞌin ra kuaꞌan ra iin iku nuu köo yuvi. Ndi su ta kundaa ini yuvi kan chi nuu kuaꞌan ra, ra saa kee na ñuu na ra taxi ndikun na kuaꞌan xaꞌa na sata va ra.

San Mateo 15:23

Ndi su nindäa Jesús ña kuu yuꞌu vi ña. Ra saa kuyachin ndia itaꞌan xiꞌin ra, ra xakundaꞌvi ndia nuu ra kachi ndia saa: ―Tata, chindiee taꞌan xiꞌin ñaꞌa kaa, saa chi kaꞌan ni ña vaxi ña sata yo ―kachi ndia xiꞌin ra.

San Mateo 15:32

Saa ndakana Jesús ndia itaꞌan xiꞌin ra, ra ndikaꞌan ra xiꞌin ndia kachi ra saa: ―Kundaꞌvi ni ini yu xini yu yuvi yoꞌo, saa chi xa kii uni va ke ndee na xiꞌin yu yoꞌo vichin, ra köo mii ñaꞌa niꞌi na kuxi vi na. Ra küni yu ña saa koo na xiꞌin soko ndatiꞌvi yu na kunuꞌu na veꞌe na, chi koto kuaꞌan na ichi saa kundiëe na, ra kuñaa nuu na ―kachi Jesús xiꞌin ndia itaꞌan xiꞌin ra.

San Lucas 9:11

Ra ta kundaa ini yuvi nuu kuaꞌan Jesús, ra saa ndakundikun na kuaꞌan na sata va ra. Ra ta ndixaa na nuu iin ra, ra saa ndakiꞌin ra na, ra xaꞌa ra ndakani ra nuu na ndia kuꞌva ke kaꞌndia chiñu Ndioxi nuu na. Ra sandaꞌa tu ra na xiꞌi va.

San Lucas 9:13

Ra saa ndakuiin Jesús, kachi ra saa xiꞌin ndia: ―Taxi ndoꞌo ña kuxi na ―kachi ra xiꞌin ndia. Ra saa ndakuiin ndia, kachi ndia saa: ―Tata, ¿ndia mii kee ña kuxi na? Chi takua uꞌun va ku ixta, xiꞌin uvi tiaka va ndiso ndi. Ra näni mii vi ña yoꞌo kuxi na chi kuaꞌa ni kuvi na. Tu kuꞌun ka ndi ndia ñuu va sata ndi ña kuxi na ―kachi ndia xiꞌin Jesús.

San Juan 6:1

Te ndiꞌi yoꞌo, saa ndakiꞌin Jesús kuaꞌan ra chi inka xiyo yuꞌu tiañuꞌu ra ndikaa chi Galilea, ra suvi mii ra kan ku tu ra nani Tiberias va.

Filipenses 1:19

saa chi xa kundaa va ini yu, ña vaꞌa ni va kee yu, xaꞌa ña ^kaꞌan ni ndo xiꞌin Tata yo Ndioxi xaꞌa yu, ra saa tu xaꞌa ña ^chindiee taꞌan Tachi Yii Tata yo Jesucristo xiꞌin va yu.