San Lucas 8:9 - Mixteco Metlatónoc

⁹ Saa ndindakatuꞌun ndia itaꞌan xiꞌin Jesús, kachi ndia saa xiꞌin ra: ―Tata, ¿ni ke kuni kachi tuꞌun ndichi ña ndikaꞌan kun? ―kachi ndia xiꞌin ra.

San Lucas 8:9 Iomraidhean Croise

San Mateo 13:10

Saa kuyachin ndia itaꞌan xiꞌin Jesús, ra ndikaꞌan ndia xiꞌin ra kachi ndia saa: ―Tata, ¿nichuun niña xiꞌin tuꞌun ndichi ke sakuaꞌa kun yuvi kan? ―*kachi ndia.

San Mateo 13:18

Ra saa ndikaꞌan ka Jesús kachi ra saa: ―Tiaa soꞌo ndo ña ndatuꞌun yu xiꞌin ndo xaꞌa tuꞌun ndichi xaꞌa ra chiꞌi, ni ke kuni kachi ña.

San Mateo 13:36

Ra saa te ndiꞌi ndatiꞌvi Jesús yuvi kan kuanuꞌu na, ra saa nandiꞌvi ra ini veꞌe, ra saa kuyachin ndia itaꞌan xiꞌin ra, ra ndikaꞌan ndia xiꞌin ra kachi ndia saa: ―Tata, ndatuꞌun xiꞌin ndi ra na kundaa ini ndi, ni ke kuni kachi tuꞌun ndichi ña ndikaꞌan kun xaꞌa iku ñàꞌa ña kana tiañu itu trigo ña iyoo nuu ñuꞌu kan ―kachi ndia xiꞌin ra.

San Mateo 15:15

Ra saa ndikaꞌan ra Pedro xiꞌin Jesús kachi ra saa: ―Tata, ndatuꞌun xiꞌin ndi ra na kundaa ini ndi ni ke kuni kachi tuꞌun ndichi ña ndikaꞌan kun xiꞌin ndia fariseo ―kachi ra xiꞌin ra.

San Marcos 4:10

Te ndiꞌi nindutia ndiꞌi na yuvi kan kuaꞌan na, ra nindoo mituꞌun saa Jesús, saa ndakutaꞌan sava na nindoo ndee kan, xiꞌin uxi uvi saa ndia itaꞌan xiꞌin ra, ra ndindakatuꞌun na ra xaꞌa tuꞌun ndichi kan, ni ke kuni kachi ña.

San Marcos 4:34

Ra takundiꞌi ña sañaꞌa ra na yuvi, ra niña xiꞌin tuꞌun ndichi va ke sañaꞌa ra na, ra vaꞌa ni ndikundäa va ini ndia itaꞌan xiꞌin ra, ndi su sañaꞌa siin va ra ndia kan ni ke kuni kachi tuꞌun ndichi yoꞌo.

San Juan 15:15

Ra käꞌan ka yu ña kuu ndo, ndia xachiñu tatu, saa chi ndia xachiñu tatu ra xïni vi ndia kan, xaꞌa takundiꞌi chiñu ña xa xitoꞌo ndia. Ña kan ke ndoꞌo, ra ndia itaꞌan mani xiꞌin va yu kaꞌan yu xiꞌin ndo, saa chi xa ndañaꞌa ndiꞌi va yu tuꞌun ña ndikaꞌan Tata yu xiꞌin yu nuu ndo.