San Lucas 7:6 - Mixteco Metlatónoc

⁶ Saa ndakiꞌin Jesús kuaꞌan ra xiꞌin ndia. Ra ta xa kuyachin ndia vaxi ndia nuu iin veꞌe ra kuchee kan, ra saa tiꞌvi ra ndia itaꞌan xiꞌin ra kuaꞌan ndia ña kaꞌan ndia xiꞌin Jesús. Ra ta ndixaa ndia nuu vaxi Jesús, ra saa kachi ndia saa xiꞌin ra: ―Tata, sandïꞌi kun mii kun, chi köo ichi ra ña kiꞌvi kun veꞌe ra, chi ra kaꞌnu ni kuvi yoꞌo nuu ra, kachi ra xiꞌin ndi ña vaxi ndi nuu kun.

San Lucas 7:6 Iomraidhean Croise

San Mateo 20:28

Ta kuꞌva iyoo yuꞌu, ra xaa yoꞌo, chi yuꞌu ra ndixäa yu ña kaꞌndia yu chiñu, chi ra xaa xachiñu nuu takundiꞌi va ndo kuvi yu, ra ndataxi yu mii yu xaꞌa takundiꞌi va na yuuvi yoꞌo, ra saa ke vaꞌa saña ndika na ―kachi Jesús xiꞌin ndia.

San Mateo 3:11

Ra ña ndixa ke yuꞌu, ra xiꞌin tiakuii va ^sakuchi yu ndoꞌo, ña na nandiko ini ndo xaꞌa kuachi ndo, ndi su chi sata vaxi inka ra chee vaꞌa ka nuu yuꞌu, ra ra kan, ra xiꞌin Tachi Yii Ndioxi xiꞌin ñuꞌu va ke sakuchi ra ndoꞌo; ra yuꞌu, ra nii chiñu loꞌo ke köo yaꞌvi ndiaa yu sa yu nuu vi ra, saa chi ndia nii ña kaniꞌi yu ndixan vi ra ke köo ndiayu yu, saa chi ra kaꞌnu ni kuvi ra.

San Marcos 5:24

Saa ndakiꞌin Jesús kuaꞌan ra xiꞌin ra. Ra iin tiaꞌndia chee na yuvi ndikun kuaꞌan xiꞌin ndia, ra iin kuni̱ ndaa na sata ndia.

San Lucas 5:8

Ra ta xini ra Simón ña xa Jesús, saa ra ndikun ndakusiti ra nuu ra, ra kachi ra saa: ―Tata, tiaa ra iyoo kuachi va kuvi yuꞌu, ndi su yoꞌo, ra ra yii va kuvi kun. Ña kan ke küvi kitaꞌan yu xiꞌin kun, ra vaꞌa ka na kutiaꞌa va kun nuu yu ―kachi ra xiꞌin Jesús.

San Lucas 7:4

Ra saa ndixaa ndia nuu Jesús ra xaꞌa ndia xakundaꞌvi ndia nuu ra, kachi ndia saa: ―Tata, vaxi ndi kuaku ndaꞌvi ndi nuu kun ña na kuꞌun kun xiꞌin ndi ra sandaꞌa kun ra xachiñu nuu ra kuchee nuu ndia soldado, saa chi xiniñuꞌu va chindiee taꞌan kun xiꞌin ra chi vaꞌa ni tiaa kuvi ra.

San Lucas 7:5

Ra suvi ra xavaꞌa veꞌe ñuꞌu ña iin ñuu ndi, chi kuꞌvi ni ini ra xini ra yoo, na ñuu Israel. Ña kan ke vaxi ndi nduku ndi ña mani nuu kun ―kachi ndia xikuaꞌa kan xiꞌin Jesús.

San Lucas 7:7

Ña kan ke nii ndixändiee ini ra ña kixi mii ra nuu kun. Ra suꞌva va kachi ra xiꞌin chiñu ña vaxi nuu kun: “Tata, vaꞌa ni ñaa va na kundichi kun, ra kaꞌan kun xiꞌin kueꞌe̱ ra nduvaꞌa va ra xachiñu nuu yu.

San Lucas 8:49

Ra ta kaꞌan ka va Jesús, saa xaa iin ra ke̱e veꞌe ra Jairo, ra ndikaꞌan ra kachi ra saa xiꞌin ra: ―Tata, xa ndixiꞌi va seꞌe kun, sandïꞌi ka kun ra Tata Maestro ―kachi ra xiꞌin ra.

Hechos 10:38

Ra xa kundaa tu ini ndo xaꞌa Jesús, ña taxi Ndioxi ndiee Tachi Yii ndaꞌa ra ña ndixiyo ña xiꞌin ra, ra xa kundaa tu ini ndo ña ndixika ra xa ra ña vaꞌa xiꞌin yuvi va, ra sandaꞌa tu ra na xindoꞌni ndaꞌa ndiee timiaꞌa va. Ra ña vaꞌa xa ra saa, ra mii va Ndioxi kuvi ra chindiee taꞌan xiꞌin ra.

Santiago 4:10

Na sani̱nu̱ ndo mii ndo nuu Tata yo Ndioxi, ra ra kan tu chinduꞌu toꞌo tuꞌun xaꞌa ndoꞌo va.

Santiago 4:6

Ndi su chindiee taꞌan ni va Tata yo Ndioxi xiꞌin yo xaꞌa ña kundaꞌvi ni ini ra xini ra yoo, ña vaꞌa na kuchuun yo sa tiaa yo nuu chiñu kiꞌvi ña kutoo iki kuñu yo sa ña. Ra saa kuvi tu ña kachi tuꞌun Tata yo Ndioxi ña kachi suꞌva va: “Tata yo Ndioxi ra kundasi va ra yuvi na kutiaa ni xiꞌin mii, ndi su kundaꞌvi va tu ini ra xini ra yuvi na xa ninu xiꞌin mii”, kachi ña.