San Lucas 7:2 - Mixteco Metlatónoc

² Ra ikan iyoo iin ra kuchee nuu iin ciento ndia soldado ndia ñuu Roma. Ra iyoo iin ra xachiñu nuu ra, ra kuꞌvi ni ini ra xini ra ra, ra saa kiꞌin kueꞌe ra xachiñu nuu ra, ra xa iin numi va kuvi ra.

San Lucas 7:2 Iomraidhean Croise

San Mateo 27:54

Ra ra soldado ra kuchee kan xiꞌin ndia itaꞌan xiꞌin ra, ña ndiaa ndia Jesús, ra te xini ndia ña ndiee ni nditaan, ra xini tu ndia takundiꞌi ña kuu kan va, saa ra tiaa ni ndiyuꞌvi ndia, ra ndikaꞌan ndia kachi ndia saa: ―Ña ndixa ke seꞌe Ndioxi kuvi ndixa va ra yoꞌo ―kachi ndia.

San Lucas 23:47

Ra ta xini ra kuchee nuu ndia soldado ñuu Roma ña kuu, ra saa ndasakaꞌnu ra Ndioxi, kachi ra saa: ―Ña ndixa ke, ra vaꞌa ku ndixa va tiaa yoꞌo ―kachi ra.

San Lucas 7:1

Ra te sandiꞌi Jesús ndikaꞌan ra xiꞌin na ndee xini soꞌo, ra saa ndakiꞌin ra kuaꞌan ra chi ñuu Capernaum.

San Lucas 7:3

Ra ta kundaa ini ra kuchee nuu ndia soldado kan, ña xa ndixaa Jesús ñuu Capernaum, ra saa kana ra ndia xikuaꞌa inuu nuu na judío. Ra ndikaꞌan ra xiꞌin ndia, ña na kuꞌun ndia kuaku ndaꞌvi ndia nuu Jesús, ña kixi ra sandaꞌa ra, ra xachiñu nuu ra.

San Lucas 8:42

Saa chi ña loꞌo seꞌe ra, ña mituꞌun nuu ra, ra sakan uxi uvi va kuiya ndikaa ña, ra ndiee ni ndoꞌo ña chi xa yachin va kuvi ña. Ra saa ndakiꞌin Jesús kuaꞌan ra xiꞌin ra Jairo. Ra kuaꞌa ka vi yuvi ndikun kuaꞌan sata ndia, ra iin chindaꞌni taꞌan mii na kuaꞌan na xiꞌin ndia.

Hechos 10:1

Ra ñuu Cesarea xikanduꞌu iin tiaa ra xinani Cornelio, ra ra xaꞌndia chiñu nuu iin ciento ndia soldado xikuu ra. Ra xiꞌin ndia soldado ndia kuaꞌa ndia xinani Italiano ke xitaꞌan ndia.

Hechos 10:7

Ra te xa ndakiꞌin ra tatun kan kuaꞌan ra, ra saa kana ra Cornelio uvi ndia xachiñu nuu ra, ra kana tu ra iin ra soldado ra ndiaa ini ra, ra ndikun ndinuni Ndioxi xiꞌin ra.

Hechos 22:26

Ra te xini soꞌo ra soldado kan ña ndikaꞌan ra Pablo, ra saa kita ra ndixaꞌan ra ndikaꞌan ra xiꞌin ra soldado ra kuchee kan, kachi ra saa: ―Kuenda koo kun xiꞌin ña kuni kun sa kun vichin, saa chi tiaa yoꞌo ra ra ndikun ndiaa ñuu Roma va kuvi ra ―kachi ra.

Hechos 23:17

Ra saa kana ra Pablo iin ra soldado ra ndikun sata ra soldado ra kuchee, ra ndikaꞌan ra xiꞌin ra kachi ra saa: ―Na kuꞌun ra loꞌo yoꞌo xiꞌin kun saa chi iyoo iin ña kuni ra kaꞌan ra xiꞌin ra soldado ra kuchee ―kachi ra.

Hechos 27:1

Ra ta xa kindoo ra chiñu Festo ña tiꞌvi ra nduꞌu kuꞌun ndi chi Italia, ra saa ndataxi ra ra Pablo xiꞌin sava ka ndia ñuꞌu veꞌe kàà, ndaꞌa iin ra soldado ra kuchee ra nani Julio, ra itaꞌan xiꞌin iin tiꞌvi chee ndia soldado, ndia kuu kuenda ra Augusto.

Hechos 27:3

Ra ta ndituvi inka kii saa ndixaa ndi nuu ndi ñuu Sidón. Ra toꞌo ni va xa ra Julio, ra kuchee nuu ndia soldado kan xiꞌin ra Pablo, saa chi taxi va ra ndiayu ndaꞌa ra ña ndixaꞌan ra ñuu kan xitoꞌni ra na itaꞌan mani xiꞌin ra, ra chindiee taꞌan na xiꞌin ra.

Hechos 27:43

Ndi su nditäxi vi ra soldado kuchee kan, ña kuvi ndia ndasi ndiaa kan, chi ña xa ra ke xaꞌndia ra chiñu nuu ndia xini sutia, ña na sutia ndia, ra kee ndia chi nuu ñuꞌu ichi va. Ra ra Pablo va kuvi ra kuni ra sakaku ra ña xa ra saa.

Colosenses 3:22

Ra ndoꞌo, na xachiñu ndaꞌvi köo yaꞌvi, ra na kandixa va ndo xitoꞌo ndo nuu ñuꞌu yoꞌo, ra süvi takua ta ndita na xitoꞌni na ke na sa chiñu ndo, ña kindoo vaꞌa ndo xiꞌin na, chi xiꞌin ndinuni nima va ndo ke na sachiñu ndo nuu na, xaꞌa ña iyuꞌvi ndo Tata yo Ndioxi.