San Lucas 7:13 - Mixteco Metlatónoc

¹³ Ra ta xini Jesús ñaꞌa yoꞌo, ra kundaꞌvi ni ini ra xini ra ña, ra ndikaꞌan ra xiꞌin ña kachi ra saa: ―Nana, xäku kun ―kachi ra.

San Lucas 7:13 Iomraidhean Croise

San Marcos 8:2

―Kundaꞌvi ni ini yu xini yu na yuvi yoꞌo, chi xa kii uni va ke iyoo na xiꞌin yu vichin, ra köo mii ñaꞌa niꞌi na kuxi vi na ra ndaꞌvi ni na.

San Lucas 10:1

Ra saa kuu ndikaxin Jesús uni xiko uxi tiaa, ndia ndikun sata ra, ra ta uvi, ta uvi chitaꞌan ra ndia. Ra chinuu ra ndia kuaꞌan ndia kaꞌan ndoso ndia tuꞌun Ndioxi iin takundiꞌi ñuu nuu kuꞌun ra.

San Lucas 11:1

Saa kuu iin kii ke̱e Jesús kuaꞌan ra kaꞌan ra xiꞌin Ndioxi. Ra ta ndiꞌi ndikaꞌan ra xiꞌin Ndioxi, ra saa ndikaꞌan iin ra itaꞌan xiꞌin ra kachi ra saa xiꞌin ra: ―Tata, sa ña mani sañaꞌa kun nduꞌu kaꞌan ndi xiꞌin Ndioxi, ta xa ra Juan, ra sakuchi yuvi, ña sañaꞌa ra ndia xitaꞌan xiꞌin ra ña kaꞌan ndia xiꞌin Ndioxi ―kachi ra xiꞌin Jesús.

San Lucas 11:39

Saa ra kundaa va ini Jesús ña ^ndakani ini ra fariseo kan, ra saa ndikaꞌan ra xiꞌin ra, kachi ra saa: ―Ndoꞌo, ndia fariseo, ra ta iyoo koꞌo xiꞌin vaso ña ndakatia na sata, ra chi ini tu ña yakua va, saa iyoo ndo. Saa chi sata va ndo ke savi ni ñaꞌa, ndi su nima ndo, ra iin chitu ndaa va ña kuiꞌna, xiꞌin ña kini.

San Lucas 12:42

Saa ndikaꞌan Jesús kachi ra saa: ―Na kaꞌan yu xiꞌin ndo ra kundaa ini ndo ndia kuꞌva ke xa iin ra muso ra kama, ra ndichi, ra taxi xitoꞌo ra ña kuiso ra chiñu xiꞌin veꞌe ra ña kiꞌin ra kuenda xiꞌin na xachiñu tatu nuu xitoꞌo ra, ra taxi ra kuxi na te xa xiniñuꞌu kuxi na.

San Lucas 13:15

Ra saa ndakuiin Jesús, kachi ra saa xiꞌin ra: ―Na chiꞌña tuꞌun va kuvi ndoꞌo, saa chi, ¿a ndäxi ndo sindiki sana ndo a burru sana ndo ña kuꞌun ri koꞌo ri tiakuii kii yii ndakindiee̱ yo, su ndaxi va ndo ri?

San Lucas 17:5

Ra saa ndikaꞌan ndia itaꞌan xiꞌin Jesús kachi ndia saa: ―Tata, taxi ndie̱e̱ ndi ra na kandixa vaꞌa ka ndi Ndioxi ―kachi ndia xiꞌin ra.

San Lucas 17:6

Saa ndakuiin Jesús kachi ra saa, xiꞌin ndia: ―Tu ña kandixa ndo ra na koo ña ta kuꞌva iyoo iin ndikin loꞌo itun mostaza, saa ra kuvi va kaꞌan ndo xiꞌin itun sicómoro yoꞌo kachi ndo saa: “Tuꞌun mii kun, ra kuaꞌan ndataan kun mii kun ini mini”, na kachi ndo, ra itun yoꞌo ra kandixa va nu ndoꞌo ―kachi Jesús xiꞌin ndia.

San Lucas 18:6

Ra saa ndikaꞌan Jesús kachi ra saa: ―Suꞌva ke xa ra juez ra iku ni kan.

San Lucas 19:8

Ra ta xa ndee ndia veꞌe ra Zaqueo, ra saa ndakundichi ra Zaqueo ra ndikaꞌan ra xiꞌin Jesús kachi ra saa: ―Tata, na kundaa ini kun chi kuni yu ndataꞌvi yu iin sava ñaꞌa ña iyoo nuu yu xiꞌin na ndaꞌvi. Ra tu ndia na sandaꞌvi yu, ra viꞌi ka va xuꞌun ndakiꞌin yu ndaꞌa na, ra ndia kumi va ichi sandiko yu ña ndaꞌa na vichin ―kachi ra.

San Lucas 22:61

Ra saa ndikokuiin Jesús ndakotoꞌni ra nuu ra Pedro, ra saa vi ke ndakaꞌan ra Pedro xaꞌa tuꞌun ña ndikaꞌan Jesús xiꞌin ra, ta kachi ra suꞌva: “Ñuu vichin ra xa uni va ichi tiseꞌe tuꞌun kun xaꞌa yu, ra saa kana chele”, kachi ra.

San Lucas 24:3

Ra saa ndikiꞌvi na ini yavi kan kuaꞌan na, ra köo ka iki kuñu Jesús ndixini na.

San Lucas 24:34

Ra saa ndikaꞌan ndia ndee kan xiꞌin ndia, kachi ndia saa: ―Ña ndixa ke xa ndatiaku va Tata yo Jesús, saa chi xa xini tu ra Simón Pedro va ra ―kachi ndia.

San Lucas 7:12

Ra ta kuyachin ra nuu ñuu kan, ra xini ra kuaꞌan na nduxin na iin ndii, ra seꞌe iin ñaꞌa ña ndukuaan va kuvi ra. Ra iin mii tuꞌun saa va kuvi seꞌe ña. Ra kuaꞌa ka vi yuvi kuaꞌan xiꞌin ña, ña nduxin na ra.

San Lucas 7:14

Ra saa kuyachin Jesús ra nditiandiaa ndaꞌa ra ixto ndii kan. Ra ndikun ndixkundita va ndia kuaꞌan xiꞌin ndii. Ra ndikaꞌan Jesús, kachi ra saa: ―Ra loꞌo, xiꞌin yoꞌo kaꞌan yu: ¡Ndakoo! ―kachi ra.

San Lucas 7:19

ra tiꞌvi ra ndia kuaꞌan ndia ndakatuꞌun ndia Jesús ña vaꞌa na kundaa ini ra: a ra kan kuvi ra xa iyoo tuꞌun xa kixi sakaku na yuuvi yoꞌo, a kundiatu ndia inka va ra, kachi ra Juan xiꞌin ndia.

San Lucas 8:52

Ra xaku ka vi yuvi ndee kan xaꞌa ña. Saa ndikaꞌan Jesús xiꞌin na, kachi ra saa: ―Xäku ndo chi süvi ña ndixiꞌi kuvi ña. Chi ña kixi va kuvi ña ―kachi ra xiꞌin na.

San Juan 11:2

Ra ña María, kuvi ña kosondiee ndutia xaꞌan tami xaꞌa Jesús, ra ndakuꞌva ña ña xiꞌin ixi xini ña.

San Juan 11:3

Ra saa tiꞌvi na siꞌi kuꞌva ra Lázaro kan, chiñu kuaꞌan ña nuu Jesús, ra kachi na saa: ―Tata, ndiee na kuii ndoꞌo ra itaꞌan xiꞌin kun, ra nani Lázaro ―kachi na.

San Juan 20:13

Ra saa nindakatuꞌun ndia ña, kachi ndia saa: ―¿Nichuun xaku kun, Nana? ―kachi ndia xiꞌin ña. Ra saa ndakuiin ña, kachi ña saa: ―Tata va yu kuvi ra ndakiꞌin na kuaꞌan xiꞌin na, ra kundäa ini yu, ndia mii ku nuu chikaa na ra ―*kachi ña.

San Juan 20:15

Ra saa nindakatuꞌun Jesús ña kachi ra saa: ―¿Nichuun xaku kun, Nana? ¿Ra yoo kuvi na nanduku kun? ―*kachi ra xiꞌin ña. Ra vaꞌa ra ndiaa itun kuiꞌi kan va kuvi ra ndikaꞌan xiꞌin ña káꞌán ña, ra saa ndikaꞌan ña kachi ña saa xiꞌin ra: ―Tata, tu yoꞌo va kuvi ra kuaꞌan ra xiꞌin, ra na ndatuꞌun va kun xiꞌin yu ndia mii ku nuu chikaa kun ra, ra vaꞌa kuꞌun yu ndakiꞌin yu ra kuꞌun ra xiꞌin yu ―*kachi ña.

San Juan 4:1

Ra saa kuu ra kundaa va ini ndia fariseo ña kuaꞌa ni ka yuvi ndakundikun sata Jesús nuu ra Juan, saa chi viꞌi ni ka va na sakuchi ra nuu ra Juan.

San Juan 6:23

Ra saa kuu na ndita na, saa ra xaa va sava barca tu kee chi ñuu Tiberias, suvi mii kan va, ra ikan kuu nuu ndataxi Jesús tixaꞌvi ndaꞌa Ndioxi xaꞌa xita ña taxi ra xixi na.

1 Corintios 7:30

ra saa tu ndoꞌo, na kusuchi ini va, ra ta iyoo na kusii ini va na koo ndo; ra ndoꞌo na kusii ini, ra ta iyoo na kusuchi ini va na koo ndo; ra ndoꞌo na ^sata ñaꞌa, ra ta iyoo na ndisäta vaꞌa ñaꞌa va na koo ndo;

1 Tesalonicenses 4:13

Ra kuni ndi ña na kundaa ini ndo vichin, ñani yo, ni ke ^kuu xiꞌin na ñani yo na xa kandixa Tata yo Jesús, ra ndixiꞌi na, ña vaꞌa na kusüchi ini ndo, ta kuꞌva ^ndoꞌo yuvi na kuëe kandixa Tata yo Jesucristo.

Hebreos 2:17

Ra xaꞌa ña kan ke ña xiniñuꞌu va kuvi ña kixi Tata yo Jesucristo ña nduu ra ta kuꞌva iyoo yoo na kuu ñani ra, ra nduu ra iin sutu ra kuchee vaꞌa, ra ndinuni ni ^xachiñu nuu Tata yo Ndioxi, ra ^kuꞌvi ni tu ini ra xini ra yoo va. Ra suꞌva va ke xa ra, ña vaꞌa sandiꞌi ra xaꞌa kuachi yoo na kuu ñuu Tata yo Ndioxi.

Hebreos 4:15

Ra sutu ra kuchee nuu yo, ra ^kundaꞌvi va ini ra xini ra yoo ña kuvita ini yo kuni yo sa yo chiñu kiꞌvi, saa chi iin ta kuꞌva ndoꞌo mii yo ña xitondoso ni timiaꞌa yoo vichin kuvi tu ña ndoꞌo ra kan va, saa chi tiaa ni tu xitondoso ri ra kan va, ndi su ra kan, ra kuëe ndixa vi ra kan chiñu kiꞌvi.