San Lucas 5:5 - Mixteco Metlatónoc

⁵ Saa ndakuiin ra Simón, kachi ra saa: ―Tata Maestro, xa iinii ñuu ndaa ndixika ndi xaꞌa ri, ra ndia nii ri nditïin vi ndi. Ndi su tu xa mii kun kachi saa, ra vaꞌa, na chikaa tuku va ndi ña ―kachi ra.

San Lucas 5:5 Iomraidhean Croise

San Lucas 17:13

Ra ndiee ka vi kana ndia ra kachi ndia saa: ―¡Tata Maestro, kundaꞌvi ini kuni nduꞌu, ra sandaꞌa kun nduꞌu! ―kachi ndia.

San Lucas 8:24

Ra saa sandoto ndia Jesús ra ndikaꞌan ndia xiꞌin ra kachi ndia saa: ―¡Tata Maestro! ¡Tata Maestro! ¡Kuandee itun yoꞌo xiꞌin yo kaꞌa mini! ―kachi ndia xiꞌin ra. Ra saa ndakoo Jesús ra xaꞌndia ra chiñu nuu tachi xiꞌin tiakuii, ra ndikun ndixkuiin va ña, ra iin yayaa kutaxin va.

San Lucas 8:45

Ra saa ndikaꞌan Jesús, kachi ra saa: ―¿Yoo kuvi na nditiandiaa ndaꞌa yuꞌu? ―kachi ra. Ra iin xa xïni ndiꞌi va na. Ra saa ndikaꞌan ra Pedro, kachi ra saa: ―Tata Maestro, iin takundiꞌi na chindaꞌni taꞌan sata kun, ¿ra ni ke sa kun ña kundaa ini kun yo kuvi na nditiandiaa ndaꞌa yoꞌo? ―kachi ra xiꞌin Jesús.

San Lucas 9:33

Ra ta sakan ndixikutiaꞌa ndia ndita xiꞌin Jesús; ra saa ndikaꞌan ra Pedro, xiꞌin ra kachi ra saa: ―Tata Maestro, vaꞌa ni kuu ndee yo yoꞌo. Ra na savaꞌa ndi uni veꞌe tuvixin vali, ra iin ña kuu veꞌe yoꞌo, ra iin ña kuu veꞌe ra Moisés, ra iin ña kuu veꞌe ra Elías ―kachi ra xiꞌin Jesús. Ra nii ndikundäa ini ra ni ke kaꞌan ra xaꞌa vi.

San Lucas 9:49

Ra saa ndikaꞌan ra Juan xiꞌin Jesús kachi ra saa: ―Tata Maestro, xini ndi iin tiaa, ra tava ra tachi ndivaꞌa xiꞌin kivi kun. Ra ndikaꞌan ndi xiꞌin ra, ña na kuniñüꞌu ka ra kivi kun, chi süvi ra itaꞌan xiꞌin yo kuvi ra ―kachi ra.

San Juan 15:14

Ra tu na sa ndo ña kaꞌan yu, ra saa ke kuu ndo ndia itaꞌan mani xiꞌin va yu.

San Juan 2:5

Ra saa ndikaꞌan ña xiꞌin na chuꞌun ndaꞌa kan, kachi ña saa: ―Na sa ndo takundiꞌi ña ^kaꞌan ra xiꞌin ndo ―kachi ña xiꞌin na.

San Juan 21:3

Ra saa ndikaꞌan ra Simón Pedro, xiꞌin ndia kachi ra saa: ―Na kuꞌun yu kachiꞌi yu ―kachi ra. Ra saa ndakuiin ndia, kachi ndia saa: ―Kuꞌun va ndi xiꞌin kun ―kachi ndia xiꞌin ra. Ra saa kee ndia ndixaꞌan ndia nandaa ndia itun xika nuu mini, ndi su ñuú kan, ra iin niñuu ndaa va ndixika ndia, ndi su ndia nii tiaka ndinïꞌi ndia.