San Lucas 5:11 - Mixteco Metlatónoc

¹¹ Ra saa ke̱e ndia chi yuꞌu mini kan xiꞌin barca ndia. Ra ndakoo ndiꞌi ndia chiñu ndia. Ra ndakundikun ndia Jesús, kuaꞌan ndia xiꞌin va ra.

San Lucas 5:11 Iomraidhean Croise

San Mateo 10:37

Ra na kuꞌvi ni ka ini xini iva xiꞌin siꞌi, nuu yuꞌu, ra küvi vi kundikun na kan yuꞌu, ra saa tu na kuꞌvi ni ini xini seꞌe tiaa a seꞌe ñaꞌa va tu, nuu yuꞌu, saa ra küvi tu kundikun na kan va yuꞌu;

San Mateo 19:27

Saa ndikaꞌan ra Pedro xiꞌin Jesús kachi ra saa: ―Tata, nduꞌu, ra ni ke niꞌi ndi, chi ndakoo ndiꞌi va ndi ñaꞌa ña kuu mii ndi, ra ndakundikun ndi yoꞌo xika ndi xiꞌin kun ―kachi ra.

San Mateo 19:29

Ra takundiꞌi yuvi, na ndakoo veꞌe, na ndakoo ñani, na ndakoo kuꞌva, na ndakoo siꞌi, na ndakoo iva, na ndakoo yasiꞌi, na ndakoo seꞌe, na ndakoo ñuꞌú, xaꞌa ña ndikun na yuꞌu, ra na kan, ra iin ciento ka va nduu ña ndakiꞌin na sa Ndioxi, ra niꞌi tu na ña kutiaku na xiꞌin Ndioxi ndia ndikaa ndikuꞌun va.

San Mateo 4:20

Ndia saa ra ndikun ndakoo ndia inu ndia ña tava ndia tiaka ra ndakundikun ndia kuaꞌan ndia xiꞌin va ra.

San Mateo 4:22

Saa ra ndikun ndakoo ndia chiñu ña xa ndia ra nindiayu taꞌan ndia xiꞌin Iva ndia, ra ndakundikun ndia kuaꞌan ndia xiꞌin Jesús va.

San Marcos 10:21

Ra saa kakaxi ixtoꞌni Jesús nuu ra, ra ku̱ꞌvi̱ ka vi ini ra xini ra ra, saa ndikaꞌan ra xiꞌin ra kachi ra saa: ―Iyoo va inka ña kumani nuu kun: Kuaꞌan, ra xiko kun takundiꞌi ñaꞌa ña iyoo nuu kun, ra ndataꞌvi kun xuꞌun xiꞌin na ndaꞌvi, ra saa ke kuu kun ra kuika ndivi nuu iyoo Ndioxi, ra te ndiꞌi ndakasoko kun cruz kun ra kixi kun kuꞌun yo xiꞌin yu ―kachi Jesús xiꞌin ra.

San Lucas 5:28

Saa ra, ndikun ndakoo ndiꞌi ra Leví chiñu ra, ra ndakiꞌin ra kuaꞌan ra xiꞌin Jesús va.