San Lucas 4:25 - Mixteco Metlatónoc

²⁵ Ra ña ndixa ke kaꞌan yu xiꞌin ndo, chi saa ndoꞌo na te xinaꞌa ta ndixika ra Elías, ra ndikaꞌan ndoso tuꞌun yuꞌu Ndioxi: ta ndasi Ndioxi ndivi ra ndiküun ka savi uni kuiya sava. Ra ndiee ni xindikaa tama ra ndikaꞌun ni ini yuvi, ra kuaꞌa ni na siꞌi na ndukuaan xindee ñuu Israel, ra ndoꞌo ni ini na.

San Lucas 4:25 Iomraidhean Croise

San Mateo 20:15

Saa chi mii va yu kuvi ra xini, ndia ña ke kuvi sa yu xiꞌin xuꞌun yu. ¿Ra nichuun ndukuini ini kun xini kun na ña ^xa yu ña vaꞌa xiꞌin na?”, kachi ra ixtoꞌo uva kan xiꞌin tiaa kan, ^kachi tuꞌun ndichi yoꞌo ―*kachi Jesús xiꞌin na.

San Lucas 10:21

Ra mii hora kan tiaa nii kusii ini Jesús xiꞌin ndiee Tachi Yii Ndioxi, ra ndikaꞌan ra kachi ra saa: ―Ndasakaꞌnu yu yoꞌo, Tata Ndioxi, saa chi yoꞌo kuvi ra xaꞌndia chiñu ndivi ra saa tu ñuꞌu va, saa chi chikaa seꞌe va kun ña vaꞌa yoꞌo nuu na ndichi xiꞌin na kundaa ni ini, ra ndañaꞌa va kun ña nuu na ndaꞌvi, na kundäa ini, na iyoo ta kuꞌva iyoo na kuachi vali, ra saa xa kun, Tata, chi saa kuni mii kun koo va ―*kachi Jesús.

Romanos 9:15

Saa chi suꞌva va ke kachi Ndioxi xiꞌin ra Moisés xinaꞌa: “Takua yuvi na kuni mii va yu kuvi na, kundaꞌvi ini yu kuni yu, ra takua yuvi na kuni mii yu kuvi tu kuꞌvi ini va yu”, kachi ra.

Romanos 9:20

Ra na kundaa ini ndo, chi küvi kachi yo saa, saa chi ndia nii yuvi kuchüun ^sakuachi xiꞌin Ndioxi. Saa chi iin kisi ñuꞌú, ra küvi vi kaꞌan kuachi ña nuu tiaa ra xavaꞌa ñaꞌa, ña kachi ña saa: “Väꞌa ndixa kun, saa chi kusïi ini yu kuꞌva ña xavaꞌa kun yuꞌu”, kachi ña.

Efesios 1:11

Ra xaꞌa ña xa nduu yo iin xiꞌin Cristo va kuvi ña ndikaxin Ndioxi yoo ta yachi, ña vaꞌa ndakiꞌin yo ña kindoo ra taxi ra ndaꞌa yo; ra takundiꞌi ña yoꞌo, ra iin ta kuꞌva kuni mii Ndioxi ke iyoo va ña, saa chi ra kan, ra iin ta kuꞌva kuni mii va ra ke ^xa ra takundiꞌi chiñu.

Efesios 1:9

ra ndañaꞌa ra ña kuu kuenda mii ra ña ndixiyo seꞌe ta yachi nuu yo, ra Cristo va kuvi ra kindoo ra xiꞌin ta yachi ña na sa ra chiñu kan.

Santiago 5:17

Ra na kundaa ini ndo ta kuꞌva xa ra Elías, ra ndikaꞌan tuꞌun yuꞌu Tata yo Ndioxi xinaꞌa, chi ra kan, ra ta kuꞌva iyoo yoo kuvi tu ña ndixiyo tu ra kan va; ndi su te ndikaꞌan ra xiꞌin Tata yo Ndioxi ña na küun ka savi, saa ra ndiküun ka ndixa va ra, nuu ñuꞌu yuuvi yoꞌo uni kuiya sava.

Apocalipsis 11:6

Ra ndia yoꞌo, ra iyoo ndiee ndia ña ndasi ndia ndivi, ra küun ka savi kii ña kaka ndia kaꞌan ndoso ndia tuꞌun yu, ra iyoo tu ndiee ndia ña ndasa ndia tiakuii ni̱i̱ va, ra sandoꞌo ndia na yuuvi, xiꞌin ndia ndia ka nuu tundoꞌo ñàꞌa ndixaa ka mii ichi kuni va ndia.