San Lucas 4:23 - Mixteco Metlatónoc

²³ Saa ndakuiin Jesús kachi ra saa xiꞌin na: ―Xa kundaa va ini yu chi vaxi kii ra kaꞌan ndo iin tuꞌun ndichi xiꞌin yu, kachi ndo saa: “Yoꞌo, ra xa tatan inka yuvi, na sa tatan kun mii kun vichin”, kachi ndo. Ra kaꞌan ka ndo: “A su yoꞌo kuvi ra kuaꞌa ni ña vaꞌa xa ñuu Capernaum; ra saa na sa tu kun yoꞌo va, chi yoꞌo kuvi ñuu kun”, kachi ndo xiꞌin yu ―kachi Jesús xiꞌin na.

San Lucas 4:23 Iomraidhean Croise

San Mateo 13:54

ra saa ndixaa ra ñuu nuu xaꞌnu ra. Ra ndikiꞌvi ra ini veꞌe ñuꞌu ñuu kan ra saa xaꞌa ra sañaꞌa ra na, ra ndakanda ka vi ini yuvi na ndee kan, ra kachi na saa: ―¿Ndia ndixaꞌan kiꞌin tiaa yoꞌo takundiꞌi ña ndichi yoꞌo, xiꞌin ndiee ña xa ra ña xituꞌun yoꞌo?

San Mateo 4:13

Ndi su nindöo ra koo ra ñuu Nazaret, saa chi chi ñuu Capernaum va ndiyaꞌa ra ndixaꞌan ra ndixiyo ra. Ra ñuu kan, ra yachin yuꞌu mini va ke ndikaa ña, ra ikan kuvi nuu iyoo na seꞌe xikua ra Zabulón, xiꞌin ra Neftalí.

San Mateo 4:23

Ra iinii kuvi chi Galilea ^xika Jesús sañaꞌa ra yuvi ta veꞌe ñuꞌu ta veꞌe ñuꞌu, ra ^kaꞌan ndoso ra tuꞌun Ndioxi nuu na, ña ^sañaꞌa ra na xaꞌa ichi nuu xaꞌndia chiñu Ndioxi, ra sandaꞌa ra takundiꞌi yuvi na xiꞌi, ndia ndia ka mii nuu kueꞌe va.

San Marcos 6:1

Saa kanata Jesús ñuu kan, ra ndakiꞌin ra kuaꞌan ra ñuu nuu kee ra, xiꞌin ndia itaꞌan xiꞌin ra.

San Lucas 2:39

Ta ndiꞌi xanduvi ndiꞌi na ndiayu Ndioxi ña tiaa ra Moisés, ra saa nandiko na ndaxaa na ñuu Nazaret ña ndikun ndiaa chi Galilea.

San Lucas 2:51

Ra saa ndakiꞌin ra kuanuꞌu ra xiꞌin na ivasiꞌi ra ñuu Nazaret. Ra xatoꞌo ka vi ra na, iin kandixa ndiꞌi va ra chiñu ña xaꞌndia na nuu ra. Ra ndakani ka vi ini ña María xaꞌa takundiꞌi ña kuu.

San Lucas 4:16

Ra saa ndixaa Jesús ñuu Nazaret nuu xaꞌnu ra. Ra kii ndakindiee̱ na ndixaꞌan ra veꞌe ñuꞌu kan, chi saa yunaꞌa va ra. Ra ndakundichi ra ña kaꞌvi ra tuꞌun Ndioxi nuu yuvi kan.

San Lucas 4:31

Ra saa ndakiꞌin Jesús kuaꞌan ra ñuu Capernaum ña ndikaa chi Galilea. Ra saa xaꞌa ra sañaꞌa ra yuvi na ndee veꞌe ñuꞌu kan kii yii ña ndakindiee na.

San Lucas 4:35

Saa ndukueꞌe Jesús xiꞌin tachi ndivaꞌa kan, ra kachi ra saa: ―¡Koo yaa yuꞌu kun! Ra saña tiaa ñaa ―kachi ra. Ra saa kùùn ña ndivaꞌa kan tiaa kan ndia nuu ñuꞌu, ra ke̱e ña kuaꞌan ña, ndi su kuëe nindoꞌo vaꞌa vi ra.

San Lucas 6:42

Ra tu xïni kun itun chee ndikaa nuu mii kun, ¿ra nichuun vaꞌa kiꞌin kun kuenda ña kaꞌan kun xiꞌin ñani kun: “Ñani, naꞌa, na tava yu miꞌi loꞌo ña ndikaa nuu kun”, kachi kun? ¡Ra ra chiꞌña tuꞌun va kuvi kun! Chi xiꞌna ka itun chee ndikaa nuu mii kun na tava kun. Ra saa ke vaꞌa ndakotoꞌni kaxi kun, ra vaꞌa tava kun miꞌi loꞌo ña ndikaa nuu ñani kun ―kachi Jesús xiꞌin na.

San Juan 4:28

Ra saa ndakoo ñaꞌa kan yoo ña xiko ña tiakuii, ra ndakiꞌin ña xinu ña kuaꞌan ña ñuu kaꞌnu kan, ra ikan ndikaꞌan ña xiꞌin takundiꞌi yuvi kan kachi ña saa:

2 Corintios 5:16

Ra xaꞌa ña kan ke vichin, ra kuëe ndakani ka ini ndi kuni ndi yuvi, ta kuꞌva ^ndakani ini na yuuvi yoꞌo xini na na; ndi su ta yachi, ra ta kuꞌva ^ndakani ini na yuuvi yoꞌo va ndakani ini ndi xaꞌa Jesucristo, ndi su vichin, ra xa sïin va xani ini ndi xaꞌa ra.